[Tlhingan-hol] 'arDIch

[Rohan Fenwick - QeS 'utlh]

ghItlhpu' Qov, jatlh:
> pab quprIp ghajbe'mo' DIvI' Hol mujbej pagh, 'ach muj chovnatlh 'e' 
> luHartaHvIS nuv law', chovnatlhvetlh  DajunnIS. rut jIvqu' 
> HarwI'pu'vetlh 'ach nIqIch jIvwI'pu'vetlh DaneHbe'chugh pabqoqchaj DapabnIS.

'e' vIlajchu', 'ach lughwI' mujwI' joq maqchu'meH laH ghaj pabqoqvetlh 'e' vIlajQo' je. pIj Hol SeQHa' lughItlh nuvpu' 'ej Hol SeQHa' jatlhlu'taHvIS, Hol SeQ Hoch chutmey ram pabnISbe'. ghomtaHvIS cha' qabDu', 'ampaS Hol lujatlhbe', vaj 'InternetDaq jatlhchuqtaHvIS jupwI', qatlh 'ampaS Hol ghItlhnISlu'chu'taH? (jIvIt: 'ampaS Hol vIqeltaHvIS jIH, qabbej "alright" 'ach qabbej je "all right". nIv "appropriate", "sufficient", "adequate" ghap.)

taH:
> DIvI' HolvaD "split infinitive" yIqel.

lI'be' chovnatlhvetlh 'e' vIHar. pIj chutvetlh vIwem 'ej not jIH muqIchpu' vay' "split infinitive" vIlo'pu'DI'. chut QIp 'oH 'ej DaH 'e' lulajlaw' HochHom po'wI'pu'.

ghItlhpu' SuStel, jatlh:
> "Alright" is growing in use due to the number of bad spellers on the Internet.

tlhoy wanI' DanapmoHpu'. wa' meq neH 'oH 'Internet'e' 'ej meqmey law' tu'lu'bejqu'. law'choHtaH "alright" qaStaHvIS 110 DISmey. qen ghurqa' lo'vam 'e' vIchIDqangbej - 15ben ghurqa'law' - 'ach 1910 law'choH, 'ej 1960 maH DIS poH ghurqa' je. choHmeyvetlhvaD 'Internet DapIchlaHbe'chu'.

http://books.google.com/ngrams/graph?content=alright&year_start=1600&year_end=2000&corpus=15&smoothing=3&share=

> As more and more people spell "all right" wrong, "alright" will become a real word.

"Will become"? qaStaHvIS wa'vatlh DIS mu'na' 'oHtaHqu'. 'ej Hol SeQ lo'lu'taHvIS "alright" lo'lu' je. 1904 wo' tay' bo'DIj taDaq tu'lu'. 1905 Pali-DIvI' Hol mu'ghomDaq tu'lu'. 1906 Sibley Journal of EngineeringDaq tu'lu'. 1907 American Bee KeeperDaq tu'lu'. mu'na' 'oH. jIjatlhqa': 'ampaSvaD ghItlh vIqontaHvIS vIlo'be'ba' jIH, 'ach mu'na' 'oHbejqu'taH.

QeS

SKI: QeS is alright with "alright".
 		 	   		  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20130128/91d01d39/attachment.html>