[Tlhingan-hol] nuq bop bom: 'ay' wa'vatlh SochmaH wej: qech chevwI'

[ghunchu'wI' 'utlh]

On Thu, Apr 26, 2012 at 10:21 AM, Qov <robyn at flyingstart.ca> wrote:
> 'eSSIm chov vajar. wejmaH vagh ben boghpu' 'e' noH. moHqu'be'. naDev mob.

Hoch 'eb jonrup.

> be' larghmeH nachDaq pep 'ej tlhonDu' tInmoH. tu'law'pu' 'eSSIm. vajarDaq
> tlhe'choHDI' 'eSSIm nach HughDajDaq wab nong lIng vajar. SIbI' jatlh 'eSSIm,
> "bIrchoH SuvwI' 'Iw." vajar mer 'ach qay'be'.[244]

ja'chuq neH net tIvlaH. nga'chuq je neHnISbe'.

> Mahoun rI' 'eSSIm 'ej tugh Qol 'ej qach 'el. HaStaDaq Mahoun leghba'pu'
> vajar 'ach ngugh Duj chach buStaHmo', loD SuD qImqu'be'pu'. HurghtaH DeS DIr
> 'ej ghegh. Heghbe'pu'mo' bel vajar 'ach qama''e' SaHtaHmo' loQ tuH.

ben qama' ghaH. DaHjaj HoD tlhab ghaH.

> jeQ nov,
> choltaHvIS. tInchoHpu'. tlhIngan loD mach tIn law' Mahoun tIn rap. DaH
> pIvchu' 'ej langqu'be'. novvaD tlhIngan QI' DeQmey 'oSbogh mep nob.
> 'eSSImvaD jatlh, "tlhIngan qa' yajlaw'mo' wIvuv."

tlhIngan qa' ghajqu'be'ba', yajtaHvIS.

> Huch laj Mahoun 'ej jatlh, "choquvmoH, vajar HoD. wej tlhIngan qa' vIyajchu'
> 'ach vIvuvbej." tlhoS pup QIchDaj. yay' vajar.
>
> jatlh vajar, "Qo'noSDaq Hol DaHaDtaH'a' qama' SoHtaHvIS?"
>
> jatlh Mahoun, "ghobe'. chobaghpu'DI' SIbI' 'anDorngan DujDaq vIqenglu'."

teHbe' Hoch Sovlaw'bogh nuv 'e' vIqawnIS.

> Daj. Qo'noS pawDI' *naQjej yoH* wej qama'pu' tlhabmoHbogh mab'e' qI'lu'.
> Mahoun tlhabmoHmeH 'ej qama' taDaj choHmoHmeH DIlqu'nISpu' vay'. Hoch
> chavlaH woQ qal. HoSghajbej Mahoun tuq.
>
> jatlh Mahoun, "ngaq DujDaq 'anDornganpu' DaQorgh'a' je, vajar?"

qama' Qorgh 'avwI' 'e' Del Mahoun. ghaytan jaS Del vajar.

> jatlh vajar, "ghobe'. ngaq DujmajDaq 'anDorngan lutu'lu'be'."
>
> Mahoun qab DanchoH mIS. jatlh, "mutlhejbej 'anDornganpu', 'ach chaHvaD
> rotlhmoHwI' lulo'lu'be'pu'. pujqu' chaH."

rotlhchoHpa' Mahoun novvam puj legh'a'? rotlhchoHpu'DI' legh'a'?
MahounvaD tlhoS rap, 'ach latlhvaD rapbe'ba'.

> DaH mISchoH vajar. jatlh, "rotlhmoHwI'? nuq 'oH?"
>
> jatlh Mahoun, "Qo'noSDaq choHIjpu'DI', vItlhabmoHlu'pa' nachwIjDaq Doch
> Dalo'. rotlhmoHwI'Hey 'oH."
>
> jatlh vajar, "qama' Qaylu'pa', leghlaHbe'meH reH mInDu' luqatlu'. SoHDaq
> qama' buq vIlanta'. qablIj vISo'."[158]
>
> jatlh Mahoun, "mIvqoqvetlh vIqellI'be'. nachwIj DaSo', ghIq DaSo'Ha', ghIq
> jan Dalo' ghIq buq Dalanqa'. jan tlhIngan pong vISovbe. HolwIj vImughchugh,
> <qech chevwI'> pong HungpInwI'.[245] mIllogh vIghaj. jIHvaD potlh jajvetlh.
> vIqawchu'."

<Da-> jatlhDI' Mahoun, vajar 'oSbej'a'? chaq mIS tIn law' mIS vIpIHbogh tIn puS.

wa' jaj qaw Mahoun. jaj 'ar qawbe'? lutDaq vIt Sov vay''e' 'e' vItul.

-- ghunchu'wI'