[Tlhingan-hol] nuq bop bom: 'ay' wa'vatlh SochmaH wej: qech chevwI'

[Qov]

At 14:03 '?????' 5/6/2012, you wrote:
>On Thu, Apr 26, 2012 at 10:21 AM, Qov <robyn at flyingstart.ca> wrote:
> > 'eSSIm chov vajar. wejmaH vagh ben boghpu' 'e' noH. moHqu'be'. naDev mob.
>
>Hoch 'eb jonrup.

vajar ghaH. qaStaHvIS lutvam be' noH 'e' nop'a' vajar?

> > be' larghmeH nachDaq pep 'ej tlhonDu' tInmoH. tu'law'pu' 'eSSIm. vajarDaq
> > tlhe'choHDI' 'eSSIm nach HughDajDaq wab nong lIng vajar. SIbI' 
> jatlh 'eSSIm,
> > "bIrchoH SuvwI' 'Iw." vajar mer 'ach qay'be'.[244]
>
>ja'chuq neH net tIvlaH. nga'chuq je neHnISbe'.

mIw nap lo'mo' tIghmeychaj, tlhoblaH 'ej lajHa' laH 'ej pagh nawlu'.

> > Mahoun rI' 'eSSIm 'ej tugh Qol 'ej qach 'el. HaStaDaq Mahoun leghba'pu'
> > vajar 'ach ngugh Duj chach buStaHmo', loD SuD qImqu'be'pu'. 
> HurghtaH DeS DIr
> > 'ej ghegh. Heghbe'pu'mo' bel vajar 'ach qama''e' SaHtaHmo' loQ tuH.
>
>ben qama' ghaH. DaHjaj HoD tlhab ghaH.

vajarvaD <qama' SuD> ghaHtaH.

> > Huch laj Mahoun 'ej jatlh, "choquvmoH, vajar HoD. wej tlhIngan 
> qa' vIyajchu'
> > 'ach vIvuvbej." tlhoS pup QIchDaj. yay' vajar.
> >
> > jatlh vajar, "Qo'noSDaq Hol DaHaDtaH'a' qama' SoHtaHvIS?"
> >
> > jatlh Mahoun, "ghobe'. chobaghpu'DI' SIbI' 'anDorngan DujDaq vIqenglu'."
>
>teHbe' Hoch Sovlaw'bogh nuv 'e' vIqawnIS.

lutvamvaD teHbe'bogh ngoDqoqmey Sovlaw' nuv puS 'e' DaqawnIS.

> > Daj. Qo'noS pawDI' *naQjej yoH* wej qama'pu' tlhabmoHbogh mab'e' qI'lu'.
> > Mahoun tlhabmoHmeH 'ej qama' taDaj choHmoHmeH DIlqu'nISpu' vay'. Hoch
> > chavlaH woQ qal. HoSghajbej Mahoun tuq.
> >
> > jatlh Mahoun, "ngaq DujDaq 'anDornganpu' DaQorgh'a' je, vajar?"
>
>qama' Qorgh 'avwI' 'e' Del Mahoun. ghaytan jaS Del vajar.

bIlugh! Soj nobmo' vajar 'ej mupbe'mo' "Qorgh" jatlh Mahoun. 
yIntaHmo' Qorghlu'.

> > jatlh vajar, "ghobe'. ngaq DujmajDaq 'anDorngan lutu'lu'be'."
> >
> > Mahoun qab DanchoH mIS. jatlh, "mutlhejbej 'anDornganpu', 'ach chaHvaD
> > rotlhmoHwI' lulo'lu'be'pu'. pujqu' chaH."
>
>rotlhchoHpa' Mahoun novvam puj legh'a'? rotlhchoHpu'DI' legh'a'?
>MahounvaD tlhoS rap, 'ach latlhvaD rapbe'ba'.

qechvetlh qelbe'law' Mahoun.

> > DaH mISchoH vajar. jatlh, "rotlhmoHwI'? nuq 'oH?"
> >
> > jatlh Mahoun, "Qo'noSDaq choHIjpu'DI', vItlhabmoHlu'pa' nachwIjDaq Doch
> > Dalo'. rotlhmoHwI'Hey 'oH."
> >
> > jatlh vajar, "qama' Qaylu'pa', leghlaHbe'meH reH mInDu' luqatlu'. SoHDaq
> > qama' buq vIlanta'. qablIj vISo'."[158]
> >
> > jatlh Mahoun, "mIvqoqvetlh vIqellI'be'. nachwIj DaSo', ghIq DaSo'Ha', ghIq
> > jan Dalo' ghIq buq Dalanqa'. jan tlhIngan pong vISovbe. HolwIj vImughchugh,
> > <qech chevwI'> pong HungpInwI'.[245] mIllogh vIghaj. jIHvaD potlh jajvetlh.
> > vIqawchu'."
>
><Da-> jatlhDI' Mahoun, vajar 'oSbej'a'? chaq mIS tIn law' mIS 
>vIpIHbogh tIn puS.

HIja'. ta' vajar 'e' Har.

>wa' jaj qaw Mahoun. jaj 'ar qawbe'? lutDaq vIt Sov vay''e' 'e' vItul.

SovwI' DaqIH, 'ej vIt QIj 'e' vIlay'.

- Qov.