[Tlhingan-hol] nuq bop bom: 'ay' wa'vatlh wejmaH: <nepchu'qu'be'>
Robyn Stewart
robyn at flyingstart.ca
Tue Jan 17 05:56:26 PST 2012
I've been trying to resolve the smartquotes issue I've just started
noticing. Apologies if it's been bothering others all along: you
should have told me!
---
vajar and crew beamed back from Vigilant after collecting personal
possessions. Hey it may be dull, but at least it's not 250 words a
day about *my* life. Oh wait, it is: waiting, security procedures,
meetings and flying around in outer space. Except for the outer space
part. I fly around Alberta.
----
130
jatlh Hung yaS Sagh, "vajar HoD, DaH Dujatlh qImyal Sa'. DuDor
laghvam. pa'meyrajDaq 'aHraj lan vay'."
"lu'," jatlh vajar. "mutlhej yaSpu'wI'."
ghutar Hota'ro' je nuD lagh. ne' Degh tuQtaH ghutar 'ej *veS* Sogh
Degh tuQtaH Hota'ro'. loQ mIS lagh. jatlh "nItlhej latlhpu' 'e' ra'be' Sa'."
jatlh vajar, "wIvwIj'e' 'oHmo'." ra'chu' ghoghDaj. ghu' laj lagh 'ej
wej tlhIngan DorchoH.
lojmIt tlhopDaq mev DorwI'. SaHtaH cha' 'avwI'pu'. nuHmeychaj
chu'Ha'lu'pu' 'e' 'ol wa' 'avwI'. qImyal rI' latlh. Hung mIwmeyvammo'
puQ vajar.[149]
"yI'el," jatlhDI' qImyal, 'el vajar, Hota'ro' ghutar je. QamDI'
chevchuq 'etlh chuq. che'ron SuvwI'pu' Dalaw'. pa'Daq SaH wIy,
De'wI', quS puS, raS, cha' 'avwI'pu', qImyal Sa' je. Sa' lumerchugh
Hota'ro' ghutar je, 'angbe'. jatlh, "buy' ngop, vajar HoD. SIbI'
*Dugh* lajqang wo' vergh'a' yaH cha'maH cha', beqlIj DaQayqangchugh."
mon qImyal. yayHom lopruplaw'.
jatlh vajar, "juquvmoH qImyal Sa'. SoHmo' wo' toy'qa'laH *Dugh*.
Do'Ha' yo' leH De'wI' vInaw'laHbe'pu' wej beq vIQaypu'. SIbI'
wIta'qang, wa' Duj toy'be'bogh raQpo' DaHIjqangchugh."
vajar bej qImyal. jatlh, "wa' raQpo' HIjqang *veS*. De'wI'vam yIlo'."
HaSta leghDI' vajar, qImyalvaD *Dugh* QayrupmoH. Duj naQ QaymoHchugh
vajar vaj Duj toy'taH Hota'ro' ghutar je 'ej Duj Hutlh vajar. vajar
ghaH raQpo'vetlh'e' 'e' Har qImyal. muj Sa'. HaStavetlh qIl vajar 'ej
latlhmeyDaq De' ghItlh.
jatlh, "Dugh HoD jIHtaH, Sa', 'ach Qo'noSDaq ropyaH qach vIghoSnISmo'
Duj leH yaS wa'DIchwI', Hota'ro' Sogh." Hota'ro' qImyal je merba'ta' vajar.
jatlh qImyal, "Qotlhlu'pu'mo' DujlIj yaS Danum net chaw'be' 'e'
DaSov, vajar HoD. QonoSlIj vIlaDpu' Sogh ghaH 'ach DItoDpa' yaS
wa'DIch DagheSmoHbe'pu'."
jatlh vajar, "yaj, Sa'. Heghpu'DI' 'ungya Sogh, yaS wa'DIch moj 'ach
vIjollu'mo' De' choqbe'law'pu' De'wI'. Do', wa'maH tup ret vI'olta'.
qaSpu'pa' wa' jaj vIqarmoHta'mo' mubchu'." nepchu'qu'be' vajar.
Heghpu'DI' 'ungya, moch ghajbe'mo' wa'DIch ghaH. SIbI' numbe'ta'
vajar, 'ach ngoDvetlh SovnISbe' Sa'.
---
SKI: vajar announces crew reassignments.
----
[149] Can you tell I do a lot of writing in airports? I've been
travelling in the USA this month, where the security procedures are
insane. It's clearly coming through in the writing. I've removed a
lot of security procedures on re-editing, because even Klingons
aren't that paranoid. And they don't put me through USELESS searches.
---
Earlier episodes as always can be found at http://nuqbopbom.blogspot.com
I told a few people in private e-mail about something that was coming
up in a particular chapter. I've re-edited the story quite a bit
since then and the chapters have been rearranged beyond recognition,
so now that chapter is a long way off again and I can't tell you what
number it will have.
More information about the Tlhingan-hol
mailing list