[Tlhingan-hol] DajmeH, nuq bopnIS QIn?

[Will Martin]

Dalbe’chu’ lutlIj. Dal bIH not ‘e’ vIjatlh jIH’e’!

Hoch vIlaDbe’ latlh Qu’ vItoy’nIS neH. poH yap vIHutlh. QIt jIlaDlaH. nom laDlaHmeH laH vISuqta’be’.

tlhIngan Hol’e’ wa’ laH vIghaj: qechmey law’ vIDellaH, ‘ej roD muyajlaH HochHom.

jIghoHlaHchu’be’. jIlaDlaHchu’be’. jI’IjlaHchu’be’. jIjatlhlaHchu’be’. ‘ach rut jIghItlhlaHchu’.

‘ej jIghItlhDI’ jIDallaw’ net maq.

‘ach Dalbe’ lutlIj net Sov.

pItlh
lojmIt tI'wI'nuv



> On Jan 6, 2016, at 3:49 PM, Robyn Stewart <robyn at flyingstart.ca> wrote:
> 
> rut lutmey vIqon jIH, 'ach Dallaw' je bIH. laD nuv puS.  jISaHbe'. vIqon 'e' vItIv vaj vIqontaH.
> 
> jIqanchoHtaHvIS Sab yabwIj 'e' vIpIHlaH. muQuchmoHmo' yabwIj mu'IQmoH qech, 'ach mu'ItmoH 'e' vIchaw'be'.
> 
> tlhIngan Hol vIlIjpu'bogh law' law' tlhIngan Hol ghojpu'bogh HochHom law' puS 'e' vISov, 'ej vIHeghpa' teHbe'choH ngoDvetlh.
> 
> DaH qechvam vIqel vIneHbe', 'a Dalqu'choHDI' lutmeywIj chaq qaw vay' 'ej 'oHmo' muqeHHa'.
> 
> - Qov
> 
>> -----Original Message-----
>> From: SuStel [mailto:sustel at trimboli.name]
>> Sent: January 6, 2016 12:05
>> To: tlhingan-hol at kli.org
>> Subject: Re: [Tlhingan-hol] DajmeH, nuq bopnIS QIn?
>> 
>> On 1/6/2016 2:41 PM, Will Martin wrote:
>> 
>>> ‘ach ghaytan Dal ngoDvam.
>>> ‘ej ghaytan Dal lutvam.
>>> ‘ach ghaytan Dal lutvam.
>>> ‘ach naDev SaHbe’ nuvpu’. Dal.
>>> Dallaw’ Hoch.
>> 
>> Dallaw' Hoch lutmeylIj! Hoch po chay' bIvem?
>> 
>>> Dal Hoch lutmeymaj ‘e’ DaHarchugh, chaq ghu’ DaDublaH. vay’ Daj
>>> yIjatlh. mochchugh yInlIj, yItob. maHvaD jatlh.
>> 
>> DIp 'oH {moch}'e'.
>> 
>> nIvbe' yInwIj. Dal lutmey 'e' vIbepbe'. jIQIj neH: tlhIngan Hol lulaD nuv 'ej
>> lughItlh neHlu'chugh, DajnIS Soj. Dajbe'chugh Soj jeSQo' nuvpu'.
>> 
>>> People often complain about traffic without realizing that they ARE
>>> traffic.
>> 
>> <irony> 'oSbogh tlhIngan Hol mu' wIpoQbej! jIHaghtaH 'e' vImevlaHbe'!
>> 
>>> We are in this together.
>> 
>> qar. maja'chuq maH 'ej bIpum SoH. pum SoQ'a' Dajatlh 'e' Damevchugh chaq
>> HuvchoH Hutvagh.
>> 
>> Hoch latlhvaD: jIQeHmo' jIQoS. vItIchlu'DI' jISuv.
>> 
>> --
>> SuStel
>> http://trimboli.name
>> 
>> 
>> _______________________________________________
>> Tlhingan-hol mailing list
>> Tlhingan-hol at kli.org
>> http://mail.kli.org/mailman/listinfo/tlhingan-hol
> 
> 
> _______________________________________________
> Tlhingan-hol mailing list
> Tlhingan-hol at kli.org
> http://mail.kli.org/mailman/listinfo/tlhingan-hol

-------------- next part --------------
An HTML attachment was scrubbed...
URL: <http://mail.kli.org/pipermail/tlhingan-hol/attachments/20160106/a1ad71f9/attachment.html>