[Tlhingan-hol] qep'a' Adventures, part 5

[David Holt]

From: kenjutsuka at live.com
To: tlhingan-hol at kli.org
Subject: qep'a' Adventures, part 4
Date: Sun, 4 Aug 2013 08:52:31 -0500




rInDI’ qep’a’, latlh lurghDaq leng QeS.  ghunchu’wI’ juHDaq wIghoSmeH DujDaj wItIj ghunchu’wI’ be’nalDaj ‘arHa jIH je.  leng matIvqa’ ‘ej Seng tu’lu’be’.  DujwIj maQay’egh ‘arHa jIH je ‘ej leng Qatlh mataHrup.  Seng wIjunmeH QIt vIchIjnIS ‘e’ vIwuq.    juHDaq bID chuq malengpu’DI’ mev Duj.  taghpu’ Seng ‘e’ wIHar.  vagh tupmey maleS ghIq malengqa’.  ‘ach wa’logh mamev neH.  mapawDI’ wa’ rep mapaS neH.

SKI: The trip home was relatively trouble free.
Stay tuned for: the explanation


The full story thus far:
lengwIj vItaghDI’ Dun Hoch.  puH DujwIj tIj ‘arHa ‘ej QeS wIghommeH muD Duj vergh’a’Daq wIghoS.  puH DujwIjDaq Qay’eghDI’ Qes loS rep malengmeH matagh.
wa’ rep malengpu’DI’ mev’egh QuQ.  Hoch pat vInuD ‘ach Seng vItu’laHbe’.  QuQ vIchuqa’ ‘ej malengqa’.  qaSDI’ cha’maH tupmey mev’eghqa’ QuQ.  tujbe’ QuQ ‘e’ cha’ HaSta’.  vagh tup leS QuQ ‘e’ vIchaw’ ‘ej mevqa’pa’ wa’maH tup malenglaH.  QuQ Say’moHwI’ nIn je vIchel.  ghIq wejmaH tup maleng.  nI’chugh poH maleSbogh, nI’ poH malengbogh.  ngajchugh poH maleSbogh, ngaj poH malengbogh.  QuQ tujqu’ Da QuQ, ‘ach tujbe’taH QuQ ‘e’ cha’ HaSta’.
ghochmajDaq nuloS latlh Duj ‘ach latlh Duj wImIm.  chaq leng ta’laHbe’ Dujmaj.  mamevchugh latlh DujDaq maQay’eghlaHbebej’.  ghIq mebpa’mey wISamnIS ‘ej DujwIj wIlon ‘ej latlh Duj wIgnIpmeH qav’ap wIDIlnIS.  juHwIj vIchegh ‘e’ vInIDchugh, chaq DujwIj tI’ tI’wI’wI’, ‘ach chaq qep’a’Daq majeSlaHbe’ jIH raQpo’pu’wI’ je.  juHwIj chuq rur ghochmaj chuq.  mataH ‘e’ wInIDchugh, chaq maQay’eghlaH ‘ej qep’a’Daq majeSlaH ‘ej leSqu’ DujwIj.  vaj mataHqang.
taH je Seng ‘ach ‘arghbe’law’.  vagh tup maleS ghIq wa’maH tup maleng.  Soch vI’ vagh rep qaS leng mojpu’ motlh loS rep qaSbogh leng.  loSpu’ latlh Duj ‘ej maQay’eghchu’.  ratlhbogh leng matIv.  qep’a’Daq nulupchu’ ghunchu’wI’.  qep’a’ matIvqu’ Hoch.  mataHta’mo’ jIQuch. ‘ach reH juHwIjDaq cheghbogh leng vIHaj.
rInDI’ qep’a’, latlh lurghDaq leng QeS.  ghunchu’wI’ juHDaq wIghoSmeH DujDaj wItIj ghunchu’wI’ be’nalDaj ‘arHa jIH je.  leng matIvqa’ ‘ej Seng tu’lu’be’.  DujwIj maQay’egh ‘arHa jIH je ‘ej leng Qatlh mataHrup.  Seng wIjunmeH QIt vIchIjnIS ‘e’ vIwuq.    juHDaq bID chuq malengpu’DI’ mev Duj.  taghpu’ Seng ‘e’ wIHar.  vagh tupmey maleS ghIq malengqa’.  ‘ach wa’logh mamev neH.  mapawDI’ wa’ rep mapaS neH.
janSIy 		 	   		   		 	   		   		 	   		   		 	   		   		 	   		  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20130805/a38b0d54/attachment.html>