[Tlhingan-hol] Klingon Name Generator - OUTRAGEOUS AND UNACCEPTABLE
Lieven
levinius at gmx.de
Mon May 30 08:46:36 PDT 2016
loQ qayaj, 'ach loQ jIQochqu'.
Am 30.05.2016 um 17:24 schrieb Felix Malmenbeck:
>> One more example that reminds us of this list's
>> rule NOT to transcribe your own words.
>
> chut Dapong. qeS neH 'oH qar'a'?
> tlhIngan Hol vIghItlhtaHvIS, qatlh DIvI' Hol vIlo' net poQ?
tlhIngan Hol lughojtaHvIS, DIvI' Hol lulo' HochHom ghojwI'pu'. *Hebrew*
Hol yaj ghot puS neH.
bIlughchu': FAQ-Daq qeSmey law' tu'lu', chut bIHbe' qeSmeyvetlh.
qeSqoqvetlh DalaD'a'? jatlh HoD Qanqor: "It is the explicit policy of
this list not to do naked transliterations" 'ej ja'taH "It is permitted
but strongly discouraged to do marked transliterations". meqDaj
QIjlaHchu': roD pongmey lujatlhDI' ghotpu', vaj pIm wabDaj. MichaelvaD
*mayqel* pong DIvI' Hol jatlhwI', 'ach *mI'Sa'el* jatlh DoyIchlanganpu'.
chay' SovlaH taghwI'? *Michael* ghov Hoch.
jIjatlhDI', <DaHjaj tur 'ev'el vISuch> chay' mu'vetlh ghovlaH taghwI'?
tlhIngan wabmey Dalo' DaneH bIghItlh. 'ach latlh Hol DajatlhDI', nov Hol
wab Daghet'a' je? DIvI' Hol jatlhtaHvIS, bIjatlh'a': "I ate some
shampinyohs at a restooront"? - taQbej, Hol Hoch Dalo'taHvIS.
'ay' Du' not bIlIv 'It 'IS ghuD tu' tIraSlI' te'ret 'ev rI' tIng.
;-)
--
Lieven L. Litaer
aka Quvar valer 'utlh
Grammarian of the KLI
http://www.facebook.com/Klingonteacher
http://www.klingonwiki.net
More information about the Tlhingan-hol
mailing list