[Tlhingan-hol] nuq bop bom: 'ay' wa'vatlh SochmaH vagh: SImchu'ta'
ghunchu'wI' 'utlh
qunchuy at alcaco.net
Mon May 7 13:39:04 PDT 2012
On Sat, Apr 28, 2012 at 8:32 PM, Qov <robyn at flyingstart.ca> wrote:
> jatlh vajar, "wejmaH loS ben, QojtaH yuQjIjQa', tlhIngan wo' je. tlhIngan
> mIch DoQta' DIvI'. tlhIngan logh wIHubba'taH. mIch 'elpu'DI' nov veSDuj
> wIQaw'. mIch cholDI' nov tepqengwI' wIjon 'ej qama'pu' DIyu'. DIvI'
> luboQtaHchugh Qo'noSDaq, rura' pente'Daq ghap DIngeHta'.
ghaytan mujbe'chu' <-ta'>vam, 'ach jIHvaD taQ.
> qaStaHvIS veSvetlh
> ngabpu' wa' tlhIngan ngaq Duj.
ngabbe'ba' wa' neH. Dujvam bop lut. chuHmeH nIv'a' pab pIm?
> "Qo'noSDaq cha'maH wa' 'anDorngan qama' HIjlI' Dujvetlh. vagh jaj poQpu'
> leng 'ach pawbe'. Qaw'pu' jagh net Har 'ach Qaw'lu'pu'be'. lujpu' pIvghor.
> pIvghor Hutlhpu'mo' 'evnagh Se'mey lablaHbe'pu'. SImqu'ta' HoD 'ej wuqta'.
> Hongghor chu'qu' 'ej pIvlob pagh vI' Hut Hut Hut jav chav.
Doj Do.
> qaStaHvIS gho'Do
> ngajchoHlaH poH. lengtaHvIS Duj wa' jar SIQpu' chaH
SIQchugh chaH'e', wa' jar *lu*SIQpu'.
> 'ach Qo'noSDaq qaSpu'
> wej DISmey."[159]
(1.7 DIS vISIm jIH. rap pIvlob 0.9996, 0.9988c je.)
> jatlh Mahoun, "vISov. wanI'mo' wej DISmey vIHutlh. jIHvaD QIjpu'
> 'anDornganpu' 'ej HoD jIHmo' DaH QeD vIyajba'. 'ach qatlh qaStaHvIS jarvetlh
> 'anDornganpu' je'be' 'avwI'chaj? tlhoS pagh Soj luHevlaw'pu'."
>
> jatlh vajar, "yuQ SIchmeH yap nIn 'ach HochvaD yapbe' Soj. qama'pu'
> je'be'chu'chugh yapbe' je Soj. 'ach qama'pu' SopchoHchugh, yap.
('upchu'. chay' Qo'noS SungvaD "squick" vImugh?)
> lojDI' Soj,
> yIntaHmeH beq 'op qama'pu' Sop. yIntaHmeH latlh qama'pu' loQ je'."
(nom ngem 'IH ghoSnIS yabwIj. tugh chegh.)
> jatlh 'eSSIm, "qama'pu' je''a'? qatlh jolDaq qama' polbe'? qatlh SIbI' Hoch
> qama' HoHbe'? Ha'DIbaHchaj luchoqpu'chugh qama'pu' je'nISbe'pu'."
>
> jatlh vajar, "ngugh wej 'Itlhmo' chamvetlh, jol qawHaqDaq yInbogh nuv
> pollu'be'. yInbogh qama'pu' HIjmeH HoDvetlhvaD DIl QI'. Heghchugh Hoch
> DIlQo' QI', 'ej chaq 'urmang ta'pu' net pum."
QI' Qu' 'oH'a'? malja' Qu' 'oH'a'? Qatlh veS chutmey.
> poSqu'choH Mahoun mInDu' 'ej chorDaj lu'uch DeSDu'Daj. "nuvpu' vISoppu''a'?"
> jatlh.
(SuDtaH qabDaj. chay' nguvchoH yelwIyyIt rop?)
> jatlh vajar, "DujvetlhDaq maHbe'taH, Mahoun. *qeylIS batlh* ponglu'pu' ngaq
> Dujvetlh. qaStaHvIS noHvetlh ngaq Duj *naQjej yoH* vItoy'taH 'ej *naQjej
> yoH*Daq qa'avtaH ngabDI' *qeylIS batlh*.
toH. mISqu'choH Mahoun 'e' vIpIH. nuv SuD Sopta'be'mo', SotHa'. ghIq
ngebmo' yInDaj wej DIS, Sotqa'.
> ngugh noy wanI'. Duj toDlu'DI' leng
> poj QI'. yuQ toq SIchlaH, lojpa' nIn 'ej lojDI' Soj. SImchu'ta' HoD."
SuDpu' 'ej Qappu'. Do' ghaH, beqDaj, 'op qama'pu'Daj je. Do'Ha' latlh.
-- ghunchu'wI'
More information about the Tlhingan-hol
mailing list