[Tlhingan-hol] vay'
Lieven
levinius at gmx.de
Mon Nov 9 14:19:36 PST 2015
Am 09.11.2015 um 23:02 ghItlh Will Martin:
> qen naDev tlhoy DIvI’ Hol vIlo’pu'. jIqeqmeH tlhIngan Hol vIlo’.
jIyajqu'. buD Hoch nuv. vay' quv vItIch vIneHbe', 'ach buD ghot net Sov.
tlhIngan Hol jatlhmeH Qu' ngeD puS, DIvI' Hol jatlhlu'meH Qu' ngeD law'.
vaj DIvI' Hol lo'lu'taHvIS mu'mey law' lulo'lu'. tlhIngan Hol wIlo'DI',
roD maQubnIS, chaq mu'mey DInejnIS - 'ej rut qech'e' wIDel wIneHbogh
wIDellaHbe'.
QInlIj vIlaDmeH, mu'ghom vIlo'be'. chaq Hoch mu'mey vIyajbe', 'ach
jIqeqnIS. vaj jIlaD neH. jIlaDtaHvIS yabwIjDaq jImughQo'. tlhIngan Hol
vIlo'taHvIS reH yabwIjDaq tlhIngan Hol vIQoy, 'ej 'oH vIlo'. ghu'vam
vIqeqchu'DI' vaj nom jIghojchu'. DaH QInvam vIghItlhmeH mu'ghom vIlo'be'
je. jIghItlh neH.
ghoplIjDaq vay' DamachmoHchugh vaj 'oH DangaH. vIychorgh DachenmoHmeH,
na'ran DangaHnIS. 'ej jangbe'chugh romuluSngan, vaj HughDaj DangaHnISba' :-)
--
Quvar valer 'utlh
Grammarian of the KLI
http://www.facebook.com/Klingonteacher
http://www.klingonwiki.net
More information about the Tlhingan-hol
mailing list