[Tlhingan-hol] Klingon Name Generator - OUTRAGEOUS AND UNACCEPTABLE

[Felix Malmenbeck]

> tlhIngan Hol lughojtaHvIS, DIvI' Hol lulo' HochHom ghojwI'pu'.

teH. 'ach DIvI' Hol 'oHbe' tlhIngan Hol'e'.

not vay' vImISmoHmeH DIvI' Hol vIlo'nIS, rut vay' vImISmoH 'e' vImaS.

> roD pongmey lujatlhDI' ghotpu', vaj pIm wabDaj. MichaelvaD
> *mayqel* pong DIvI' Hol jatlhwI', 'ach *mI'Sa'el* jatlh
> DoyIchlanganpu'. chay' SovlaH taghwI'? *Michael* ghov Hoch.

Seng 'e' vIlajbe'. jaS *Michael* pong lujatlhchugh nuvpu', qatlh jaS pongvam lughItlhbe'?
nIpon Hol vIghItlhtaHvIS, pongwIj vImughmeH *フェリッケス* vIghItlh. 'ach 'amerI'qa'nganvaD *Felix* ponglu', pongDaj vImughmeH ghaytan *フッリッケス* vIghItlh, loQ pImmo' pongmeymaj.

mISmo' Hegh vay' 'e' wIpIHchugh, pong wIQIjlaH. Dun Holmaj; wa' qech Dellu'meH mIwmey law' tu'lu'!

rut pong ghItlhbogh potlh law' pong wab potlh puS. qaSchugh ghu'vam, *Michael* ghItlhlu' 'e' vIqeS. 'ej potlhqu'chugh qabDaj, mIllogh ghItlhlu' 'e' vIqeS.

> jIjatlhDI', <DaHjaj tur 'ev'el vISuch> chay' mu'vetlh ghovlaH taghwI'?

qellaH. 'ej yapbe'chugh, ghellaH. ghaHvaD mu'meyvam DIQIjlaH:

vIraS monDaq chalqach noyqu' tu'lu'. chalqachvamvaD *tur 'ev'el* pong Quvar.
'ach yIyep'eghmoH! pongvam 'olpu'be' Hol qonwI''a', vaj chaq yajbe' Hoch ('ej lajQo' yajbogh 'op).

> 'ach latlh Hol DajatlhDI', nov Hol wab Daghet'a' je? DIvI' Hol jatlhtaHvIS, bIjatlh'a':
> "I ate some shampinyohs at a restooront"? - taQbej, Hol Hoch Dalo'taHvIS.

ghobe'. wa' Hol vIjatlhtaHvIS, motlh latlh Hol vIjatlhbe'. toH, DIvI' Hol vIjatlhtaHvIS, motlh vIraS Hol vIjatlhbe', 'ej tlhIngan Hol vIghItlhtaHvIS, motlh DIvI' Hol vIghItlhbe'.

________________________________________
From: Lieven <levinius at gmx.de>
Sent: Monday, May 30, 2016 17:46
To: tlhingan-hol at stodi.digitalkingdom.org
Subject: Re: [Tlhingan-hol] Klingon Name Generator - OUTRAGEOUS AND UNACCEPTABLE

loQ qayaj, 'ach loQ jIQochqu'.

Am 30.05.2016 um 17:24 schrieb Felix Malmenbeck:
 >> One more example that reminds us of this list's
 >> rule NOT to transcribe your own words.
 >
 > chut Dapong. qeS neH 'oH qar'a'?
 > tlhIngan Hol vIghItlhtaHvIS, qatlh DIvI' Hol vIlo' net poQ?

tlhIngan Hol lughojtaHvIS, DIvI' Hol lulo' HochHom ghojwI'pu'. *Hebrew*
Hol yaj ghot puS neH.

bIlughchu': FAQ-Daq qeSmey law' tu'lu', chut bIHbe' qeSmeyvetlh.
qeSqoqvetlh DalaD'a'? jatlh HoD Qanqor: "It is the explicit policy of
this list not to do naked transliterations" 'ej ja'taH "It is permitted
but strongly discouraged to do marked transliterations". meqDaj
QIjlaHchu': roD pongmey lujatlhDI' ghotpu', vaj pIm wabDaj. MichaelvaD
*mayqel* pong DIvI' Hol jatlhwI', 'ach *mI'Sa'el* jatlh DoyIchlanganpu'.
chay' SovlaH taghwI'? *Michael* ghov Hoch.

jIjatlhDI', <DaHjaj tur 'ev'el vISuch> chay' mu'vetlh ghovlaH taghwI'?

tlhIngan wabmey Dalo' DaneH bIghItlh. 'ach latlh Hol DajatlhDI', nov Hol
wab Daghet'a' je? DIvI' Hol jatlhtaHvIS, bIjatlh'a': "I ate some
shampinyohs at a restooront"? - taQbej, Hol Hoch Dalo'taHvIS.

'ay' Du' not bIlIv 'It 'IS ghuD tu' tIraSlI' te'ret 'ev rI' tIng.

;-)

--
Lieven L. Litaer
aka Quvar valer 'utlh
Grammarian of the KLI
http://www.facebook.com/Klingonteacher
http://www.klingonwiki.net

_______________________________________________
Tlhingan-hol mailing list
Tlhingan-hol at kli.org
http://mail.kli.org/mailman/listinfo/tlhingan-hol