[Tlhingan-hol] mIl'oD veDDIr SuvwI' - 'ay' cha': 14. not lay'Ha' tlhIngan

[Rohan Fenwick - QeS 'utlh]

So there's been some delay as a result of, among other things, qep'a'. (All of you should go next year. It's a blast.) So I should recap before jumping back into mIl'oD veDDIr SuvwI'.

Basically, 'avtanDIl and roStevan have come across this strange warrior, wearing a sabre bear pelt, who went on to wound or kill a dozen of roStevan's attendants, which upset roStevan mightily. Eventually he came to believe the odd warrior was an evil spirit sent to torment him. But his daughter, tIna'tIn, was not so sure, and promised 'avtanDIl she would marry him if he would spend a year searching for the warrior of the sabre bear pelt and determining for certain whether he was spirit or man.

And so, the story continues...

14. not lay'Ha' tlhIngan

nItebHa' 'Ip nobchuq, lay'chuq, 'Ip lucherchu'. ghIq jatlhchuqchoH; ja'chuq, SoQ law' jatlhchuq; qen jotHa'pu', 'ach DaH jotqa' 'ej 'IQHa'choH. jatlhtaHvIS, tlhoS panlaw' Ho'Du'Daj 'ej 'ul lutlhuDlaw'. tay'taHvIS ba'taH chaH, QuchtaH, wa'vatlh Dochmey qeltaH chaH jatlhchuqtaHvIS. QumchuqmeH QInmey Da jatDu'chaj, puSwI'mey Da mInDu'chaj, wIymey Da qabDu'chaj.  jatlh SuvwI': «maw'choHbej nIleghbogh loDpu''e'; SoHvo' meQtaHbogh qulmo', meQchu'pu'qu' je tIqwIj!»
tagha' mej loDvetlh Qup, 'ach mej 'e' SIQlaHbe'chu'; tlhe''egh 'ej tIna'tIn leghqa'. mInDu'Daj lunISlu'pu', bIHDaq nIjlaw' 'IwHey DoqchoHtaHvIS moQmey, QomtaH porghDaj woch. tIqDajvaD tIq ghaj, 'ej parmaqvaD tIqDaj'e' nobta'.
jatlh'egh: «'o jul, wIchevlu'pu'DI' tugh tIqwIj lav SIghchoHlu'pu'. SuDchoH qabwIj 'ej Dargh tlhorghHa' rurchoH. vaj nuq vIta'laH, qaleghlaHbe'mo' qaStaHvIS poH nI'? chut vImaq: parmaqqayvaD, qaq Hegh.»
QongDaqDaq QotchoH ghaH 'ej SaQchoH. SaQ 'e' botlaHbe', vIHtaH 'ej QomtaH, Sor SIghtaHbogh SuS rur. QongchoHDI', Sum bangDaj 'e' naj; pay' vemchoHmoHlu', bey'a' jach; bepHom, bep, bep'a' bechtaH. ghaH bangDaj je luchevlu'pu'mo' ghalqu'choH. Doqqu'choH mInDu'Daj, 'Iw lururchu' 'ej 'oy'choH. SalDI' po jul, SutDaj 'IHqu' tuQ'eghmoH, SarghDaj chISqu'Daq toS, 'ej 'utlh jatlhmeH voDleH juHDaq jaH.
'utlhvaD QIn QummeH, qep vaSDaq toy'wI' ngeH ghaH, jatlh: «'o 'utlh, qech vIQubpu'bogh qajatlh vIneHneS. yanlIjmo' qo' Hoch Dache'chu'; DaH roghvaH HochvaD ghu'vam Dun vISovmoH, 'e' Dachaw'qangchugh. jIjaH, jIleng, jIghob, wo' Hoch veHDaq jIghoS; tIna'tIn cho'pu'ghach vImaqmeH, jaghlI' tIqDu' vIDuQ. matlhwI' vIlopmoH, 'urwI' vISaQmoH; nobmey qanobtaHneS, reH qavanchu'neS.»
ghaHvaD tlho'qu'meH QIn ngeH 'utlh. «'o mupwI'[1]!» jatlh. «bISuvtaHvIS SoH, vumchu'taHchugh DeSlIj SoHvaD qay'be'qu'. yIQoy: qeSlIj nIv law' toDujlIj nIv rap. vaj yIjaH. 'ach qaSchoHtaHvIS poH nI' bIDachtaHqu'chugh, nuq vIta'?»

--------
[1] The Georgian here is /lomo/ "o lion!"; mupwI' here is intended to evoke the simile {HoSghaj; mupwI' rur} (KGT 129).
--------
SKI: 'avtanDIl and tIna'tIn talk a little, then 'avtanDIl goes emo for a while before going to roStevan to tell him what he's off to do.

QeS
 		 	   		  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120910/07e53a1a/attachment.html>