[Tlhingan-hol] Hoghvam qaSpu': malDIv DevwI'quv SughHa'law'ta' QI'

[Brent Kesler]

DIS 2012, jar 2, jaj 8 (vaj qarmeH, wa' Hogh ret)...

vay tlhachmey 'e' botmeH, pajpu' ghaH, ja' malDIV DevwI'quv, mo'ameD naSID.
DaH lut pIm ja'taH. raDpu' QI' yaSpu' 'e' ja'choH. cha'DIchDaj, mo'ameD
wa'ID 'aSan manIq, pum naSID; qIQ nabmeH yeqlaw'pu' yaSpu', ghaH je. pumvam
tem 'aSan, 'ach DevwI'quv gheSpu'.

'abDulla mo'ameD 'oDwI' qopmoHpu'mo' naSID, taghpu' ghu'vam. qum QochwI'
tlhabmoHlu' 'e' ra'pu' 'oDwI'. qopmoHpu'DI' naSID, morghmeH ghom'a'mey
chenmoHpu' ghol tlhach. ghom'a'mey muvpu' 'avwI'pu', ghIq pajpu' naSID. DaH
DevwI'quv gheSqa'meH, latlh ghom'a'mey DevtaH naSID. 'avwI'pu' tlhaSpu'.

DIS cha'SaD chorgh, DevwI'quv mojta' naSID. mawmun 'abDul ghayum cho'pu'.
qaStaHvIS wejmaH DISmey, HI' Dapu' ghayum, 'ach naSID luwIvtaHvIS
rewbe'pu', may mIw. qum DevtaHvIS, qo'vaD yuQ tujchoHghach qImmoH 'e'
nIDtaH. Soch latlh 'ujmey 'abchoHchugh bIQ'a', malDIv SoDchu'.

Halmey

   - Maldives ex-president Mohamed Nasheed was 'forced
out'<http://www.bbc.co.uk/news/world-asia-16945764>.
   *BBC News*. 8 Feb 2012.
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120214/cdd65352/attachment.html>