[Tlhingan-hol] nuq bop bom: 'ay' wa'vatlh loSmaH Hut: <maghbe'nIS parmaqqay>

[Qov]

Essim apologized to Mahoun and his security chief helped Essim 
interpret his acceptance.

149

maghbe'nIS parmaqqay

HungpInvaD jatlh Mahoun, "Mossam," <ghoghoS> 'oSmeH nItlhDu' lo'. 
jangDI' HungpIn Hagh Mahoun. QIjmeH jatlh, "Durur. jatlh <bISumqu' 
nuHwIj Dabot, qaH>." HungpInvaD yel Hol jatlh Mahoun. loQ mon 
HungpIn. SaHchuqlaw' HoD HungpIn je.

"banglI' ghaH'a'?" jatlh 'eSSIm. Mossam HoHrup 'eSSIm ghop.

"ghobe'," jatlh Mahoun. "pImlaw' tIghmeymaj. parmaqqay ghajchugh 
yelwIyyItngan, latlh ngaghbe'. latlh ngaghchugh bang, qay'." loQ jej 
Mahoun ghogh.

jatlh 'eSSIm, "maHun, qechvetlh vIyajchu'. tlhIngan maghpu'chugh 
bang, pIj maghwI' HoH latlh. qamaghbe'pu'. bIjatlhta' <maHvaD qItbe' 
parmaq. matay'laHbe'taH.>. choyajHa'pu''a'?"

"loQ," jatlh Mahoun.

Ho'Du' 'ang 'eSSIm, "qamaghta' jIH 'e' Dapum'a'?" Dujmo' vaH chIm 
SIchmeH vIHchoH 'eSSIm ghop. lubejtaHmo' Hung yaSpu'. yIvbeHDaj lIS 
'ej vaH Hotbe'.

jatlh Mahoun, "qapumbe'. jImIS neH. choSaHbej'a'?"

"HIja'," jatlh 'eSSIm. "cholajHa'ta'DI' chotungmoHmo' latlh 
vIngaghta'. qamaS. matay'qa' vIneH. DuH'a'?"

jatlh Mahoun, "napHa'qu' ghu'. DIvI' ghoqwI' jIHtaH 'e' DaHar'a'?"

ngoDmeyqoqDaj, vajar QIn je qawtaH 'eSSIm. teHpu' Sotlaw'. teHpu' 
tlhIngan bIghHa'. chaq teH lut naQ. jatlh, "not yuQjIjDIvI' Datoy'pu''a'?"

jatlh Mahoun, "wa'maH wej ben jIboghpu'DI' DIvI' malja' vItoy'choHpu' 
'ach not ghoqwI' jIH! vergh ravmey vISay'moHtaH."

"yIQIj," jatlh 'eSSIm. DIvI' qangwI' ghaHlaw'taH.

jatlh Mahoun, "yuQwIjDaq Dujmey DIchenmoHmeH nuboQpu' DIvI'. 
SepwIjDaq Saq yotlh luchenmoHmeH jIjlI' yelwIyyItngan malja', DIvI' 
malja' je. DIvI'vaD HattaHmo' toy'wI''a'pu', vergh Say'moHwI' 
luDIllI'. vergh ravmey vISay'moHtaH ghIq 'op Dujmey rav 
vISay'choHmoHmo' HoDpu' vIqIHpu' 'ej logh tepqengwI'Daq jIvumchoH. 
loghDaq machIjmeH, tepqengwI'majDaq toy'taH Human HoD. ghaytan 
ghaHmo' nupIHpu' tlhInganpu' 'ej nujonta'. DIvI' QI' toy'be' HoD. 
chIjmeH mIwmey ghojmoHtaH neH. jIH mughojqangmoH je. boQqangqu'. chep 
yelwIyyItnganpu' neHlaw'pu'. wIjonlu'pu'DI' not vIleghqa'pu'. 
Dujvetlh yaSpu' tlhabmoHbe'law'pu' tlhInganpu'." yev Mahoun 'ej 
'eSSIm pumqu' mInDuDaj.
---
SKI: Essim and Mahoun try to reconcile.