[Tlhingan-hol] nuq bop bom: 'ay' wejmaH Soch

[Robyn Stewart]

Recap: The crew had just mourned the passing of Ensign ghutar, with a 
ritual howl and a pithy little proverb from the FO.[1]

37

ngugh yaS wa'DIch je qIp neH vajar. Heghpu' beq 'ej pagh chav Hegh. 
logh Sut tuQmoH 'e' ra'pa' HoD, pIv ghutar 'ej mIch loS vagh je 
naw'laHbe' vay'. DaH Heghpu' ghutar 'ej mIch loS vagh je naw'laHbe'taH vay'.

vay' ghuHmoH yaS wa'DIch SeHlaw. "DaH Dotlh ja'beH vIj Duy' ... 
Qapchu'. motlh Hoch. QaQ. maloSnISbe'taH ..." jatlhqu' 'e' tlhojmo' 
'ungya, mev.

jatlh DeghwI' "HoD, chay' chora'? ghochmajDaq machungqa' DaneH'a'?"

jangmeH HoD jatlh "He wIghochchu'meH chuyDaH yIlo', 'ach 
lughchoHpu'DI' He chung 'e' yImev. Duj Dotlh yIjIH."

"lu', HoD."

tagha' jatlh HoD "'ungya, pa'wIjDaq."

QamchoH cha' loD 'ej HoD pa' lughoS. SIbI' jatlh yaS wa'DIch "DeghwI' 
yIpIchQo'."

"vIpIchbe'. munuQtaH neH. 'a DaH beq Sun wIqel vIneHbe'. potlh Duj." 
ba'choH HoD.

QamtaH yaS wa'DIch. "roD Duj wIqelmeH meHDaq bIjatlhqang. 'ach HubneS 
yaS 'e' DaqelchoHDI' naDev maja'chuq."

"DaHjaj bImuj, 'ungya. ghaH vIlo'Ha'qangbe'. DeghDaq po'qu'. yIba'choH."

ba'choH 'ungya 'ej ja'chuqchoH yaSpu'. ngaQtaHchugh mIch loS, 
jonta'mey, chuyDaH SeHwI' joq leHlaHbe' vay'. mIch vaghDaq pIvghor 
Hongghor HIchDal je lutu'lu' ghaytan QIHmo' poSchoHpu' lo' law' 
lojmItHom, vaj ghaytan Dechbogh Som QIHlu' je 'ach meHvo' Som QIH 
lupojlaHbe'. Som pujmoHlaw' QIH. chaq tI'laH Surchem ru'. chaq mIch 
wejDaq HIchDal ru' lujomlaH. SImlaHmeH De', mIw je Hutlhmo' mogh. 
mIch loS Qugh lupojlaHbe' 'ej lutI'laHbe' 'ej luyajlaHbe'.

"ghuy'." jatlh 'ungya. "ghIrel Dutlho'bejjaj yo' qIj. pIHutlhmo' ghu' 
wIpay."[19]

to'waQ luyIvtaHbe'meH nab lu'ogh.

"vaj SIbI' vIta'choH," jatlh HoD. "latlh vIra'be'."

"chora'nISbe'. jISapta'." jatlh yaS wa'DIch.

"Qo'!"

"yIQam," jatlh yaS wa'DIch, 'ej SIbI' Qambe'DI' HoD chol 'ej vajar 
DeS nIH 'uchchoH. "baS DaruQmeH DeSvam Dalo' 'e' DaHech'a'? 
vItlhe'qu' DaneH'a'."

rav bejchoH HoD. "bIlugh 'ungya. pe'vIl mu'qaDmey tIbach."
----
SKI: The captain and FO devise a plan.
----
[1] I've been using this abbreviation without thought or explanation, 
but just realized it may be industry jargon. FO, pronounced "eff-oh" 
simply means "first officer".
[19] I didn't even set them up with no engineer on purpose, but it's 
nice to have an excuse to have the crew insufficiently knowledgeable 
about their own ship, and to not have an explanation for everything.