[Tlhingan-hol] tera'nganpu' Qujmeychaj je
Josh Badgley
joshbadgley at hotmail.com
Sun Jan 8 13:16:24 PST 2012
wa'Hu' wanI' Dajqu' vItu'. jIvumtaHvIS HIq 'Iq je' ngevwI'pu' 'e'
vItu'. motlh HIq law' wIngev (Do'Ha') 'ach wa'Hu' lojlaw' wIngevbogh
HIq. jaS vanglaw' tera'nganpu'vetlh. HIp nIb tuQlaw' Hoch
tera'nganpu'. taghlaw' yot! ghogh HablI'meychaj bejtaHlaw'
yotwI'pu'qoq. pe''eghlaw'. tagha' qaSba' Quj 'e' vItlhoj. SepvamDaq
potlhlaw' Qujmey. <<qam QujmeH moQ>> Qat law' Hoch Qat
puS. Qujvam vItIvbe' 'ach Quj ja'chuqlaw' Hoch tera'nganpu'. ghogh
HablI'DajDaq Quj bej juppwI'.
loQ mumer ghu'vetlh,
'ach Qu'meywIj vIrInmoHDI' paq ngevwI'Daq jIjaH. qam QujmeH moQ nIyma'
vIjunlaHbej 'e' vIHar 'ach jImujchu'. puH DujwIj vIverghDI' wa'
verghwI' vIlegh. De'wI'DajDaq Quj bej! 'ej De'wI'DajvaD jatlhlaw'!
paq ngevwI'vo' jImejDI' 'e'mamwI' juHDaq jIjaH. wa' jIlDaj vIghom.
'ej...ghogh HablI'Daq Quj bej ghaH! 'e'mamwI' juH vI'el 'ej HaSta
jIHDaq Quj bej tennuSnalwI'!
ngotlhwI'pu' chaH 'amerI'qa' SepjIjQa' nganpu'!
-- toDQun
More information about the Tlhingan-hol
mailing list