[Tlhingan-hol] mIl'oD veDDIr SuvwI': 'ay' 3 - nIteb SuvnIS DevwI'

[Robyn Stewart]

jISaqpu' 'ej QuQmey vIchu'Ha'pu' 'ach wej quS qogh vIchu'Ha'pu'. vIlaDnISqu'!

On 2012-08-01, at 6:17, Rohan Fenwick - QeS 'utlh <qeslagh at hotmail.com> wrote:

> tugh latlh QInmey vIqon 'ej vIngeH. 'ach DaH, taH lut.
> 
> tIna'tIn has just been crowned Queen of Kol'vat Province. (This section's fairly short; it was the only good place to naturally end the 'ay'Hom.) Warnings: None for the moment.
> 
> 3. nIteb SuvnIS DevwI'
> 
> qaSpa' wanI'vetlh, jot tIna'tIn joH 'ej qIm. 'ach luvan vavDaj ghom'a' je 'e' leghDI', luvuvmeH ghebmey lurIlchoHlu' 'e' QoyDI', luquvmoHmeH naD bommey lujachchoHlu' 'e' QoyDI', chu'bogh patlh 'ej quvbogh qotlhbe'bej pay' 'e' QubchoH ghaH. «chay' vavwI' ngup'a' vIgheSlaH jIH?» jatlh'egh.

vIvup. Qatlhbej Qu'vetlh. SaQbe'pu' Do'. 

> qIjbogh mInDu'Daj[1] 'ej notqa' tel[2] rurbogh SoQmoH 'ej SaQchoH.

'ej SaQbe'laHbe'.  tlhogh tay rur. potlhqu'mo' SaQnIS vay'. puj ta' 'e' 'oSlaH pagh Qu' SaHqu' ta' 'e' 'oSlaH. nuq Har roghvaH?

> jotHa'choH puqbe'Daj 'e' tu' roStevan 'utlh, vaj puqbe'Daj qeSmeH chol. «Hoch vav cho' puqDaj, 'ej jIH chocho'pa' SoH, jotlaHbe' tIqwIj'e',»

cho' 'e' loH neH. Heghpu'mo' pagh Sabqu'pu'mo' cho' neHbe'. 

> jatlh. «vaj yISaQQo', puqbe'wI', 'ach qeSwIj yIbuS. DaHjaj qolvat joH SoH; qaSughta' jIH, 'ej pIlajta' Hoch maH. DaH Sep qumvaD SoH Davoqlu'. tlhoy yImunQo', yInguqHa''eghmoH, batlh yInoH. reH potlhwI'vaD ramwI'vaD je pung yIcha'; chalqach pIgh je wovmoHlaH jul.

jotHa'moHbe' qeSvam. ngoy' 'e' Sovmo' SaQtaH!

> ta' quvmo'[3], tlhabHa'qangchoH nuv tlhab, 'ej lobqangchoH nuv tlhabHa' 'e' chaw'.

valbej voDleH 'utlh. 

> bIQ'a'Daq ghoSbogh bIQtIq rur nob Danobbogh: cheghbogh yu'egh qaSmoH bIQtIq, bIQ'a' SIchDI', 'ej nob DanobDI' SoHDaq cheghbej je.

vIlaDtaHvIS Sep puH bIQ je vIqelchoH. 

> 'u' chenmoHpu'bogh QI'tu''e' rur SepvaD nobqangchu'bogh joH; 'urwI'pu''e' matlhchoHmoHlaH 'ej lobchoHmoHlaH. lI' Soj 'ej rach, 'ach Soj pollu'chugh, nuq chav? nob'e' Danobchugh, Dutoy' lo'Daj; 'ach nob'e' Dapolchugh, Dulon lo'Daj!»[4]
> 
> --------
> [1] With no word for "eyelash", it's tIna'tIn's eyes that are black. ramqu'.

Hutlhmo' mu'tay loQ jIbeppu' je. 

> [2] The original Georgian is /q'ornisa bolo-prtata/ "raven's tail feathers". notqa' is just too good for "raven".

tlhuQ bo tIq law' tel bo tIq puS 'e' vIHar. 

> [3] voDleH, vay' rIn joq. wIvlaH laDwI'.
> [4] roStevan loves a good aphorism; some are a bit obscure even in the Georgian and I hope the Klingon isn't too opaque.

My Caucusian geography is a little hazy, but I'll assume theae folk know how their rivers work. 
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120801/b1ad2166/attachment.html>