[Tlhingan-hol] nuq bop bom: 'ay' wa'vatlh cha'maH vagh: <SarghwIj yI'uch>
Qov
robyn at flyingstart.ca
Thu Jan 12 09:20:06 PST 2012
vajar used a bathroom trip as an excuse to take ghutar aside to find
out what happened in the break room, yesderday-ish. (There's no dawn
in space and it was within twenty-four hours).
---
125
SarghwIj yI'uch
puchpa' lumejtaHvIS chol cha' 'avwI'pu' vaQ. ja' QupwI' "SuchwI'pu'!
nuqDaq ghaH DorwI'ra''e'?"
"puchpa' vIghoSmeH DorwI' vIpoQbe' jay'," jatlh vajar. ghuy'cha'.
puch wInIH 'e' luHar'a'?
jatlh 'avwI' Qupbe', "QongwI' pa' mIchDaq chaw'lu'. mIchvamDaq Dat
'ut DorwI'."
"yaj," jatlh vajar. DaHjaj Hung ngochmey QIp cherghqang.
"De'wI' pa' wIghoS. ra'wI'wI' ghaH vajar HoD'e'. ghutar 'oH
pongwIj'e'. SarghwIj yI'uch 'etlhwIj vIjejmoHtaHvIS." jatlh ghutar.
yay' vajar 'avwI' Qup je 'ach Haghqu' 'avwI' Qupbe'. jatlh
"rughtay[90] Degh DatuQbe'taH. rughtay tuqnIgh SoH'a'? lutvetlh
ja'taH vavnI'wI'."
jatlh ghutar, "lutvetlh luja'taH Hoch vavnI'pu'." latlhpu'vaD QIj
ghutar. lut tIQ bop. lengtaHvIS 'avwI' qempa' qaDpu' 'etlh yanbogh
loD. Doy'qu'mo' Suv neHbe' qempa' vaj lIH'egh 'ej mu'tlheghvetlh
jatlh. Suvbe'. qaDbogh loD nayDI' lengbogh SuvwI' tuq <rughtay>
lucher. Ha'quj Deghmo' 'avwI' tuq ghovpu' ghutar.
jatlh vajar, "lutvetlh Sovbe'pu'chugh, bImaw' 'e' Har."
jatlh ghutar, "jISuDbe'pu'. qItbe'bej quH Sovbe'bogh rughtay tuqnIgh'e'."
De'wI'pa' lupawpu'DI' wem lulIjlaw'pu' 'avwI'pu'. jatlh ghutar,
"rInDI' yaH poHraj peSam. tachDaq ghoDor." chobDaq jawtaH ghutar
'avwI'pu' je, De'wI' pa' 'eltaHvIS vajar.
De'wI' pa'Daq jatlh vajar, "Hota'ro', qajatlh."
Qam Hota'ro' 'ej vajar qIm. jatlh "lu' HoD."
jatlh vajar "wa'Hu' Sojpa'Daq qechmey Daj boqeltaH SoH, ghutar je. Daqaw'a'?"
"vIqaw, HoD," jatlh Hota'ro'. loQ bItchoH.
"jIHvaD yIDel," jatlh vajar. "yIvItchu'. pagh yInop. qaqaD."
Qub Hota'ro'. jatlh "Hoch vIqawbe', HoD. nI' 'ej gho moj. jInID.
ravDaq SoH, 'ungya Sogh je SaIleghpu'mo' ghutarvaD jIghel. Heghba'
wIpIH 'ach Sughoblaw'lI'mo' Heghba' rurbe'. DuHoH 'e' nID 'ungya 'e'
wIqel. jIHvaD <moch DaHoHpu'? moch HoHtaHvIS vay' Dabejpu''a'?> jatlh
ghutar. not qaSpu'neS, HoD, 'ach ..." yev Hota'ro'. rav'eq bej.
----
SKI: ghutar smooth-talks his way out of a battleship rules violation
and then vajar has a question for Hota'ro'.
-----
[90] Invented (by me) line/house name. It's real in ghutar's universe.
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120112/6433753b/attachment.html>
More information about the Tlhingan-hol
mailing list