[Tlhingan-hol] ulesses Ha'DIbaH

[Rohan Fenwick]

ghItlhpu' qunnoQ, jatlh:
> Ha'DIbaH ghaj ulesses 'e' wISov.
> we all know that ulesses had a dog.

(poD vay')

> wa' ben 'oHchugh Ha'DIbaH'e', tlheDDI' ulesses..
> if the dog was one year old, when ulesses left..
> 
> cheghDI' ulesses, chay' yIntaH Ha'DIbaH jay' ?
> when ulesses returned, how the @*!#@ dog was still alive ?
> 
> cha'maH DISmey yInbe' 'elaDya'ngan 'avwI' Ha'DIbaHmey !
> greek shepherd dogs don't live 21 years !

wIch neH 'oH lutvetlh'e'; 'ach vabDot Ha'DIbaH Seghvetlh chovnatlh'a' bopbogh lutHom teH vIjatlh. 'opben Heghpu'mo' Ha'DIbaHmaj, tera' DIS 1993 Ha'DIbaH chu' wInejlI' jIH qorDu'wIj je. juHDaj mejnISpu' latlh qorDu', vaj Do'Ha' Ha'DIbaHDaj SuqHa'nISpu'. (juH chu' DablaH Ha'DIbaH net tuch.) vaj Ha'DIbaHDaj je'pu' qorDu'wIj. "Shadow" ({QIb}) ponglu', qIjqu'chu'mo' veDDaj. maHvaD ngugh jatlhlu', {loSben boghlaw'pu' ghaH}.

'ach QelvaD Ha'DIbaHmaj wInuDmoH 'ej Ha'DIbaH yInroH wIDajmoH. rInDI', nuja' Qel: {teychuqtaHmo' Ho'Du', Shadow qoS vInoHlaH. chaq loSben boghpu', 'ach ghaytan DISmey yInpu'bogh nI' law' DISmeyHeyvetlh nI' puS. chaq vaghben boghpu'; chaq javben boghpu'; chaq Sochben boghpu'. Soch qIt law' loS qIt puS 'e' vIbej.} 1993 vaj wISuqpu'DI', ghaytan javben Sochben ghap boghpu' Shadow. yIn 'ej yIntaH ghaH, 'ach tagha' ropqu'choH ghaH; HomDu'Daj vIHmoHlaHqu'be'pu', 'ej 'oy'qu'choHpu'. vaj tagha' wIHeghmoHpu' ma'IQqu'taHvIS maH, qaStaHvIS tera' DIS 2006. nutlhejchu'taH qaStaHvIS wa'maH wej DIS, 'ej nutlhejchoHpa', chaq yIntaH qaStaHvIS latlh jav DIS, latlh Soch DIS ghap. vaj qanqu'ba' Odysseus Ha'DIbaHHey, 'ach 'e' vIlajqangchu' jIH'e'.

SKI: The age of Odysseus's dog is striking for sure, but based on evidence from a dear old dog of his own, QeS buys it at least in principle.

QeS 'utlh
 		 	   		  
-------------- next part --------------
An HTML attachment was scrubbed...
URL: <http://mail.kli.org/pipermail/tlhingan-hol/attachments/20151226/b78ab0fd/attachment.html>