<p>On Wed, Feb 8, 2012 at 5:07 PM, Qov <<a href="mailto:robyn@flyingstart.ca">robyn@flyingstart.ca</a>> wrote:<br>> "vIlobHa'chugh pagh chobuQchugh SIbI' vIjollu'," jatlh Mahoun.</p>
<p><vIlobHa'chugh> vIyajbe'. 'Iv lobHa'chugh 'Iv?</p>
<p>('ej reH buQlaw' tlhInganvam.)</p>
<p>ghu'vamvaD <Qol> nIv law' <jol> nIv puS 'e' vIQub.</p>
<p>> jatlh 'eSSIm. "jabbI'IDmeymaj jIHtaHmo' tlhIngan may'Duj, DaHjaj QumwI' vIlo' vIneHbe'." novpu'vamvaD quv tobnISbe' tlhIngan, 'ach tob neHqu' 'eSSIm. </p>


<p>chaq novvaD tobnIS, lajQo'mo' qunDaj Sovbogh tlhIngan.</p>
<p>> jatlh "nepwI' SoH 'e' vIqapDI' jIQaghpu'. De'lIj vI'olpu'. DujDaq qama' SoHbej. chovoqtaHvIS qaHoH 'e' vInIDDI' jIquvHa''egh. tIghwIj Dama'nIStaH 'e' vIyaj. qa'meH vIttlheghwIj Dalajta' 'ach wej may ghu'."</p>


<p>lIjruplaw' Mahoun. qatlh qaSpu'wI' qImHa'laHbe' 'eSSIm?</p>
<p>> "manoDbe' 'e' vIlay'," jatlh Mahoun. tlhoS Hagh 'eSSIm. noD yelwIyyItngan 'e' Hajbe'bej. </p>
<p>tlhoS 'eSSIm HeghmoHpu' Mahoun 'e' qawbe''a'? vang 'e' 'angnISbe' noDwI'.</p>
<p>> 'ach DaqtaH HungpInvetlh 'e' tIvbe'.<br>> "joS'a' Hung yaSpu'lI'?" jatlh 'eSSIm.<br>> "ghobe'," jatlh Mahoun. "'bejtaH 'ach jatlhbe'." yelwIyyItnganpu' jatlh Mahoun ghIq jatlh, "qepvam lupegh 'e' vIra'."</p>


<p>not lay'Ha'pu' yelwIyyit 'e' tu'jaj 'eSSIm.</p>
<p>> Mahoun mInDu' bej 'eSSIm. jatlh, "bIvIttaHvIS qabuQqu' 'ach bItoD'eghmeH bInepQo'. toDuj Seghvetlh vIvuv 'e' Daqotlh." yel Hol tlhIjmeH mu'mey ghojpu'bogh jatlhchoH. bIng bej 'ej jatlhtaHvIS yavDaq torchoH. Mahoun bejqa'. </p>


<p>maaaaj.</p>
<p>> 'eSSIm lughIj nov tIghmeyvam. puj'eghmoHDI' chay' vuvqa'laH vay'?</p>
<p>wej yajchu' 'eSSIm.  quv neH bopnISbe'.</p>
<p>> vIHbe' Mahoun. taD je qabDaj. ghIq mInDu'Dajvo' nIj bIQ, 'ej loQ monHa'. SaQchoHpu'.</p>
<p>QuchHa''a'? Quchqu''a'? merba'pu' 'eSSIm. </p>
<p>> <bItlhIj 'e' vIlaj> jatlhpu' chIjwI'. jaS vangtaHmo' Mahoun lajbe'law'. tayvam nIDqa'laH'a' vay'? tagha' jatlh 'eSSIm, "qatlh bI'IQ?"<br>> "jI'IQbe'. bItorta' 'e' vIHarlaHbe'," jatlh Mahoun.</p>


<p>'IQbe'chugh, vaj Quchqu'.</p>
<p>> mIStaH 'eSSIm. Qamqa' 'ej loStaH.  Qaghqa'pu''a'? munbe'pu' Hung. HungpIn leghtaH 'eSSIm. vangruptaH. QeHbe'taH. 'eSSIm bejtaH 'ej qaStaHvIS lup puS bejchuqtaH be'pu'. ghIq nom jatlh HungpIn. pavlaw' ghoghDaj.</p>


<p>SottaH 'eSSIm, ghaytan 'e' ghov.</p>
<p>> jatlh Mahoun, "choDuQpu'mo' jISaQtaH. jIHvaD qay' pagh. tIghmeymaj Dapab 'e' DanIDmo' choquvmoH."</p>
<p>majQa', 'eSSIm quv.</p>
<p>> jatlh 'eSSIm, "vaj jItlhIj 'e' Dalaj'a'?"<br>> "HIja'! yIHonQo'!" jatlh Mahoun. leS 'eSSIm 'ej loQ leS HungpIn 'e' legh.</p>
<p>Qapla'!</p>
<p>> "nuq jatlhpu' HungpIn?" jatlh 'eSSIm.<br>> "jIHvaD jatlh, <bISaQ 'e' yIQIj. mISlaw'>." jatlh Mahoun.</p>
<p>jIlughmo' jImer'egh! motlh nuvpu' vIlaDlaHbe'.</p>
<p>> HungpIn bejqa' 'eSSIm. butlh ghaj 'ej val. batlh tuj cherghlaw' je. tujmo' Doy'choHba' yelwIyyItnganpu'. Mahoun QIH neHchugh 'eSSIm, DaH Hung jeylaHbej.</p>
<p>bIQobchoHtaH, 'eSSIm. bIbuQqa'pa' qechmeyvetlh tIqIl. HoD DaQIH DaneHbe'qu'.</p>
<p>'ej chaq puj HIch qeng Hung yaS.</p>
<p>-- ghunchu'wI'</p>