[Tlhingan-hol] nuq bop bom: 'ay' wa'vatlh HutmaH chorgh: loD ghov 'eSSIm

[ghunchu'wI' 'utlh]

On Thu, May 24, 2012 at 10:55 AM, Qov <robyn at flyingstart.ca> wrote:
> "'eSSIm?" jatlh loD. "qaHIvbe'. maghommeH qaloSlI'. qapIHmoH 'e' vIHechbe'."

'eSSIm pIHmoH Hoch'e', 'ach DaHjaj ghaH vIpIchQo'.

> chImtaH loD ghopDu' 'ej nISwI' tu'be' 'eSSIm. taj 'eSmoH 'ej DoH.
> tlhe''eghDI' loD, qabDaj legh 'eSSIm. qup ghaH. ghovlaw' 'eSSIm. jatlh loD,
> "Qa'bar 'oH pongwIj'e'."

(loQ pong vIqaw. ghaHvaD Mahoun DeS QIn qon 'eSSIm vav qar'a'?)

> DaH ghovbej 'eSSIm. not qIHpu' 'ach noyba' tlhIngan
> yejquv DevwI'pu' qabDu'[280]. loDvamvaD MahounDaq QIn ngeHta' 'eSSIm vav.

(jIqawchu'pu')

> DaHjaj Sa' QaS tojta' 'eSSIm 'ej yejquv DevwI' buQta'. nom tajDaj 'etlh nuD
> 'eSSIm. Dach 'Iw 'ej QeHbe'law' Qa'bar.

DaHjaj Do' nuv law'. Heghbe'mo' 'eSSIm Do' 'eSSIm HIvwI'Daj je.
rIQbe'mo' Qa'bar Do' Qa'bar 'eSSIm je.

> "joHwI'," jatlh 'eSSIm. "reH Suvrup SuvwI''a'. qen HevamDaq jIH jupwI' je
> wIHIvlu'mo' --"
>
> jatlh Qa'bar, "'e' vIQoy. may'Duj jabbI'IDmey vIjIHtaH.

vaj Duj cha'DIch lIgh'a'? qen law' yuQ SuchwI'.

> lItoD 'e' nID negh,
> 'ach bIQDaq lISamlaHbe'. bItoD'eghmeH qoj DatoS. Heghpu'mo' Mahoun maDo'Ha'.
> nov Daj ghaH. QallaHchu'.

roD lut ja'qa'be' nuv chu''e'. pImmo' wanI'vam Daj.

> bIQtIqDaq Heghbejpu''a'? wanI' yIDel."

vItHa'pu'. nepbe'pu'. DaH nepnISchoH'a'?

> QaS tojqang 'eSSIm, 'ach DaH yu'choH yejquv DevwI'. <wo' vItoy'> jatlhDI'
> 'eSSIm, loDvam'e' toy'. tlhochchuqmo' potlhmeyDaj, Sot 'eSSIm.

jIghel jIH 'ej ghel'egh ghaH. HoSghaj lut He. nuvpu'lIj DangebHa'moHlaw'ta'.

> nov
> SaHqu'choHmo' muS'egh, 'ach Mahoun SaHqu'mo' nayta'. matlhHa''a' 'eSSIm tIq?

(reH magh tIq. yab neH pabchugh vay', ghaytan not Quchqu'. tIqvaD matlhnISlu'.)

> jatlh 'eSSIm, "joHwI', nuHIvneSta' tlhIngan QaS. bIQtIqDaq mupummoH 'ej
> Mahoun quchta'. narghta' ghaH. mutoDmeH bIQDaq Sup 'ach tlhoy HoSghaj
> bIQtIq." SuptaHvIS puvlaw'lI' Mahoun porgh SaS 'e' Del 'eSSIm ghop,
> jatlhtaHvIS.

wanI' Sovbogh QaS Del. ghIq mev.

> QeHchoHlaw' Qa'bar. jatlh, "jaS ghu' QIj negh. qImyal Sa' QaS chaHbej'a'?
> qImyal Sa'vaD jIjatlhta', <Mahoun yInISQo'>. mujun 'e' nIDlaw'mo'
> jIQuchbe'."

jagh HoSghaj Suqpu''a' Sa''a'? pagh Qa'bar jagh mojta' neH'a' Sa'?

> QuSHey QIj 'eSSIm. ghaytan De' qar Hevbe' qImyal Sa', pagh QaS ra'
> QuSlI'bogh yaS. jatlh Qa'bar, "val qImyal Sa'. QuSwI' Sam 'ej bIjqu'. wej
> lom luSamta'. yInlaHtaH'a' Mahoun? DuH'a'?"
>
> wo' maghbe'nIS 'eSSIm. Mahoun maghbe'nIS je. jatlh, "chaq wISamlaH."

<chaq 'oH'e' wISamlaH> jatlhbe'.

> "HItlhej. qImyal QaS wIghomchugh jIwammeH choDevlI' neH," jatlh Qa'bar.
> DevwI' tlha' 'eSSIm.

tlha'taH DevwI'qoq.

> yoSvam Sovqu' 'eSSIm. ngem 'ay' Huv lughoSlI' 'ach jotHa'moH 'eSSIm Duj.
> QantaHbogh Sormey mejpa', ghu' pojlI'. "yIyep. pIm vay'," jatlh 'eSSIm. ghIq
> pImwI' leghpu'. yav 'uytaHmo' Saqjan So'lu'pu'bogh, chenpu' QemjIqmey
> jaQHa'.

toH, Duj cha'DIch 'anglu'pu'.

> "DujwIj 'oH. *Hov matlh* ponglu'," jatlh Qa'bar, 'ej DujDaq 'eSSIm ghaH je
> jolmeH QumwI' leQ lo'.

DaH <Hov leng loS: juH leng> vIbejqa' vIneH.

> [280] The word I really want is "member of the High Council" or
> "Council[l]or" but I need to use it succinctly, and a lot, so a convoluted
> explanation isn't useful. It was pointed out to me that the members were
> called "leaders" in a Skybox card, but it is occasionally confusing because
> he is not the Qang.

yejquv ngup tuQwI'?

-- ghunchu'wI'