[Tlhingan-hol] vavwI' lut - qul

[ghunchu'wI' 'utlh]

qul chenmoHmeH vavwI', cha' mIwmey pIm vIleghpu'.

motlhlaw' wa' mIw.
raQDaq maghIQtaHvIS qul gho lo'.
bID meyrI'Daq Sor ngoghmey lan.
jojDaq naQmey lang lan.
botlhDaq naQmey machqu' chel.
rut naQmey bIngDaq nav lan.
qaStaHvIS cha'maH tup vum.
wa' naQHom machqu' meQmoH.
meQtaHbogh naQHom ruQ 'ej nav Hot.
meQchoH nav.
naQmey machqu' meQmoH nav.
naQmey lang meQmoH naQmey machqu'.
tagha' meQchoH Sor 'ay'mey.

'IH qul chenmoHbogh 'ej tujqu'.
rut qul DungDaq Daghtuj DIvut.
roD marshmallow neH DIvut.


motlhbe'bej latlh mIw.
juH qachmajDaq pa' SeQ tu'lu'.
pa'vetlhDaq mareH not net chaw'.
pa'vetlhDaq maSop not net chaw'.
SuchDI' mebpu', pa'vetlhDaq ba'.
wa' pa'vetlh tlhoy' lupID nagh.
tlhoy'Daq qul Daq tu'lu'.
bebDaq tlhIch SalmoH ghImwI'.
qul DaqDaq Sor ngoghmey mob lan vavwI'.
tIn ngoghmey 'ej 'ugh.
meQmoHmeH, Sech lo'.
Sech chu' 'ej SorDaq Qeq.
qaStaHvIS cha'maH lup vum.
meQtaHDI' Sor ngogh, Sech chu'Ha'.

qul chenmoHbogh wIbej neH.
rut 'oH tlhopDaq matuj'eghmoH.
roD rInpa' qul maQong net raD.


DaHjaj qul vIchennISmoHchugh, Sech vIlo'Qo'.
motlh naQmey vIyIr 'ej chenmeH qul 'IH jIvum.
qIgh vIpoQchugh, qulngogh -- "firelog" -- vIje'.

-- ghunchu'wI'