[Tlhingan-hol] nuq bop bom: 'ay' wa'vatlh chorghmaH Hut: lImDI' Qob
Robyn Stewart
robyn at flyingstart.ca
Thu May 31 14:36:33 PDT 2012
Sent from a mobile device through a temporary connection.
On 2012-05-31, at 14:36, "ghunchu'wI' 'utlh" <qunchuy at alcaco.net> wrote:
> On Sun, May 13, 2012 at 9:27 PM, Qov <robyn at flyingstart.ca> wrote:
>> vay' Sub 'uchchoH 'eSSIm ghop 'ej tlhuHmeH SIbI' toS 'eSSIm.
>
> jaS vangbe' lImtaHbogh QalHa'wI' motlh.
DaSovqu'.
>> DaH ghogh Qoy.
>> "Qo'! Qo'! 'uchQo'!" jatlh vay' 'ej 'eSSIm qab qIplaw'. 'uchqu'taHmeH Suvqu'
>> 'eSSIm 'ach bIQDaq ghIrqa'. chaq vulchoH.
>
> Do'Ha' naQ tIq Hutlh toDwI'Hey.
bIQDaq ghIrDI' toDwI' 'uchHa' QalHa'wI' 'e' Sov. loQ mIwlIj rur: vulchoH 'eSSIm 'e' loSlaw' ghIq toD.
>> Qubqa'laHDI' 'eSSIm, DubDaj 'emDaq
>> DeSDu'Daj 'uchtaH vay'. Dung bej. qabDaq SIStaH. nargh 'e' nIDchoHDI' Mahoun
>> ghogh Qoy. jatlh, "yInoghQo', 'eSSIm. qaghaj."
>
> (bong <yInorghQo'> vIlaD. jIHaghqu'mo' jItuSchoH.)
chop chop chop!
>> jot Mahoun 'ach Doy'law'.
>> jatlh, "bIpuplaH'a' 'eSSIm?"
>>
>> "pup? 'Iv pup?" jatlh 'eSSIm.
>>
>> "bIQ yIpup. bIvo''eghmeH," jatlh Mahoun. pupchoH 'eSSIm, 'ach ghIrmoHlaw'.
>
> <bIQ yIpup.> taQ qech. tlhIngan Hol jatlhbogh QalwI' vIghojmoHchugh,
> vIja' <'uS tIlaqmoH.>
ghaytan qIvDu' SIHmo' 'ej ngIbDu' lo'Ha'mo' pupHa'taH.
>> jatlh Mahoun, "mev!" naDev qojmey jojDaq ghoStaH bIQtIq. qojDaq HuS lavmey
>> 'ej wa' 'uchchoH Mahoun. jatlh Mahoun, "'eSSIm, DeSlIj vItlhabmoHDI' lavvam
>> yI'uchchoH. HI'uchQo'. potlhqu'. bIyaj'a'?"
>
> lImqa'be' 'eSSIm neHba'.
>
>> QIp 'eSSIm 'e' Har'a' Mahoun? jatlh 'eSSIm, "qayajba'. lav vI'uch." lob
>> 'eSSIm. ghoSmoH 'e' nID bIQtIq 'ach Sublaw' lav.
>
> yevlaH chaH 'ej leSlaH. 'ach tlha'taH'a' quchwI'pu'?
quchwI'pu' qelpa' chaH bIbItchoH ghu' vIparHa'.
>> jatlh Mahoun, "maj. DaH HI'uch. lurghvetlhDaq nuqengtaH bIQtIq 'e'
>> wIchaw'taHchugh qoj jenvo' nupummoH bIQ."
>
> chomerta'. lut qechvam Doy' vIpIHpu'be'. majQa'.
lutvamDaq law'qu' lut qechmey Doy'. jagh HoHlaHtaH SuvwI' Doy'.
>> jatlh 'eSSIm, "vaj latlh lurgh wIghoSnIS'a'?"
>>
>> jatlh Mahoun, "tlhoy' HoSghaj bIQtIq. bIQtIq vISuv 'e' vInIDDI'
>> jItlhetlhlaHbe' 'ej muDoy'moHchu'[255]. tlhoS qaSpu' bIvultaHvIS. qojvam
>> DatoSlaH'a'?"
>>
>> qoj nuD 'eSSIm. chong ghIq taHchoH 'ej Habqu' lav Dung. SIStaHmo' naghDaq
>> ghoStaH bIQ. "ghobe'," jatlh 'eSSIm. "DatoSlaH'a' SoH?"
>>
>> ghopDaj much Mahoun. rIQqu'law' yeb. SIHHa'. jatlh, "vIHon."
>
> ghuy'cha'. 'arghlaHbe' ghu'. (DaH San vIqaD...)
chaq bIQtIqvamDaq norghmey lutu'lu'...
>
>> "DuQIDta''a' mangvetlh?" jatlh 'eSSIm.
>>
>> "ghobe'," jatlh Mahoun. "bIlImtaHvIS Daghor SoH. bIHoSqu'." tuH 'eSSIm.
>> Mahoun Qan neHqu' 'ach lujtaH. ghaytan QallaH Mossam.
>
> wejpuH. 'eSSIm HIvta' HeSwI'pu'. bIQtIqDaq tlhoS Heghpu'.
> toD'eghlaHbe'law'. qabqu'taH ghu'. 'ej gholqoqDaj buS'a'?
Duy' Hoch.
>> qa'meH vIttlhegh jatlh
>> 'eSSIm. jatlh Mahoun, "nuwamtaH 'e' DaHar'a'? qatlh DuHoH luneH?" qojmey
>> yormey bejtaH.
>
> DaH DughtaH Mahoun'e'.
'eSSIm mermoH je.
>> vajar mu'mey qaw 'eSSIm. Mahoun yu' neH qImyal Sa' 'e' pIH. jatlh 'eSSIm,
>> "muHoH luneHbe'law'. nIquchtaHvIS jImunbe'meH mupummoHlaw'. chaq Dumaghta'
>> vajar HoD."
>
> qen maghwI' DIv Dapu' 'e' legh 'eSSIm. maghwI' ghaHbe' 'e' Sovbe'.
Dayaj.
>> jatlh Mahoun, "peghwIj Daja''a'?"
>>
>> jatlh 'eSSIm, "ghobe', chaloy. pagh vIja'. chaq Hub'eghmeH nepmo' DupIHmoH
>> vajar."
>
> DortaHvIS 'ay'vam, qojDaq HuStaH ghotpu'maj. chong!
>
lut vIqonmeH DIvI' Hol vIlo'DI' mutuHmoHmo' wanI'mey vI'oghbogh, not lutmey vImuch. 'ach mutlhabmoH tlhIngan Hol. not lutvam rurbogh lut'e' qonta' vay'!
chaq mujaqmoH lutvam.
-Qov
More information about the Tlhingan-hol
mailing list