[Tlhingan-hol] nuq bop bom: 'ay' wa'vatlh vaghmaH loS: <nuqDaq DapIH?>

[Qov]

While carrying the data device entrusted to him by tarven, Doctor 
Kruge was called to see a sick prisoner on the support ship.

154
jatlh Qugh, "jIQol 'e' lutuch jolpa' 'avwI'pu'. Qu'wIj Sovchu'meH 
muyu'. vay' lurI'. Hoch 'ol. munuDqu' 'avwI'pu' 'ej 'aHwIj lunuDqu' 
je. Hoqra' De'wIj nuDchoH 'ach mIn moQ taplu'pu' luleghDI' nobHa'. 
DochmeywIj Say'qu' HotchoHDI' jIjachchoH. jIjatlh <SIDpu'wI' boHoH 
boneH'a'? ngaSwI'vetlh bongaQHa'moHta'mo' DaH vIwoDnIS>. yuDHa'mo' 
QeHwIj jIbIt 'e' So'. mujol 'ej SIDwI' vISuch. bIghHa'Daq muloSmoH 
'avwI', qama' vulmoHtaHvIS ghIq mo' vI'el."

Mahoun Dotlh Del Qugh. qIjchoHpu' DIr 'ej He'So'taH. 'uch'egh Mahoun, 
'IjtaHvIS. ghaHvaD jatlh Qugh, "DeSDu'lIj vISay'nISmoHta'. Ha'DIbaH 
non vIteqta'DI' Hom vIleghlaH. lojmo' Ha'DIbaH DIr je Somraw'DulIj 
vIchoqmeH ngoSbogh mep vIlo'[146]. tay'taHmeH DIr ngeb, 'oHDaq mep 
qoSta' tu'lu' je. qaStaHvIS DIS ragh mep 'ej lojmoH porghlIj. 
DeSDu'lIj vISoQmoHta'DI' vIHotlhqu'. Dat SaH mep 'ach nonbe' 
Ha'DIbaH. SIbI' DIr lajHa'be'meH porghlIj, Hergh qanobta'. tlhIngan 
DururmoH. qaStaHvIS wej Hoghmey QaptaH Hergh 'e' vIpIH. QopDI' Hergh 
mutlIjDaq Hegh DIr."

poSqu' Mahoun mInDu'. "tlhIngan Hol vIjatlhmoHta''a' Hergh?" jatlh.

jatlh Qel, "yIDoghQo'. Qel tlhach mu'mey vIjunmeH neH jIjatlh 
<DururmoH>. tlhIngan DIr lajmeH porghlIj vang neH. 'ach bIpIvtaHmo' 
'utbe'law'pu'. DIr 'Iq vIlo'ta'mo' ghegh DeSDu'lIj. jIvumtaHvIS 
bIvemchoHlaw' 'ach DuQIHqa' 'avwI' vIneHbe'mo', vIpegh."

jatlh Mahoun, "vIqaw. choQaHlI' 'e' vISov. qatlho'."

jatlh Qugh "jIDachtaHvIS ropyaHwIj lulaghchu'ta' 'avwI'pu', 
nejtaHvIS. jIcheghDI' De' 'aplo' vIqengbogh nge'. Hoqra'vo' latlh De' 
'aplo' lunge' je. muyu'choH. povam ropyaHDaq SaHpu' tarven 'e' vIchID 
'ej jIvIt: QongmoHmeH Hergh neHpu'. vInobbe'pu'. Doy''eghmoHmeH 
mI'qu' 'e' vIchupta'. yonlaw'pu' 'avwI'pu'. 'ej mej."

jatlh 'eSSIm, "vaj De' lutlhapta'."

jatlh Qugh, "lupolbe'ta'. ngugh cha' rep pIq lunobHa'."

jot Qel ghogh 'ach 'eSSIm joQDu' HIvlaw'taH 'eSSIm tIq. jatlh, 
"'oHDaq nuq qonlupu' jay'!"

jatlh Qel, "'avwI' mIn rIQ, maHun DeS, latlh SID Sar De' je. 
'aplo'mey vItamta' 'e' yIlIjQo'."

jatlh 'eSSIm, "vaj nuqDaq 'oHtaH latlh'e'?"

"Daloybe'ta''a', 'eSSIm?" jatlh Qugh.
---
SKI: The doctor was not explicit about what he did with the data 
storage device, but thinks Essim can guess.
---
And so do I think you can. Did anyone guess earlier? How long ago? 
When did you first wonder about that? Why is there no Klingon word for curious?