[Tlhingan-hol] nuq bop bom: 'ay' wa'vatlh loSmaH chorgh: <toDuj Segh pIm>

[ghunchu'wI' 'utlh]

On Wed, Feb 8, 2012 at 5:07 PM, Qov <robyn at flyingstart.ca> wrote:
> "vIlobHa'chugh pagh chobuQchugh SIbI' vIjollu'," jatlh Mahoun.

<vIlobHa'chugh> vIyajbe'. 'Iv lobHa'chugh 'Iv?

('ej reH buQlaw' tlhInganvam.)

ghu'vamvaD <Qol> nIv law' <jol> nIv puS 'e' vIQub.

> jatlh 'eSSIm. "jabbI'IDmeymaj jIHtaHmo' tlhIngan may'Duj, DaHjaj QumwI'
vIlo' vIneHbe'." novpu'vamvaD quv tobnISbe' tlhIngan, 'ach tob neHqu'
'eSSIm.

chaq novvaD tobnIS, lajQo'mo' qunDaj Sovbogh tlhIngan.

> jatlh "nepwI' SoH 'e' vIqapDI' jIQaghpu'. De'lIj vI'olpu'. DujDaq qama'
SoHbej. chovoqtaHvIS qaHoH 'e' vInIDDI' jIquvHa''egh. tIghwIj Dama'nIStaH
'e' vIyaj. qa'meH vIttlheghwIj Dalajta' 'ach wej may ghu'."

lIjruplaw' Mahoun. qatlh qaSpu'wI' qImHa'laHbe' 'eSSIm?

> "manoDbe' 'e' vIlay'," jatlh Mahoun. tlhoS Hagh 'eSSIm. noD yelwIyyItngan
'e' Hajbe'bej.

tlhoS 'eSSIm HeghmoHpu' Mahoun 'e' qawbe''a'? vang 'e' 'angnISbe' noDwI'.

> 'ach DaqtaH HungpInvetlh 'e' tIvbe'.
> "joS'a' Hung yaSpu'lI'?" jatlh 'eSSIm.
> "ghobe'," jatlh Mahoun. "'bejtaH 'ach jatlhbe'." yelwIyyItnganpu' jatlh
Mahoun ghIq jatlh, "qepvam lupegh 'e' vIra'."

not lay'Ha'pu' yelwIyyit 'e' tu'jaj 'eSSIm.

> Mahoun mInDu' bej 'eSSIm. jatlh, "bIvIttaHvIS qabuQqu' 'ach bItoD'eghmeH
bInepQo'. toDuj Seghvetlh vIvuv 'e' Daqotlh." yel Hol tlhIjmeH mu'mey
ghojpu'bogh jatlhchoH. bIng bej 'ej jatlhtaHvIS yavDaq torchoH. Mahoun
bejqa'.

maaaaj.

> 'eSSIm lughIj nov tIghmeyvam. puj'eghmoHDI' chay' vuvqa'laH vay'?

wej yajchu' 'eSSIm.  quv neH bopnISbe'.

> vIHbe' Mahoun. taD je qabDaj. ghIq mInDu'Dajvo' nIj bIQ, 'ej loQ monHa'.
SaQchoHpu'.

QuchHa''a'? Quchqu''a'? merba'pu' 'eSSIm.

> <bItlhIj 'e' vIlaj> jatlhpu' chIjwI'. jaS vangtaHmo' Mahoun lajbe'law'.
tayvam nIDqa'laH'a' vay'? tagha' jatlh 'eSSIm, "qatlh bI'IQ?"
> "jI'IQbe'. bItorta' 'e' vIHarlaHbe'," jatlh Mahoun.

'IQbe'chugh, vaj Quchqu'.

> mIStaH 'eSSIm. Qamqa' 'ej loStaH.  Qaghqa'pu''a'? munbe'pu' Hung. HungpIn
leghtaH 'eSSIm. vangruptaH. QeHbe'taH. 'eSSIm bejtaH 'ej qaStaHvIS lup puS
bejchuqtaH be'pu'. ghIq nom jatlh HungpIn. pavlaw' ghoghDaj.

SottaH 'eSSIm, ghaytan 'e' ghov.

> jatlh Mahoun, "choDuQpu'mo' jISaQtaH. jIHvaD qay' pagh. tIghmeymaj Dapab
'e' DanIDmo' choquvmoH."

majQa', 'eSSIm quv.

> jatlh 'eSSIm, "vaj jItlhIj 'e' Dalaj'a'?"
> "HIja'! yIHonQo'!" jatlh Mahoun. leS 'eSSIm 'ej loQ leS HungpIn 'e' legh.

Qapla'!

> "nuq jatlhpu' HungpIn?" jatlh 'eSSIm.
> "jIHvaD jatlh, <bISaQ 'e' yIQIj. mISlaw'>." jatlh Mahoun.

jIlughmo' jImer'egh! motlh nuvpu' vIlaDlaHbe'.

> HungpIn bejqa' 'eSSIm. butlh ghaj 'ej val. batlh tuj cherghlaw' je.
tujmo' Doy'choHba' yelwIyyItnganpu'. Mahoun QIH neHchugh 'eSSIm, DaH Hung
jeylaHbej.

bIQobchoHtaH, 'eSSIm. bIbuQqa'pa' qechmeyvetlh tIqIl. HoD DaQIH DaneHbe'qu'.

'ej chaq puj HIch qeng Hung yaS.

-- ghunchu'wI'
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120223/fc897169/attachment.html>