[Tlhingan-hol] muD Duj SIrgh'a'

[lojmIt tI'wI'nuv]

pItlh
lojmIt tI'wI'nuv



On Jun 5, 2012, at 1:10 AM, Robyn Stewart wrote:

> At 19:18 '?????' 6/4/2012, ghunchu'wI' 'utlh wrote:
>> On Mon, Jun 4, 2012 at 6:25 PM, Robyn Stewart <robyn at flyingstart.ca> wrote:
>> >
>> > nIn SeHbe' chang'eng wa'DIch (qIjwI'mey). motlh muD neH luSeH.
>> 
>> "throttle" SIrgh'a' vIDelmeH nIn vIqelDI' jIQIpqu' 'e' vItlhoj.
>> muD'e' vuS "throttle" 'e' vISovbej. (<voQ> 'oSlaw' pong, 'ach pIm QuQ
>> "choke".)
> 
> QIpbe'. puH DujvaD SeHwI'vetlh ponglu'DI' "gas" jatlhlu'. rur pat.

rur pat 'ach jaS vum. puSDaq lengtaHvIS, bIchungDI', ghur DolIj. muDDaq lengtaHvIS, bIchungDI' ghur DolIj 'IvlIj je. DolIj ghurmoHtaHvIS QuQ, 'IvlIj ghurmoH telmeylIj, pagh bIngDaq loQ tornISlu'.

loSmaH jav leS *'aSqaS, wISqanSen* wIghoS jupwI' jIH je. pa' ghom 'orwI'pu' law'. ngongmeH muDDuj chemoHwI'pu' chaH.

pa' vay'vaD wa' le'bogh muDDuj mach noblu'. SochmaH cha' ben muDDujvam chenmoHlu'. 

Dujvam vIneH.

Dujvam chovnatlh Delbogh paqmey vIlaDta'. J-wej *qab* 'oH. QIt puv. nIn yap Hutlhmo' Hop ghoSlaHbe'. 

wa' 'orwI' wa' raQpo' qenglaH Dujvam. tlhop quSDaq ba' wa'. 'emDaq ba'nIS latlh. tlhopDaq 'ughmo' QuQ nIn je, nIteb puvchugh 'orwI', 'emDaq ba'nIS.

yav Hotmo' tlhuQ, javDaq lengtaHvIS Dujvam, tlhopDaq leghlaHbe' 'orwI', vaj DopDaq bejnIStaH 'ej tlhe'nIStaH. (DernIStaH.) SaqtaHvIS Qob. SaqHa'taHvIS Qob.

bISaqtaHvIS, HeDon boHutlhchugh SuS SoH je, Qobqu' ghu'. tlhopDaq rutlh'a'mey Sum law', muD Duj tlham botlh Sum puS. SaqmeH HeDaq Duj ghIch DaQeqchugh, DopDaq DulengmoH SuS. ghor HotDI' rutlh'a'mey, DopDaq muDDuj luH rutlh'a'mey. DopDaq QeqchoH muDDuj. ronqu' muDDuj. Qaw''egh muDDuj. meQ. Hegh 'orwI'. Do'Ha'.

vaj HeDon DaghoStaHmeH DaronnIS, 'ach HeDonDaq DaQeqmeH jaS DaDernIS. "Intentionally uncoordinated flight" 'oH. poSDaq DarontaHvIS, nIHDaq DaDertaH pagh nIHDaq DarontaHvIS, poSDaq DaDernIS.

yav HotDI' rutlh'a'mey, bIDernISchu'taH jay'. bISaqtaHvIS bIDernISchu'taH jay'. nupDI' DolIj 'ej chaghDI' tlhuQ, tlhopDaq bIleghlaHbe', vaj DopDaq bIbejnIS 'ej bIDernIStaH, 'ej bIDernISchu'taH.

polmeH qachDaq Dujvam 'oHtaH 'ej SoQbej qach lojmIt'a', bIDerchu'taH 'e' DamevlaH.

'ach Dujvam vIneHchu'.

muD Duj vIje'meH Huch yap vIHutlh. 'ach munobchugh...

jIQapchugh, Light Sport Aircraft chaw' le' vIHevmeH vIghojlu'moH 'ej jIDIlnISbe'.

vaj Dujvam vISuqmeH, jInaj.

Dalmo' yInwIj, jInaj.

nongnISlu' net Sov.

cha'Hu' latlh loD vIqIH. tlhoS vIqIH. pongDaj vISovbe'. puHDujwIjvo' tep vIteqtaHvIS, Sum loDvam be'nallI' je.

chechqu'. be'nallI' tIchchu'. be'nallI'Daq tuy'. pummeH nepba'. paw yaSmey.

Dalbe' yInDaj. Qatlh.

yInDaj vIqelDI', DaltaH yInwIj 'e' vImaS. DajmeH, jInaj neH 'e' vImaS. nonglaH najtaHghachwIj. naptaHlaH yInwIj.

'ach Dujvam vISuqchugh, DajchoH yInwIj. ghaytanHa' vISuq, vaj jIQaD.

> 
> - Qov 
> 


pItlh

lojmIt tI'wI'nuv
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120605/1adb3671/attachment.html>