[Tlhingan-hol] nuq bop bom: 'ay' wejmaH vagh

[Robyn Stewart]

And it continues. I have enough in the buffer that being at work 
hasn't been a problem yet for sending these. Except that I don't have 
time to completely proofread this one before sending it this morning.

We left Captain vajar clenching his fists in frustration as his ship 
systems fail and his crew tries to deal with it.

35

[13]pIvghor pat qelchoH HoD. pIvghorDaq rugh, Hap je DuDlu'DI 
Sangchuq. HoS law'qu' lIng 'ej HoSvetlh SeH cha'pujqut. DujDaq 
HoSvetlh lulo' patmey law'. pIvlob chavmeH Duj, lo'ba' pIvchem. 
nISwI' lubaHlu'taHvIS nom HoS law' poQlu', vaj bIH pIvghor je rar wej 
HoS QaymeH 'ochmey. pIvghorvo' jeq. Hoch HanDogh vegh wa' 'ej Som 
nIHDaq vegh botlh 'och. qaStaHvIS may' tujqu'choH nuH HoS 'ochmey vaj 
Hoch 'och Deghchu' 'och Qeb: bIrmoHmeH taS qeng 'ochvetlh. 
potlhqu'mo' nuH pat nIjchoHchugh taS, latlh taS cheltaH nuH pat.[14] 
meqvamvaD vaghvatlh vatlhvI' taS'e' poQbogh pat lupoltaH cha' 
ngaSwI'mey. pIvghor HoS lo' je chuyDaH 'ach 'och mach lo' bIH. 
Dechbe'taH bIrmoHmeH taS. tujqu'choHchu'be'meH 'ochmey mach, bIHvaD 
HoS vuSlu'. HoS law' poQDI' vIj, mIm pat. 'a rut mImpu'DI' poQbe'choH 
vIj 'ej je'Ha''eghchoH. vaj ngaDHa'choHchugh vIj HoS, boQlaH nuH HoS 
'och, Qapchugh. motlh qaStaHvIS tup puS chuyDaH lo'lu' vaj 
ngaDHa'choHDI' vIj potlhbe'. 'ach qaStaHvIS wa' Hogh lo'pu'mo' 
*Dugh*, qaSchoH Seng'e' lupIHbe'pu'bogh nabwI'.

loS HoD. jIH bejtaH 'ungya. vIHbe'. SeHlawDaq Hota'ro' SenwI' tu'lu' 
'ach vIHbe'. monHa' neH. jatlh HoD "'ungya?"

"nuq?"

"DaH nuq bota'lI'?"

"maloSlI'."

"nuq wIloSlI'."

"pung ghap HoS." mon yaS wa'DIch. "pung wIHevchugh mI'be'choHpu' vIj. 
'oHmo' DoHchugh HoS'e' chaq cha'pujqut QIH." ghaqbe' Hota'ro'.

loSqa' HoD, yaS wa'DIch je.

"ghutar ne'?" Qum HoD "choQoylaHtaH'a'?" jangbe'.

"qay'a'?" jatlh 'ungya.

"ghobe'. tlhegh toSlI'." chob'a' HeHDaq ghutar yInroH tu'lu'.

"motlh jangbe'DI' tlhegh toSwI' be' ghaH," jatlh 'ungya, Hota'ro' bejtaHvIS.

Hagh vajar 'a buSHa' Hota'ro'. loSqa'. tlhamHeymo' 'oy' HoD Dub 
ba'taHvIS, 'ach tlhamHeymo' QamlaHbe' je. Hob Hota'ro'.

"Qapta'DI' mIwraj ghorgh wISov?" jatlh HoD.

"DaH motlhlaw' Hoch latlh vIj. qay'chugh Duy'wI' wISIghlaHbe'," jatlh 
yaS wa'DIch. HaStaDaq ghop pepmoH, "qaSpu'DI' ..." pay' jatlh 'e' mev 
'ej SIbI' meq legh HoD. ghutar yInroH cha' HaSta 'ach mIch loS Daq 
tu'lu'be'. Duj HurDaq tu'lu'law'.
---
SKI: Wall o' text explaining the ship's power distribution system, 
while the bridge crew waits to see if their efforts to stabilize the 
thruster have succeeded. And then ghutar's life signs move outside the ship.
---
[13] If you don't care how the power transfer system works on this 
ship, and will not be concerned later about where vast volumes of 
coolant appeared from, you can safely skip this paragraph. It happens 
to be my job to know and care how such things work on my own vessel, 
so I'm unable to imagine vajar's thoughts without having him think 
about his ship systems.
[14] Yeah, that's a Klingon design decision. Weapons power is so 
important that potentially pumping volumes of toxic fluid into their 
living space is okay so long as it allows them to get off a few more shots.