[Tlhingan-hol] bomHom

[Rohan Fenwick - QeS 'utlh]

jIjatlh:
> mIl'oD, mIl'oD, bIwovbejtaH

jang 'ISqu', jatlh:
> chaq wov mIl'oD. chaq wovbe'. jISovbe' 'ej jISaHbe'.
> 'ach muDuQbej bomHomlIj. William Blake bom "Tyger! Tyger! burning bright" 
> DamughtaHvIS mu'mey nIv DawIv 'ej qechmeyDaj Dajon.

nom Daghovta'! mubelmoH 'ach vImerlu'be'. SoHvaD jIjatlhnIS je, majQa'. "The Tyger" 'oHbej.

ghovlu'pu'mo', DaH bomHom naQ vImuch:

mIl'oD, mIl'oD, bIwovbejtaH,
ramjep Hurgh ngemmey Ha'DIbaH;
QurlIj pup'e' luHajbogh nuv
renchu'ta''a' jubwI''a' quv?

bIQ jaQ, chal jen joq qulmeyDaq
meQpu''a' mInDu'lIj puyjaq?
chenmoHwI'lI'vo' qaj nuq qa'?
chay' qul tujvo' Dutlhapqangta'?

'ej tIqlIj to'waQ chenmoHlaH
nuq po'wI' HoSghaj, nuq volchaH?
'ej vIHchoHDI' tIqlIj Somraw,
chenmoHmeH nanpu' nuq 'aqnaw?

mupwI', mIr je chenmoHmeH qul
wovmoHpu''a' QoghIjlIj 'ul?
pan nuq baS raSHom, 'uchpu' 'Iv
chenpu'DI' ghIjbogh HoSDaj nIv?

'otlh tIHchaj jej chuHpu'DI' Hov,
QI'tu' lubochmoHDI' qIb wov –
mon'a', chav SoHbogh leghlaHDI'
loD lIjlaHbogh pagh chenmoHwI'?

mIl'oD, mIl'oD, bIwovbejtaH,
ramjep Hurgh ngemmey Ha'DIbaH;
QurlIj pup'e' luHajbogh nuv
ren 'e' ngIl'a' jubwI''a' quv?

QeS

 		 	   		  
-------------- next part --------------
An HTML attachment was scrubbed...
URL: <http://stodi.digitalkingdom.org/pipermail/tlhingan-hol/attachments/20120912/3adf5c6a/attachment.html>