[Tlhingan-hol] qep'a' Adventures, finale

[David Holt]

jaj veb tI’wI’Daq DujwIj vIqem.  nom Seng ngu’.  nIn jonta’ ghaj DujwIj ‘ej ‘ul nguSDI’ ghaj.  cha’ tujHa’moHbogh pat ghaj je.  jonta’ tujHa’moHbogh pat cha’ HaSta ‘ach nguSDI’ tujHa’moHbogh pat cha’be’ HaSta.  Qap ‘e’ mevpu’ nguSDI’ tujHa’moHbogh pat ‘ej tujqu’taH ‘ul nguSDI’.  lujchugh jonta’ QaptaH nguSDI’ ‘ach lujchugh nguSDI’ luj Hoch patmey.  ‘ul nguSDI’ tujHa’moHbogh pat qa’ tI’wI’ ‘ej DaH Qapchu’ puH DujwIj.
pItlh
SKI: The car was fixed and they lived happily ever after.

The full story:
lengwIj vItaghDI’ Dun Hoch.  puH DujwIj tIj ‘arHa ‘ej QeS wIghommeH muD Duj vergh’a’Daq wIghoS.  puH DujwIjDaq Qay’eghDI’ Qes loS rep malengmeH matagh.
wa’ rep malengpu’DI’ mev’egh QuQ.  Hoch pat vInuD ‘ach Seng vItu’laHbe’.  QuQ vIchuqa’ ‘ej malengqa’.  qaSDI’ cha’maH tupmey mev’eghqa’ QuQ.  tujbe’ QuQ ‘e’ cha’ HaSta.  vagh tup leS QuQ ‘e’ vIchaw’ ‘ej mevqa’pa’ wa’maH tup malenglaH.  QuQ Say’moHwI’ nIn je vIchel.  ghIq wejmaH tup maleng.  nI’chugh poH maleSbogh, nI’ poH malengbogh.  ngajchugh poH maleSbogh, ngaj poH malengbogh.  QuQ tujqu’ Da QuQ, ‘ach tujbe’taH QuQ ‘e’ cha’ HaSta.
ghochmajDaq nuloS latlh Duj ‘ach latlh Duj wImIm.  chaq leng ta’laHbe’ Dujmaj.  mamevchugh latlh DujDaq maQay’eghlaHbebej’.  ghIq mebpa’mey wISamnIS ‘ej DujwIj wIlon ‘ej latlh Duj wIgnIpmeH qav’ap wIDIlnIS.  juHwIj vIchegh ‘e’ vInIDchugh, chaq DujwIj tI’ tI’wI’wI’, ‘ach chaq qep’a’Daq majeSlaHbe’ jIH raQpo’pu’wI’ je.  juHwIj chuq rur ghochmaj chuq.  mataH ‘e’ wInIDchugh, chaq maQay’eghlaH ‘ej qep’a’Daq majeSlaH ‘ej leSqu’ DujwIj.  vaj mataHqang.
taH je Seng ‘ach ‘arghbe’law’.  vagh tup maleS ghIq wa’maH tup maleng.  Soch vI’ vagh rep qaS leng mojpu’ motlh loS rep qaSbogh leng.  loSpu’ latlh Duj ‘ej maQay’eghchu’.  ratlhbogh leng matIv.  qep’a’Daq nulupchu’ ghunchu’wI’.  qep’a’ matIvqu’ Hoch.  mataHta’mo’ jIQuch. ‘ach reH juHwIjDaq cheghbogh leng vIHaj.
rInDI’ qep’a’, latlh lurghDaq leng QeS.  ghunchu’wI’ juHDaq wIghoSmeH DujDaj wItIj ghunchu’wI’ be’nalDaj ‘arHa jIH je.  leng matIvqa’ ‘ej Seng tu’lu’be’.  DujwIj maQay’egh ‘arHa jIH je ‘ej leng Qatlh mataHrup.  Seng wIjunmeH QIt vIchIjnIS ‘e’ vIwuq.    juHDaq bID chuq malengpu’DI’ mev Duj.  taghpu’ Seng ‘e’ wIHar.  vagh tupmey maleS ghIq malengqa’.  ‘ach wa’logh mamev neH.  mapawDI’ wa’ rep mapaS neH.
jaj veb tI’wI’Daq DujwIj vIqem.  nom Seng ngu’.  nIn jonta’ ghaj DujwIj ‘ej ‘ul nguSDI’ ghaj.  cha’ tujHa’moHbogh pat ghaj je.  jonta’ tujHa’moHbogh pat cha’ HaSta ‘ach nguSDI’ tujHa’moHbogh pat cha’be’ HaSta.  Qap ‘e’ mevpu’ nguSDI’ tujHa’moHbogh pat ‘ej tujqu’taH ‘ul nguSDI’.  lujchugh jonta’ QaptaH nguSDI’ ‘ach lujchugh nguSDI’ luj Hoch patmey.  ‘ul nguSDI’ tujHa’moHbogh pat qa’ tI’wI’ ‘ej DaH Qapchu’ puH DujwIj.
pItlh
janSIy 		 	   		   		 	   		   		 	   		   		 	   		   		 	   		   		 	   		  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20130806/903c4e9f/attachment.html>