[Tlhingan-hol] mu'mey ram

[lojmitti7wi7nuv at gmail.com]

maj.

pIj mu'ghomwIjDaq mu'mey vISamnIS. mu'mey puS vIqawlaHchu'. mu'mey vIlo'laHmeH laH tIn law', mu'mey vIqawmeH laH tIn puS.

mu'mey qawchu' nuvpu' puS. qawchu'ta' Qov.  qawchu'taH ghIDo wa'. mej Qov. chegh Qov. mej ghIDo wa'. cheghbe'.

Subpu'na' qon tlhIngan Hol qun. mejpu'mo' 'op, 'IQlu'. 

choyajlaHmo' jIbel. yIqeqtaH!

tlhIngan Hol jatlhpa' HoD Qanqor, tlhIngan Hol jatlhlu'be'. jatlhwI' wa'DIch ghaH. jatlhwI' cha'DIch ghaH Seqram'e'. ja'chuqtaHvIS HoD Qanqor Seqram je, jatlhchoH latlhpu' puS 'e' wIv latlhpu'vam.

not tlhIngan Hol vIjatlhlaHchu', 'ach QIt vIlaDlaH 'ej vIghItlhlaH. qeqmeH poH yap vIHutlh. buy' ngopwIj. rut jIghItlhmeH poH vISam. rut vIHutlh. ghaytanHa' jIcheghchu'.

On Sep 25, 2014, at 6:50 PM, Bellerophon, modeler <bellerophon.modeler at gmail.com> wrote:

> lojmIttI'wI', QInlIj vIlaDpu' 'ej vIyajlaH. qay'be'pu'. jIqeqmeH 'eb chonobpu'. mu'ghomDaq mu'mey puS vInejnISpu'. mu'tlheghDaq mu'meyvam vIlaDpu'mo', ghaytan vIqawlaH.
> qep'a' cha'maHDIchDaq HoD Qanqor vIqIHpu'. vIghomqa' 'e' vItul. Dojqu' HoD Qanqor 'e' vItu'pu'.
> ~'eD
> 
> On Thu, Sep 25, 2014 at 2:19 PM, <lojmitti7wi7nuv at gmail.com> wrote:
> qen naDev vIghItlhtaHvIS tlhoy DIvI' Hol vIlo'pu'mo', DaH tlhIngan Hol vIlo'choH. QIn potlh vIHutlh. jIjatlh neH.
> 
> chay' tlhIngan Hol vIghojta'? muQaH nuq? jISIv. jIqawchoH.
> 
> qaStaHvIS wa' jar, ghItlh HoD Qanqor. [If you are new to the language, {HoD Qanqor} is a person's name. It doesn't follow the rules of normal placement of military titles, but that's because the individual who claims this as a name chose it before those rules were established, and he chose not to change his name in order to backfit his name to the rules.]
> 
> ghItlhtaHvIS, DIvI' Hol lo'Qo'. tlhIngan Hol neH lo'. Qaghbe'.
> 
> nap QInmeyDaj. ngeD vImughmeH Qu'wIj.
> 
> ghojwI'pu' Holtej [In English, this is "Beginners' Grammarian", not "Students' Linguist", and this is just how I am choosing to translate the term; others have done it differently.] jIHmo' QInmeyvam vImughnIS. Qu'wIj 'oH. [I'm speaking of a period of time in the past, not now.]
> 
> roD, ghItlhDI' latlhpu', vImughlaHchu'be'. pIj Qagh. pIj Qatlh. HoD Qanqor laH Doj law', Hoch laH Doj puS.
> 
> HoD Qanqor tlhoblu'DI' DIvI' Hol lo' ghItlhwI'. jangDI' HoD Qanqor, tlhIngan Hol neH lo'. ghItlhwI'vaD HoD Qanqor QIn vImughnIS.
> 
> vaj law' QInmey'e' ghItlhchu'pu'bogh HoD Qanqor, 'ej Hoch vImughnIS. vaj qaStaHvIS wa' jar, jIqeqqu'. Dub laHwIj.
> 
> 
> -- 
> My modeling blog:          http://bellerophon-modeler.blogspot.com/
> My other modeling blog:  http://bellerophon.blog.com/
> _______________________________________________
> Tlhingan-hol mailing list
> Tlhingan-hol at kli.org
> http://mail.kli.org/mailman/listinfo/tlhingan-hol

-------------- next part --------------
An HTML attachment was scrubbed...
URL: <http://mail.kli.org/pipermail/tlhingan-hol/attachments/20140926/021518bd/attachment.html>