[Tlhingan-hol] {Hov} DIvI' Hol mung

[Bellerophon, modeler]

De'vID: paqvam parHa'qu'. paqvam QaQ law' Hoch Hov leng paq QaQ puS.
pongDaj vImugh 'e' vInIDpu'DI', jIjatlh <SIla'Daq mIllogh Qav>, 'a
jIyonbe'. SIla' wanI' Delbogh mu''e' vISovbe'.

motlh Qo'noSDaq chal velchu' 'eng 'e' vIHar. reH Hov leng muchDaq Qo'noS
chal velchu' 'eng. pIjHa' tay'Ha'choHDI' 'engmey, tagha' Hovmey leghqa'taH
tlhInganpu' tIQ. tlhInganvaD maQ Dojqu' 'oHba' wanI'vam'e'.
ta'chajmey qawlu' 'e' qech, Hovmey Huv je rarchoH tlhIngan tIQ. Hoch ta'mey
lIjlu'pu'chugh, qatlh potlh batlh?

vaj jub batlh 'e' maQ mojpu' Hovmey Huv. chaq Qo'noS 'eng bIngDaq ta'
lIjlu'pu', 'a loghDaq lengchoHDI' tlhIngan, pe'vIl vIttleghvam qaw'qa'ba'.
'a batlhHa' Heghpu' 'op tlhIngan 'e' taHlu'. Hovmey Huv tlhopDaq QuS DuraS,
romulusngan je.

Hovmey Huv bop wa' latlh ghIlth, jatlh:

"And though I had slain a thousand foes less one,
The thousandth knife found my liver;
The thousandth enemy said to me,
'Now you shall die,
Now none shall know.'
And the fool, looking down, believed this,
Not seeing, above his shoulders, the naked stars,
Each one remembering."


mughta' qurgh Santay-lungqIj, jatlh:

'ej tlhoS wa'SaD loDpu' vIHoHpu',
'ach chejwIj Sam jagh wa'SaDDIch taj,
mujatlh jagh wa'SaDDIch:
<DaH bIHegh, DaH DuSov pagh>,
'ej yav leghmo' mu'meyDaj Har qoH.
'ach ghaH DungDaq reH qawchu'taH Hovmey Huv 'e' leghbe'.

~'eD


-- 
My modeling blog:          http://bellerophon-modeler.blogspot.com/
My other modeling blog:  http://bellerophon.blog.com/
-------------- next part --------------
An HTML attachment was scrubbed...
URL: <http://mail.kli.org/pipermail/tlhingan-hol/attachments/20151205/e699ca48/attachment-0001.html>