[Tlhingan-hol] Human veQ

[Alan Anderson]

On Fri, May 27, 2016 at 11:48 AM, mayqel qunenoS <mihkoun at gmail.com> wrote:
>> 'ach chay' Doch mevbogh nuv tam, taHnISbe'chugh ja'chuqghach?
>
> I'm not sure I understand your sentence exactly ; All I get is :
> "however how quiet people who stop are rude, if they don't need to
> continue conversation"

HIvqa' veqlargh. <<mejbogh>> vIghItlhHa'pu'. <<chay' Doch mejbogh nuv tam?>>

> 'elaDya'Daq, mu'meyvetlh jatlh HochHom nuvpu'. jatlhQo' nuv Doch neH.

HochvaD jatlh'a'? muqaghchugh vay' vISovbe'bogh, Doch ghaH'e' 'e' vInoH.

nuv ghovbogh rI'? vaj jIDoch jIH ghaytan 'e' DaQub, pIj qabmey
vIghovbe'mo'. ghoghmey vIghovlaH, 'ej yIttaHvIS vay' pIj
vIHtaHghachDaj vIghovlaH, 'ach qab vIghovnIS 'e' yIqapQo'.

yaHwIj chobmeyDaq jIve'taHvIS, vay' vIghovbe'bogh vIjuStaHvIS roD
vIrI'be'. Do'Ha' ghaH vIghovbe'taHvIS, pIj jIH ghovtaH ghaH, 'ej
ghaytan jIDoch 'e' wuq. porghDaj, yItmeH mIwDaj joq vIbuSchugh,
ghaytan jIDoch 'e' wuq. napbe' ghu'.

-- ghunchu'wI'