[Tlhingan-hol] nuq bop bom: 'ay' wa'vatlh wejmaH vagh: <potlh QonoS>

[Qov]

vajar had just explained a Romulan map as important to his mission.
---
135

jatlh Sa', "wo'vaD lI''a' je romuluSngan be'pu' mIlloghmey?" 'op 
romuluSngan Hol Se'vIrmey much. QIj vajar. lengtaHvIS romuluSngan 
chuQun, qum yaSpu' je, pegh jeychaj. pIj luSuchmo' parmaqqaychaj, 
loDpu' potlh ghochmeH, be'pu'vam noy ghoch. Se'vIrmey cha' vajar. 
ghe'naQ bomwI'vam ngaghtaH yuQ qumwI'[105]. yo' 'aj SuchtaH Sutmey 
tuQbe'bogh nga'chuqqangqu'law'wI'vam'e'[113]. De'vetlh SuqmeH joS 
Se'vIrmey Suqta'. vagh ben mIwvam val 'oghta' 'ungya. QonoSDaq De' 
law' lIngta'bogh poj much vajar. QochlaHbe' Sa'.

na'SIqya'ngan nach Hom much la'. pIHbej boqwI' nach. Do' ghuHmoHmo' 
Hota'ro' ghu'vam qelta' vajar vaj bItbe'chu'. QonoSDaq HoHvetlh 
qonta' 'ej 'ungya pa' tlhoy'Daq HoHvetlh mIllogh nuDlu'chugh 'oHDaq 
HovpoH leghlu'.

jatlh vajar, "Dochmeyvam DISo'pu'be'. nuq So'law'pu' vay'?"

ngaSwI' mach much la'. qaStaHvIS wa'maH wa' ben leghbe'pu' 'ach SIbI' 
ghov. "nuqDaq boSamta'?" jatlh vajar.

"ghojunQo'!" jatlh Hung la'. SID Hergh chaw' Hutlhmo' Hat Herghvetlh, 
'ej ghajmeH meq Hutlh vajar. QIj vajar. ghaytan HoDpa' rav bIngDaq 
lutu'pu'. be'nalDaj cha'DIch Hergh ngaS. yatlhtaHvIS nobta' Qel. 
chaw' ghajpu'. be'nalvetlh QI' taDaq chaw' qonlu'.

"puqpu' DaHutlh bIjatlhpu'," jatlh qImyal.

"puqpu' vIghajbe'," jatlh vajar. "yatlhtaHvIS HoH jagh. boghpu'chuq 
puq DaH wa'maH ben boghpu'." vajar yaS wa'DIch ghaHpu' 
be'nalvetlh'e'. DaH beqpu'Daj ngaghQo'.

ratlh pagh. ngeb Hoch vajar HeSmeyqoq. Qamqu' vajar.

loQ ghopDaj vIHmoHDI' Sa', vajar 'uchHa' 'avwI'pu'. "qaH," jatlh wa' 
'ej pu'HIch nobHa'. vaHDaq lan vajar, Sa' bejtaHvIS.

"reH Suvrup SuvwI''a'," jatlh Sa'. QuchHa'law'.[109]

wa'logh ghup vajar. quvDaj qaDqu'ta' Sa' 'ach Sa' ghaH 'ej SIbI' 
tlhIjta'. qeH moch neHbe'. qa'meH vIttlhegh lajmeH ghu' buSHa' vajar. 
jatlh "latlh De' vIqawchugh qaja'." pa'vo' yItta' Sa'. rInlaw' 
qepvam. tlhoS cha'maH wa' rep. 'avwI'vaD jatlh vajar, "tachDaq HIDor."

"mIw DaSIQ 'e' DaSap, qaH," jatlh 'avwI'.
---
SKI: vajar's meticulously kept log explains contraband, including a 
controlled substance found under the floor of his cabin.
----
[105] In other words, I don't know if Klingons publish porn, but 
vajar has a stack of Romulan porn, for legitimate work-related 
reasons. 'ach nuDta'DI' ghopDu'Daj Say'moH Hung yaS 'e' vIpIH.
[109] That's right. I just resolved a situation between Klingons with 
well-kept records instead of edged weapons. I'm sorry.
[113] The -'e' probably wasn't really necessary as a disambiguator, 
but it was fun.