[Tlhingan-hol] nuq bop bom: 'ay' javmaH vagh: <charghlaH Huch>
Qov
robyn at flyingstart.ca
Tue Oct 25 14:33:34 PDT 2011
This is a short one because I edited out some evangelisism after
deviding this 'ay''a' into 'ay'mey.
Mahoun's science officer was explaining the principle of
herbicide-resistant grain.
----
jatlh QeDpIn. "Dajqu'be' ngoDvetlh. yuQmajDaq tIrmajvaD Dupvetlh wIlo'."
jatlh HoD "vaj qatlh tIrvam lu'ogh tlhInganpu'? mang puvmoHlaH'a'?"
"mangghom 'utbe'moHlaH" jatlh QeDpIn. "DaH DajwI'na' qa'ang. tIrvam
pochlu'DI' Satlh taSvam lo'be'lu'chugh Hegh tIr. yInmeH tIr 'ut Satlh
taSvam le'."
jatlh Mahoun, "jIyaj. wIjwI'pu'vaD tIrvam lunobchugh tlhIngan, Satlh
taS je'nIS Hoch wIjwI'. taS je'be'chugh lujchu' tIr 'ej pagh yoblaH
wIjwI'. Huch law' poQlaH tlhIngan 'ej luDIlnIS. tlhIngan toy'be'choH
roghvaH Satlh taS lutemlaH tlhIngan. vaj yuQ SeH tlhIngan. yuQ Danbe'
manghom 'a yuQ lucharghlI'."
"DaH Dayaj," jatlh QeDpIn.
QubchoH Mahoun. mIghlaH tlhIngan net Sov. charghmeH HuchQeD
lulo'choHchugh QaDbe' jogh. wIH tlhIngan to' 'ach SuyvaD lI' je.
tlhIngan tIr lu'lo'choHchugh Sungpu', tIr law' lulIngchoH vaj Huch
lubaj. Huch lubajchoHpu'DI' Dochmey ngevbogh Suy je'qangchoH. tIr
law' lughaj tlhIngan, weHbe'taHvIS. cham 'Itlh lughajchoH Sungpu'vam.
malja' law' lutIv yelwIyyItnganpu'. 'ej Sung tIr law' wIje'chugh
je'qangqa'DI' Sung wIngevrup.
"rollIw," jatlh Mahoun. "yIyuDHa'chu'. jupwI' ghaHbe'chugh 'eSSIm'e',
DIvI'vaD De' Datu'ta'bogh Daja''a'?"
Qum QeDpIn. tagha' jatlh "ghobe'. mab wembe'. 'ej qatlh nutu' DIvI'
wIneH?" Qochbe' Mahoun.
HaSta HaDqa' Mahoun. "DaH tIr chu'Daq ghomey SIrghmey je vIlegh."
jatlh HoD. "tar 'omlaHmo' SaH'a'?"
SuDchoH QeDpIn. jatlh "ghobe'. tlhIngan yelwIyyItngan je porgh Hap
DaleghtaH. banglI' nujvo' chovnatlhvetlh boSlu'."
----
SKI: The Klingons seem to have found a new way to conquer planets.
----
If you've figured it out already, head back to 'ay' vaghmaH loS to
see if you can spot the set up to the impending conclusion to this
shaggy dog
story.
<http://nuqbopbom.blogspot.com/2008/04/vaghmah-los-tlhingan-iw-rur-qettlhup.html>http://nuqbopbom.blogspot.com/2008/04/vaghmah-los-tlhingan-iw-rur-qettlhup.html
I promise the next 'ay''a' contains no such cruelty.
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20111025/fe4e0264/attachment.html>
More information about the Tlhingan-hol
mailing list