[Tlhingan-hol] muD Duj SIrgh'a'
Robyn Stewart
robyn at flyingstart.ca
Tue Jun 5 12:36:03 PDT 2012
At 13:01 '?????' 6/5/2012, you wrote:
>pItlh
>lojmIt tI'wI'nuv
qatlh reH QIn DataghDI' pItlh bIjatlh? loQ Dochlaw'.
>On Jun 5, 2012, at 1:10 AM, Robyn Stewart wrote:
>
>>At 19:18 '?????' 6/4/2012, ghunchu'wI' 'utlh wrote:
>>>On Mon, Jun 4, 2012 at 6:25 PM, Robyn Stewart
>>><<mailto:robyn at flyingstart.ca>robyn at flyingstart.ca> wrote:
>>> >
>>> > nIn SeHbe' chang'eng wa'DIch (qIjwI'mey). motlh muD neH luSeH.
>>>
>>>"throttle" SIrgh'a' vIDelmeH nIn vIqelDI' jIQIpqu' 'e' vItlhoj.
>>>muD'e' vuS "throttle" 'e' vISovbej. (<voQ> 'oSlaw' pong, 'ach pIm QuQ
>>>"choke".)
>>
>>QIpbe'. puH DujvaD SeHwI'vetlh ponglu'DI' "gas" jatlhlu'. rur pat.
>
>rur pat 'ach jaS vum. puSDaq lengtaHvIS, bIchungDI', ghur DolIj.
>muDDaq lengtaHvIS, bIchungDI' ghur DolIj 'IvlIj je. DolIj
>ghurmoHtaHvIS QuQ, 'IvlIj ghurmoH telmeylIj, pagh bIngDaq loQ tornISlu'.
QuQ pat neH wIqel. ghorDaq muD Duj tu'lu'taHvIS SaH Seng.
>loSmaH jav leS *'aSqaS, wISqanSen* wIghoS jupwI' jIH je. pa' ghom
>'orwI'pu' law'. ngongmeH muDDuj chenmoHwI'pu' chaH.
wa'logh vIghoS. vItIv.
>pa' vay'vaD wa' le'bogh muDDuj mach noblu'. SochmaH cha' ben
>muDDujvam chenmoHlu'.
>
>Dujvam vIneH.
neHmo' Hoch, wagh. chaq rurwI' DachenmoHlaH.
>Dujvam chovnatlh Delbogh paqmey vIlaDta'. J-wej *qab* 'oH. QIt puv.
>nIn yap Hutlhmo' Hop ghoSlaHbe'.
>
>wa' 'orwI' wa' raQpo' qenglaH Dujvam. tlhop quSDaq ba' wa'. 'emDaq
>ba'nIS latlh. tlhopDaq 'ughmo' QuQ nIn je, nIteb puvchugh 'orwI',
>'emDaq ba'nIS.
>
>yav Hotmo' tlhuQ, javDaq lengtaHvIS Dujvam, tlhopDaq leghlaHbe'
>'orwI', vaj DopDaq bejnIStaH 'ej tlhe'nIStaH. (DernIStaH.) SaqtaHvIS
>Qob. SaqHa'taHvIS Qob.
>
>bISaqtaHvIS, HeDon boHutlhchugh SuS SoH je, Qobqu' ghu'. tlhopDaq
>rutlh'a'mey Sum law', muD Duj tlham botlh Sum puS. SaqmeH HeDaq Duj
>ghIch DaQeqchugh, DopDaq DulengmoH SuS. ghor HotDI' rutlh'a'mey,
>DopDaq muDDuj luH rutlh'a'mey. DopDaq QeqchoH muDDuj. ronqu' muDDuj.
>Qaw''egh muDDuj. meQ. Hegh 'orwI'. Do'Ha'.
>
>vaj HeDon DaghoStaHmeH DaronnIS, 'ach HeDonDaq DaQeqmeH jaS
>DaDernIS. "Intentionally uncoordinated flight" 'oH. poSDaq
>DarontaHvIS, nIHDaq DaDertaH pagh nIHDaq DarontaHvIS, poSDaq DaDernIS.
SaqtaHvIS, SuS Donbe'chugh DujwIj mIwvetlh vIlo'nIS je jIH 'ach
'ughmo' DujwIj SIghqu'be' HochHom SuS Do, 'ej 'etDaq rutlh wejDich
tu'lu'mo', pupbe'chugh qaSbe' lot.
>'ach Dujvam vIneHchu'. muD Duj vIje'meH Huch yap vIHutlh. 'ach munobchugh.
>
>jIQapchugh, Light Sport Aircraft chaw' le' vIHevmeH vIghojlu'moH 'ej
>jIDIlnISbe'.
yIchaw' ghIq J-wej ghajbogh qanwI' yISam. puv qanwI' 'e' tuchDI' Qel
pIj qoch poQ 'orwI' qan. mubmo' chaw'lIj, DatlhejtaHvIS puvlaH
qanwI'. 'ej Duvoqchugh DapuvlaH je.
>vaj Dujvam vISuqmeH, jInaj.
>
>Dalmo' yInwIj, jInaj.
>
>nongnISlu' net Sov.
>
>cha'Hu' latlh loD vIqIH. tlhoS vIqIH. pongDaj vISovbe'. puHDujwIjvo'
>tep vIteqtaHvIS, Sum loDvam be'nallI' je.
>
>chechqu'. be'nallI' tIchchu'. be'nallI'Daq tuy'. pummeH nepba'. paw yaSmey.
>
>Dalbe' yInDaj. Qatlh.
>
>yInDaj vIqelDI', DaltaH yInwIj 'e' vImaS. DajmeH, jInaj neH 'e'
>vImaS. nonglaH najtaHghachwIj. naptaHlaH yInwIj.
>
>'ach Dujvam vISuqchugh, DajchoH yInwIj. ghaytanHa' vISuq, vaj jIQaD.
Dalchu'be' yInlIj vIleghbogh. DatIvjaj, 'ach bInaj not 'e' yImev.
- Qov
More information about the Tlhingan-hol
mailing list