[Tlhingan-hol] nuq bop bom: 'ay' wa'vatlh SochmaH vagh: SImchu'ta'

[Qov]

chaq mebpa'meyDaq QInvamvaD jIjanglaw' 'ach vIleghbe'. chaq 
jIjangchoH 'ach bong vIqIl.

> > qaStaHvIS veSvetlh
> > ngabpu' wa' tlhIngan ngaq Duj.
>
>ngabbe'ba' wa' neH. Dujvam bop lut. chuHmeH nIv'a' pab pIm?

ngabbe' latlhmey. luQaw'lu'. 'ach DunuQmo' vaj <wa'> vInop.

> > "Qo'noSDaq cha'maH wa' 'anDorngan qama' HIjlI' Dujvetlh. vagh jaj poQpu'
> > leng 'ach pawbe'. Qaw'pu' jagh net Har 'ach Qaw'lu'pu'be'. lujpu' pIvghor.
> > pIvghor Hutlhpu'mo' 'evnagh Se'mey lablaHbe'pu'. SImqu'ta' HoD 'ej wuqta'.
> > Hongghor chu'qu' 'ej pIvlob pagh vI' Hut Hut Hut jav chav.
>
>Doj Do.

'ach QIt tlhetlh.

> > qaStaHvIS gho'Do
> > ngajchoHlaH poH. lengtaHvIS Duj wa' jar SIQpu' chaH
>
>SIQchugh chaH'e', wa' jar *lu*SIQpu'.

maj. DublI' <lu->meywIj, qar'a'?

> > 'ach Qo'noSDaq qaSpu'
> > wej DISmey."[159]
>
>(1.7 DIS vISIm jIH. rap pIvlob 0.9996, 0.9988c je.)

toH! 0.9996c vIDel vIneH. chay' pIvlob vISIm. pImbej'a'? mumer ngoD.

> > jatlh vajar, "yuQ SIchmeH yap nIn 'ach HochvaD yapbe' Soj. qama'pu'
> > je'be'chu'chugh yapbe' je Soj. 'ach qama'pu' SopchoHchugh, yap.
>
>('upchu'. chay' Qo'noS SungvaD "squick" vImugh?)

nuv SuD SopchoHpa' ghutar loQ yev, chaq 'e' Daqaw 'ach vutchu'mo' 
Hota'ro' 'ej Dalqu'mo' Duj Soj QaD, nov Sopqang.  chaq Sojchaj mung 
luloy' 'anDornganpu'. chaHvaD DunHa'qu' ghu'.

> > lojDI' Soj,
> > yIntaHmeH beq 'op qama'pu' Sop. yIntaHmeH latlh qama'pu' loQ je'."
>
>(nom ngem 'IH ghoSnIS yabwIj. tugh chegh.)

'ay'vammo' SaghuHnIS 'e' vIqelbe'.  ghu' vIQIjchu'ta' 'e' vIHonmo', 
DuSIghlaw'mo' lut jIQuch. qechmeywIj vIlI'qa'ta'.

> > jatlh 'eSSIm, "qama'pu' je''a'? qatlh jolDaq qama' polbe'? qatlh SIbI' Hoch
> > qama' HoHbe'? Ha'DIbaHchaj luchoqpu'chugh qama'pu' je'nISbe'pu'."
> >
> > jatlh vajar, "ngugh wej 'Itlhmo' chamvetlh, jol qawHaqDaq yInbogh nuv
> > pollu'be'. yInbogh qama'pu' HIjmeH HoDvetlhvaD DIl QI'. Heghchugh Hoch
> > DIlQo' QI', 'ej chaq 'urmang ta'pu' net pum."
>
>QI' Qu' 'oH'a'? malja' Qu' 'oH'a'? Qatlh veS chutmey.

veS buSmo' Hoch QI' Dujmey Huch bajlaH Suy HoD yoH, QI'vaD Dochmey, 
qama'pu' je HIjqangchugh.

> > poSqu'choH Mahoun mInDu' 'ej chorDaj lu'uch DeSDu'Daj. "nuvpu' 
> vISoppu''a'?"
> > jatlh.
>
>(SuDtaH qabDaj. chay' nguvchoH yelwIyyIt rop?)

chISchoH 'e' vIHar.  chaq tugh ngoDvetlh vIlo'nIS.

> > jatlh vajar, "DujvetlhDaq maHbe'taH, Mahoun. *qeylIS batlh* ponglu'pu' ngaq
> > Dujvetlh. qaStaHvIS noHvetlh ngaq Duj *naQjej yoH* vItoy'taH 'ej *naQjej
> > yoH*Daq qa'avtaH ngabDI' *qeylIS batlh*.
>
>toH. mISqu'choH Mahoun 'e' vIpIH. nuv SuD Sopta'be'mo', SotHa'. ghIq
>ngebmo' yInDaj wej DIS, Sotqa'.

ghu' DaDelchu'.

> > ngugh noy wanI'. Duj toDlu'DI' leng
> > poj QI'. yuQ toq SIchlaH, lojpa' nIn 'ej lojDI' Soj. SImchu'ta' HoD."
>
>SuDpu' 'ej Qappu'. Do' ghaH, beqDaj, 'op qama'pu'Daj je. Do'Ha' latlh.

loQ Gimli Glider muqawmoH. 'Iv, Do, chuq bop Gimli Glider, Soj, 
qama'pu', poH bop *qeylIS batlh*.

lutwIj veb vIQuchmoH 'e' vInID ... 'ach tlhInganpu' vIDellI'.

- Qov