[Tlhingan-hol] nuq bop bom: wa'vatlh javmaH Hut: cherghlaHbe'

[ghunchu'wI' 'utlh]

On Sun, Apr 22, 2012 at 11:46 AM, Qov <robyn at flyingstart.ca> wrote:
> jolpa' ghoSlI' wamwI' ghom veb. ghaH 'emDaq bep vay' 'e' QoylaH vajar.
> jatlh, "may' wIghoStaHvIS vaghvatlh negh QollaH qaStaHvIS cha' tup. qatlh
> leSpoH wIghoStaHvIS vagh tup poQ Hoch Saqghom?"

mu' vIneH. <tum'a'> yajlu''a'?

> jang vay', "may' wIghoStaHvIS chaw'mey DIpoQbe'mo' jay'."

"chaw'mey? pagh chaw'mey DIghajbe'. pagh chaw'mey DIpoQbe'. pagh
chaw'mey qa'angnISbe' jay'!"

> tagha' vajar ghom rIt bu' 'ej jolpa' lughoS. pa' Quvchaj 'ol Hung yaS.
> pongmeychaj mI'meychaj je qon. HoS nuHmey qengbe' 'e' 'ol. chutmey ja'qa'.

may'DujvamDaq potlhqu'ba' chutmey.

> vajarvaD QumwI' noj 'ej ja', "DaHjaj law'choHmo' muD tatmey QumwI'
> boghajbe'chugh chaq DIjollaHbe'. SuQolrupDI' perI', 'ach peloSrup. chaq paS
> jolraj 'ach pepaSQo'!

wejpuH.

> jav rep pIq may'DujDaq tlhIHqa'be'chugh DabIjlu'.

(paSwI' bIj lutHom vIghaj. QIn pImDaq Saja'.)

> Soch
> rep pIq may'DujDaq tlhIHqa'be'chugh ... chaq wa' nem latlh Duj botIjlaH.
> loSbe' may'Duj! yaj'a'?"
>
> "yaj!" jatlh Hoch 'ej ra'DI' yaS, jol rav lulIt. Qol. tuj muD. tuj lam je.

maj. tuj tlhIngan 'e' maS, Hov leng De' wIHarchugh.

> chalDaq HuStaH tInqu'bogh 'engmey chong 'ach muD bIrmoHbe' QIbmeychaj.
> Quvvo' yIt 'ej Hatlh lulegh. yotlhmey, qachmey nap je legh. Du' Qu'mey'e'
> yajbe'bogh vajar ta'lI' yoqpu' chIS. tlhInganpu' lutu'lu'be'. chaq muj Quv.
>  tujmo', tlhay'meyDaj tuQHa'moH tlhInganpu'. Hota'ro' yebDu'Daq moHtaH
> 'oy'mey. pe'pu' mIrmey, 'omDI'. DaH meqDaj yaj vajar.

Doj mu'meylIj. Hoch vIleghchu'.

> bej 'e' tu' Hota'ro'. jatlh, "mang bIjlu'taHvIS moch, noD net tuchba'.
> vISovchu'. not chobIjtaHvIS jInoD."

choHmo' qalchoHba'pu' mu'tlheghDaj wa'DIch. yaHnIS <-lu'>.

> jatlh vajar, "jISov. reH bIj Dalajchu', Sogh. cha'Hu' bIj'e' wISIQbe'. ngugh
> nI'oy'moH'a'?" ghIbpa' Hota'ro' yevpu' 'e' qaw vajar. chaq rIQqu'mo'
> SIQlaHbe'.
>
> jatlh Hota'ro', "cha'Hu' mu'oy'moHbe', HoD. muqawmoH neH." cha'logh 'oy'
> SIQchu'be'taH 'e' leghmo' HoD tuHba'.

tuH Hota'ro' qar'a'? tuH HoD 'e' vIQublaH, jIbuSbe'chugh vIlaDtaHvIS.

> jatlh, "ngugh, meHDaq, SonwIj
> QopmoHpu' bIj. vISIQ 'e' vInID 'ach bIj vIcherghlaHbe'taH." yav bej
> Hota'ro'.
>
> tlhIngan DujDaq motlhHa'be' bIjmey ral 'ach motlhHa'bej bIjqoqvetlh naS.
> vajar QeHmoH ghongvetlh. jatlh "yItuHQo', Sogh. DacherghlaHbe'chugh pIch
> Daghajbe'. vIbej 'e' vIcherghlaHbe' jIH. bIyoHqu'."

chaq potlhbe' lobQo'ghach meq, 'ach jISIvtaH.

-- ghunchu'wI'