[Tlhingan-hol] New expression: Klingon for "dim sum" revealed‏

[Rhona Fenwick]

jabmeH mIwvetlhvaD motlh 'aSralya'Daq /dim sum/ wIpongbe'; maHvaD /yum cha/ ponglu'. {Dargh tlhutlh} 'oS Guangdong Hol mu'mey /jam caa/, 'ach Darghvetlh tlhutlhlu'taHvIS chaq Soj Soplu' je 'e' 'oS mu'tlheghHomvam. /jam caa/vo' mu'maj /yum cha/ wItlhappu' maH.

/yum cha/ pongmoHbogh meqHeymaj'e' vISovchu'be', 'ach wa' DuH vIQublaH. naDev /dim sum/vo' latlh mu' tlhaplu'pu' je: /dim sim/. Ha'DIbaH, cabbage pormey je ngaS /dim sim/: naDev roD mIQlu', 'ach rut publu'. Guangdong Soj /siu mai/ rur, 'ach vutmeH loQ /dim sim/ nap law' /siu mai/ nap puS 'e' vIHar, puSqu'mo' Soj Seghmey'e' yughbogh /dim sim/.

chaq naDev /yum cha/ lo'choHlu'pu', tlhoy rurchuqlaw'mo' /dim sum/ /dim sim/ je? jISovbe' jIH.

QeS 'utlh
 		 	   		  
-------------- next part --------------
An HTML attachment was scrubbed...
URL: <http://mail.kli.org/pipermail/tlhingan-hol/attachments/20160426/85169fe5/attachment.html>