[Tlhingan-hol] nuq bop bom: 'ay' wa'vatlh chorghmaH chorgh: potlh muD neH.

[ghunchu'wI' 'utlh]

On Sun, May 13, 2012 at 7:47 AM, Qov <robyn at flyingstart.ca> wrote:
> tlheghHey Sam 'eSSIm ghop.

(DIp mojaqmey vIparHa'qu'. tlhIngan Hol DunmoH Segh wej.)

> 'uchqu' 'ej tlha'choH. tlhuHnISqu'mo' tlhoS
> luH'eghlaHbe' 'ach tlhegh tlha'lI'. muD SIchta'. muD Qop rech 'ej tlhuHqa'.

yIQtaH 'ej SottaH 'ach tlhuHtaH 'ej yIntaH. maj.

> ravHom botlh pIrmuSvo' HuS 'eSSIm tlhegh. Mahoun pong jach 'e' nID 'ach
> tlhovqu'mo' jatlhlaHbe'. leS 'eSSIm, tlhegh 'uchqu'taHvIS. tlhuHtaH. ravHom
> Qarghmeymo' loQ ravHom yor leghlaH.

(munuQbe' <pIrmuS>. vaj qatlh mubItmoH naDev <yor>? yabwIjDaq vItI'nIS.)

> Sor HapDaq, 'eSSIm DungDaq je QamtaH
> cha' loDpu'. tlhIngan chaH. QI' DaSmey leghlaH 'eSSIm.

toH, jImujpu'. 'eSSIm yuvbe' Ha'DIbaH. chIch 'eSSIm pummoH nuv.

> nISwI' HIchmey QeqtaH.

Hat jan! batlhHa' vangba' mangvam!

> 'eSSImDaq Qeqbe'taH. nISwI' DuSHommey lurgh lutlha' 'eSSIm mInDu'.

DuSHom ghaj'a' nISwI' HIch? Since it isn't a projectile weapon, {DuS}
doesn't work for me. For some reason, I remember the tip of a
disruptor pistol being referred to as {neb}, but I can't find the
source of that memory.

> ravHom 'e'rIn legh. pa' QamtaH Mahoun. loDpu' bejtaH 'ej 'eSSIm yan mach
> 'uchtaH. mang mInDu'Daq QIn QeqtaH. vaQ qabDaj 'ej qu' porghDaj. wan DeSDaj.

(<wan> vIghovbe'. vay' DaghItlhHa''a'? ghu' DelHa'law' <wun>...
toH, tagha' mu' vISam 'ej mu'ghomwIjDaq <wan> vIchel. yIqImHa'.)

> 'etlhvetlh lo'laHbej 'e' HarlaH vay'. nuch ghaHbe'bej 'eSSIm parmaqqay. "nuH
> yIroQ, Mahoun," jatlh wa' mang.

I can't tell whether the spelling of his name is an intentional clue
to the possibility that the speaker knows him personally, or whether
it's just a bit of confusion on my part based on inconsistent usage in
earlier chapters.

> Mahoun! chay' pongDaj luSov? DoH Mahoun 'ej
> ravHom Qutlhbogh tlheghmey'e' pe'meH 'etlh Qachqu'. pov qech 'ach Mahoun
> 'emDaq negh tu'lu' je. Mahoun 'uchchoH wa' loD 'ej 'etlh nge' latlh.
> bIQtIqDaq 'etlh vo'.

bIQtIqDaq 'oHtaH 'etlh'e'. va, Duy' vIttlhegh. bIQ'a'Daq 'oHtaHbe'.

> QumwI' lel 'etlh vo'ta'bogh mang'e'. jatlh, "QuvmajDaq bIQtIqDaq pumpu' cha'
> nuv. bIQtIq yIHotlh. tIjol!" nepta'! bong qaSpu' chach 'e' maq.
>
> ravHomDaq loDpu' HIvmeH, tlhegh toSchoH 'eSSIm. bIQvo' porghDaj luHta'DI',
> ghIrchoH tlhegh. tlhegh ngo' 'oH. ravHomDaq baghlu'be'pu'. loQ lu'uchtaH neH
> Sor Hap 'ay'mey joj. 'eSSIm QutlhlaHbe'.

bIQ jaQvo' toDpu' 'a bIQtIqvo' toDbe'.

> bIQtIq HeHDaq wewchoH Mahoun,
> 'uchbogh mang je, 'ach lujlaw'mo' jol, wewbe'choH 'ej ratlhtaH.

HIvqa' tatmeyvetlh mIgh.

> SuvchoH
> Mahoun. mang yeb Senqu' 'ej chop, ghIq 'eSSIm paQDI'norgh lo'chu'.

jIlaDchoHDI', jIghel'egh: qatlh yeb Sen? ghIq jIlaDtaH 'ej tonSaw' vIqaw.

> mangvo'
> nargh Mahoun 'ej latlhpu' junmeH qet. pep'eghmeH tlhegh luHqa' 'eSSIm, 'ach
> ravHomvo' chev. yav luSIchlaHbe' 'eSSIm qamDu'. ravHom luSIchlaHbe' 'eSSIm
> ghopDu'. 'eSSIm qengchoH bIQtIq. ghIrbe'meH Suvqu' 'eSSIm. lImchoH.

jIQupqu'taHvIS QalmeH mIw vIghoj. jIghoj 'e' vIqawbe'; jIQalchoH neH
'e' vIqaw. QallaHbe'bogh vay''e' loQ vIyajbe'.

> bIQ
> 'uchbe'chu' nItlhDu'Daj. jach. voQbe'meH bIQ ghupnIS.

'eSSIm yotlh SoDlu' 'e' vISovbe', 'ach 'eSSIm'e' SoDlu'bej.

> bIQtIq HeHvo' Supta' Mahoun. puvlaw'taHvIS tlhoS SaS porghDaj. bIQ 'elpu'DI'
> nachDaj, bIQDaq QalchoH 'ej ghIrbe'. 'eSSIm ghoSchu'lI'. chay' ta'lI'?
> 'eSSIm Qutlhbe'chu' bIQ. SuvtaH 'eSSIm 'ach SachHa'taH qo'Daj. muD neH
> buSchu'. QallaHbe'. leghlaHbe'. QublaHbe'. jatlhtaH vay' 'ach potlhbe'.
> potlh muD neH.

(toDwI'pu' qeq vIqaw. paQDI'norgh Huj wIghoj. bIQDaq raltaHchugh nuv
Sot, yIcholQo'. lImtaHvIS Dujonchugh, chaq SoH HeghmoH je. yISumchoH
neH 'ej ghaytan Datlhu'moHtaHvIS DughoS. QIt bIDoHtaHvIS bIQ HeHDaq,
Daq jaQHa'Daq joq DaDevlaH. 'ach DughoSbe'chugh, yItuv. tugh vulchoH
lImwI', tlhuHbe'mo'. 'eSqu'choHpa', yI'uch 'ej yIqeng. bIQvo' yIluH
ghIq yItlhuHqa'moH.)

-- ghunchu'wI'