[Tlhingan-hol] nuq bop bom: 'ay' cha'maH chorgh

[Robyn Stewart]

Last episode ended with the captain remembering lying on the floor 
facing the wrong end of his own pistol, during a misinterpreted 
martial arts lesson.

28
yevpu' yaS wa'DIch. "qaStaH nuq?" jatlhpu'

ravvo' jatlhpu' HoD. "maqeq jIjatlhbe'pu'mo' vIHIvbej 'e' Har."

"'ej Dujeyta'!" Haghpu' yaS wa'DIch. "majQa' Hota'ro'!" jatlhpu'.

"tlhaQbe'." jatlhpu' HoD.

"ghobe'. pov. 'orlaH 'ej SuvlaH je DeghwI'ma' chu'."

"jIqIDbe'. vIbachqangbej," jatlhpu' Hota'ro'.

"Hoch jaj vIbachqang jIH, 'ach DaHjaj vIneHbe'. HoD QaQ ghaHtaHmo' 
vIbachbe'. DeghwI' tlhIbHa' SoHtaHmo' DaHjaj qabachbe' je." jatlhpu' 
'ungya. "Ha' jIghung. megh boSop boneH'a'?"

'ej pay' Hoch batlh choqbogh mIw'e' 'oghta' 'ungya. pu'HIch 
Qeqbe'choH Hota'ro'. Sojpa' lughoSpu'. ba'choHtaHvIS Hota'ro', HoDvaD 
pu'HIch nobHa'pu'.

"yIpol. Dabajta'," jatlhpu' vajar.

"SoHvaD le''a'?" tlhobpu' DeghwI'.

"ghobe'. wagh, 'ach le'be'."

"vaj yIpol" jatlhpu' DeghwI' 'ej nobHa'. megh SopchoHpu'.

QIb leghvIpwI' DataH ghaH 'ach Qobqu'ba' be'vetlh QIb 'e' Sov yaSpu'. 
Hota'ro'vaD "DunISchugh vay' vInISqang," jatlhpu' HoD, nISwI' pu'HIch 
HottaHvIS.

"DunISchugh vay' qaHubchu', HoD," jangpu' DeghwI'. Duj muvta'DI' 
matlh 'Ipba'ta' DeghwI' 'ach DaH 'Ip tlho'laH HoD. wej wen qaSpu'DI'. 
[1] reH matlh ghaH 'ach beq muvchu'be'pu'. chaq 'eDjen ghaH. chaq bIt neH.

vajar ngaSwI'Daq ratlh wornagh 'e' tu'. Hota'ro'vaD nobpu'DI' 
Quchlaw'. DeghwI' yu'law'taH Hung yaS. ghaytan vangmeH 'eb jonta'mo' 
DeghwI' 'ej naDta'mo' HoD, ghal Hung yaS. "jIDo neH" jatlh DeghwI'. 
"jIDo'be'chugh jor pIvghor. rut luj Dupvetlh. bID gho chenmoHchugh 
tajvaj, taH 'ej SeHlaH pagh. pIvghor Qaw'." Qatlh Hung yaS Qu': reH 
vangrup 'ach pIj vangbe'nIS. jagh SuvlaHbogh neHba' ghutar.

ghumchoH yaS wa'DIch SeHlaw. HaStaDaq cha' 'ej jatlh "ghum mIch loS 
lo' law' lojmIt Surchem." qaStaHvIS lupHom chach HoS lo'pu' wa' 
Surchem. ghaytan ram. ghaytan HoS choHwI' choHnISlu' neH.

jatlh HoD. "ghutar ne', Ha'. wI'olnIS. wornaghlIj yItlhutlhchu' 'ej HItlhej."
-----
SKI: The captain remembers how the FO intervened in the incident with 
the helmsman, and then takes the security officer to investigate an 
alarm condition.
-----
[1] Is it clear that from <beq muvpu'DI' Hota'ro'> in 'ay' 27 to 
<"DunISchugh vay' qaHubchu', HoD," jangpu' DeghwI'.> in 'ay' 28 is a 
flashback/recollection. I've bracketed it with time stamps and used 
the perfective like a crazy woman, but it's probably still not clear. 
So hard to do. How can I better make that clear? At the time of the 
action, almost every action in the anecdote is complete, hence the 
pervasive perfective. pengach.