[Tlhingan-hol] nuq bop bom: 'ay' wa'vatlh Hut: <HoD luSov>

[Qov]

vajar woke up in the sickbay of a Klingon battleship.

109

Hu'DI' vajar. lulegh Hota'ro' ghutar je 'ej pongDaj lujach. pIvmo' 
'ej tay'mo' beq Quchchu' HoD. chol. ghutar 'uch 'ej cha'logh paw'qu'. 
"SuvwI'!" jatlh. ghop DIr chu' nuD. Hota'ro' volchaH 'uch 'ej 
paw'qu'meH tlhe'. pe'vIl qIpchuqtaHvIS QuchDu'chaj vajar qIp Hota'ro' 
jIb. bI' 'ej "SuvwI'," jatlhqa'. ravDaq HeghtaHvIS SuvwI'vam 'e' 
bejnISbe'mo' Quchqu' HoD.

jatlh ghutar, "nuHmaj vIghaj. nujolDI' yaH." nuHmey nobHa'choH 
ghutar. "HoD," jatlh, "qatlh pu'HIch Daqeng? DIvI' nuH 'oHbe''a'?"

nuH tlhap vajar 'ej much. jatlh "chong, qar'a'? may'meymo' rut pu' 
DIjon. lI' 'e' vItu'. mach 'ej qaStaHvIS poH nI' HujtaH je. boSwI' 
chovnatlhvam [58] vIje'ta'. vIparHa'. "

nuD ghutar. jatlh "nov, 'ach jagh HoHchugh jIbepbe' jIH. DaH 
rIHwI'mey vISuqnIS."[143]

mejpu'DI' ghutar, jatlh Hota'ro', "qen DutoD chamvetlh nov."

jatlh vajar, "Do'Ha' qaStaHvIS may' muchaghmoHmo' jagh, lo'meH 'eb vIghajbe'."

jatlh Hota'ro', "wej wen vIqel. choHIvDI' muHub SuvwI' DujwIj neH. 
nISwI' 'oHpu'chugh qaHoHta'. 'ach not pu'HIch nov vIHotpu'mo' chu'wI' 
vIngu'meH jIyevnIS. pu'HIch DamaSmo' jIbel."

chegh ghutar 'ej tamchoH Hota'ro'. SIv vajar. qatlh pay' qechDaj 
Delqang Hota'ro'? HoD HoHruppu' chIDDI' SuD. 'ach voqqangmo' bel vajar.

vajar qechmey qagh HaSta. 'oHvo' jatlhtaH be'. *veS* ra'wI' ghaHba'. 
may'Duj meHDaq ra'wI' quSDaq ba'taH. HIp tuQtaH. nuHmey law' qeng. 
ror 'ej qu'. ghaH qan law' vajar qan rap. DujDaj parmaqqay ghaj 'e' 
SIv vajar. ja' be' "tlhIngan SuvwI'pu' DItoDpu'bogh vorta' ropyaH 
beqma'. tlharghDujchaj chovlI' jonwI'pu'ma'. wa'leS gharben cha'[117] 
wISuch. leSpoH DIb bajta'bogh beqpu''e', poH tetlhDaq pechel'egh! wo' wItoy'!"

"be'vetlh vIghov" jatlh ghutar. "pong vISovbe' 'a tengchaHDaq wa'logh 
vIleghpu'."

jatlh Hota'ro'. "qImyal Sa' ghaH."

"'Iv ghaH?" jatlh vajar. "qImyal Sa' vIghov net pIH'a'?"

jatlh Hota'ro', "tlhIngan may'Duj HoD'e' ghaH HoSghaj law' Hoch 
HoSghaj puS. tugh tlhIngan yejquv muv net pIH."

"wo' woQ Qujmey vIbuSHa'chu', 'a chaq pong vIghov." jatlh vajar.

"Daghov 'e' vIpIH," jatlh Hota'ro'. "QI' tawIjDaq DalaD. chorgh wen 
may'DujvamDaq jItoy'taH." Quchbe'law'.
----
SKI: The Vigilant crew get their weapons back and see the commander 
of the battleship.
----
[58] This was going to be {vey} for edition, but from the context we 
have in the Monopoly game, I think that's looking more like 
"set."  And yeah, I screwed up when I gave him a phaser the first 
day. I had thought that a disruptor was a sort of phaser. So now I'm fixing it.
[117] gharben cha' is the planet where 'eSSIm works and where 
six-sided candles are illegal.
[143] Like cellphone chargers, you think? Or more like ammo clips? My 
apologies to anyone who is really conversant with Treknology. I know 
I just make up whatever is needed for the story. Do feel free to correct me.