[Tlhingan-hol] nuq bop bom: 'ay' wa'vatlh SochmaH chorgh: bIQ ngaS

[ghunchu'wI' 'utlh]

On Tue, May 1, 2012 at 4:23 PM, Qov <robyn at flyingstart.ca> wrote:
> vajar retlhDaq QamchoH Hota'ro' 'ej teSDajvaD jatlh, "nuq neH Sa'? maweb
> neH'a' neH? DaSov'a', HoD?"

web woQ SeHbe'bogh yaS'e', ghaytan 'e' SaHbe' Sa'.

> De' nejlaw'lI'bogh Sa', be'tlhar je Del vajar.

law'be'chugh De', *lu*nej chaH. 'ach nuq'e' Del vajar?
De''e' Del'a'? nejwI'pu''e' Del'a'? lunej 'e' Del'a'?

> "chaq pu'jIn pegh, cham le' [ghap] much," jatlh ghutar.

vIyajmeH, <ghap> vInopHa'pu'.

> jatlh vajar, "qaStaHvIS wejmaH wej DIS lI'taHchugh cham, le'qu' 'oH."
>
> jatlh Hota'ro', "De' vIloylaH. yejquv DevwI' pegh quvHa' 'oS De'. yejquv
> muvmeH qImyal, yejquv DevwI'pu' ponnIS. tuHmoHlaHbogh De' ghajchugh qImyal,
> DevwI' buQlaH. pegh polmeH, SamwI' HoHqangbej yejquv.

Daj pojvam. De' Samba'ta' qImyal'e'. vaj qatlh ghaH HoHbe' yejquv?
ghaytan DuHvam qelta' qImyal 'ej De' peghHa'moHmeH HeghDaj, nabta'.

> Suja'chuqtaHvIS qImyal
> SoH je, yejquv DevwI'pu' bop. DaH wIyaj. De' DaSuqlaH'a', HoD?"
>
> jatlh vajar, "jIchun 'ej jImatlh 'e' tlhojnIS. De' vIghajbe'."

vay' vIqelnIS 'e' vIqawchoH: ngoQ ghaj Hoch. mIghlaw'chugh vay',
ghaytan SIgh QIjbogh meq. rInpa' lut, chaq qImyal mo' vIyaj.

> jatlh ghutar, "yejquv De'vetlh wISamnIS 'ej DevwI'vaD bopbogh wImuchnIS.
> yejquv tuHmoHbe'meH paj."

<DevwI'vaD bopbogh wImuchnIS> vIyajlaH, 'ach vIyajmeH jIQubqu'nIS. taQ
<bopbogh> mob. pab vItlha'laHlaw', 'ej mujbejbe', 'ach lughbejbe' je.

<tuHmoHbe'meH paj>-mo' tlhoS jIbep. ghIq Seng vIQIjmeH vIpojchoH...'ej
ngab Seng. Daj.

> jatlh Hota'ro' 'ach Qoybe' HoD. "nuqjatlh?" jatlh.

toH, qay'taH HoD teS.

> jatlh ghutar, "nuHoH yejquv DevwI' 'e' Har Hota'ro'."
>
> jachqa' Hota'ro'. jatlh, "De' DaSuqlaH 'e' Harmo' qImyal Sa' Dujoy'qang.
> joy'wI' po' ghaH."

munoghmoH. vay' vIghajbe'bogh vIghaj 'e' Harchugh joy'wI',
mubechmoHchu'. 'ej po'chugh joy'wI', jIvulchoHbe'. vISIQnIStaH.

> "wI'omnIS. tlhIngan batlh wIchoqnIS. wo' batlh wIHubmeH qImyal Sa'
> wIHoHnISchugh, vaj qImyal Sa' wIHoH," jatlh ghutar.

batlh potlh law' Hoch potlh puS net maq, 'ach QoblaH batlh 'Iq.

> reH ra'wI' HoH neH'a' ghutar? wIch 'ar Qoypu'?

Qup ghutar. wej Hoch Sovbe'.

> jatlh vajar, "wej tlhInganpu'
> maH. may'Duj naQ SeHtaH qImyal Sa'. chay' Sa' wIHoH?" vaq 'e' Hech vajar
> 'ach jatlhtaHvIS SaghchoH mu'mey.

ghel 'e' ghet, taghDI'. ghelta', rInDI'.

> jatlh Hota'ro', "to'Daj wIlo'.

(<to'baj> vIlaD. "Sa', to'baj 'uSvam yISop. tar yIpIHQo'." ghIq
vIlaDqa' 'ej mu' lugh vIlegh.)

> Duy wIpon. luqeH 'op quv vuvtaHbogh
> yaSpu''e'. HoHqang 'op."[247]
> [247] Or should that be {quv luHo'taHbogh 'op yaSpu''e'}?

cha'DIch vImaSqu'. wotmey Sar DInuDtaHvIS, <SaH> yIqel je.

> nISwI' beH bopbogh mu'mey'e' jatlhlaw' je
> Hota'ro' 'ach QoylaHbe' vajar. 'urmang luqelchoHpu'mo' moDchoH vajar tIq.
> DaqwI'pu' nejmeH nachDaj tlhe'moH.

Dugh *Dugh* HoD.

> 'ej SaH DaqwI'! ghaH 'em ghoSlI' 'eSSIm. DIvqu'mo' vajar qab nachDu'chaj
> tlhe'moH ghutar Hota'ro' je. QuSwI'pu' muchbogh Hew neHchugh vay', ghu'vam
> pup law' Hoch pup puS.

Doq veqlargh ghop.

> taghtaHvIS ram choS SIStaH. qach HeH bIngDaq Sa'
> luHoH 'e' luQuS wej tlhInganpu'.

'ej bebvo' pumtaH bIQ qar'a'? Do'Ha' "eavesdropping" qID Qutlhbe' tlhIngan Hol.

> yay'law' 'eSSIm. DIvmoHbogh mu'mey Qoyba'pu'. ghonDoq lel, 'ej
> Hub'eghrupchoH.

'ach luHIvrup'a' QuSlaw'wI'pu'?

-- ghunchu'wI'