[Tlhingan-hol] nuq bop bom: 'ay' wa'vatlh chorghmaH Hut: lImDI' Qob

[ghunchu'wI' 'utlh]

On Sun, May 13, 2012 at 9:27 PM, Qov <robyn at flyingstart.ca> wrote:
> vay' Sub 'uchchoH 'eSSIm ghop 'ej tlhuHmeH SIbI' toS 'eSSIm.

jaS vangbe' lImtaHbogh QalHa'wI' motlh.

> DaH ghogh Qoy.
> "Qo'! Qo'! 'uchQo'!" jatlh vay' 'ej 'eSSIm qab qIplaw'. 'uchqu'taHmeH Suvqu'
> 'eSSIm 'ach bIQDaq ghIrqa'. chaq vulchoH.

Do'Ha' naQ tIq Hutlh toDwI'Hey.

> Qubqa'laHDI' 'eSSIm, DubDaj 'emDaq
> DeSDu'Daj 'uchtaH vay'. Dung bej. qabDaq SIStaH. nargh 'e' nIDchoHDI' Mahoun
> ghogh Qoy. jatlh, "yInoghQo', 'eSSIm. qaghaj."

(bong <yInorghQo'> vIlaD. jIHaghqu'mo' jItuSchoH.)

> jot Mahoun 'ach Doy'law'.
> jatlh, "bIpuplaH'a' 'eSSIm?"
>
> "pup? 'Iv pup?" jatlh 'eSSIm.
>
> "bIQ yIpup. bIvo''eghmeH," jatlh Mahoun. pupchoH 'eSSIm, 'ach ghIrmoHlaw'.

<bIQ yIpup.> taQ qech. tlhIngan Hol jatlhbogh QalwI' vIghojmoHchugh,
vIja' <'uS tIlaqmoH.>

> jatlh Mahoun, "mev!" naDev qojmey jojDaq ghoStaH bIQtIq. qojDaq HuS lavmey
> 'ej wa' 'uchchoH Mahoun. jatlh Mahoun, "'eSSIm, DeSlIj vItlhabmoHDI' lavvam
> yI'uchchoH. HI'uchQo'. potlhqu'. bIyaj'a'?"

lImqa'be' 'eSSIm neHba'.

> QIp 'eSSIm 'e' Har'a' Mahoun? jatlh 'eSSIm, "qayajba'. lav vI'uch." lob
> 'eSSIm. ghoSmoH 'e' nID bIQtIq 'ach Sublaw' lav.

yevlaH chaH 'ej leSlaH. 'ach tlha'taH'a' quchwI'pu'?

> jatlh Mahoun, "maj. DaH HI'uch. lurghvetlhDaq nuqengtaH bIQtIq 'e'
> wIchaw'taHchugh qoj jenvo' nupummoH bIQ."

chomerta'. lut qechvam Doy' vIpIHpu'be'. majQa'.

> jatlh 'eSSIm, "vaj latlh lurgh wIghoSnIS'a'?"
>
> jatlh Mahoun, "tlhoy' HoSghaj bIQtIq. bIQtIq vISuv 'e' vInIDDI'
> jItlhetlhlaHbe' 'ej muDoy'moHchu'[255]. tlhoS qaSpu' bIvultaHvIS. qojvam
> DatoSlaH'a'?"
>
> qoj nuD 'eSSIm. chong ghIq taHchoH 'ej Habqu' lav Dung. SIStaHmo' naghDaq
> ghoStaH bIQ. "ghobe'," jatlh 'eSSIm. "DatoSlaH'a' SoH?"
>
> ghopDaj much Mahoun. rIQqu'law' yeb. SIHHa'. jatlh, "vIHon."

ghuy'cha'. 'arghlaHbe' ghu'. (DaH San vIqaD...)

> "DuQIDta''a' mangvetlh?" jatlh 'eSSIm.
>
> "ghobe'," jatlh Mahoun. "bIlImtaHvIS Daghor SoH. bIHoSqu'." tuH 'eSSIm.
> Mahoun Qan neHqu' 'ach lujtaH. ghaytan QallaH Mossam.

wejpuH. 'eSSIm HIvta' HeSwI'pu'. bIQtIqDaq tlhoS Heghpu'.
toD'eghlaHbe'law'. qabqu'taH ghu'. 'ej gholqoqDaj buS'a'?

> qa'meH vIttlhegh jatlh
> 'eSSIm. jatlh Mahoun, "nuwamtaH 'e' DaHar'a'? qatlh DuHoH luneH?" qojmey
> yormey bejtaH.

DaH DughtaH Mahoun'e'.

> vajar mu'mey qaw 'eSSIm. Mahoun yu' neH qImyal Sa' 'e' pIH. jatlh 'eSSIm,
> "muHoH luneHbe'law'. nIquchtaHvIS jImunbe'meH mupummoHlaw'. chaq Dumaghta'
> vajar HoD."

qen maghwI' DIv Dapu' 'e' legh 'eSSIm. maghwI' ghaHbe' 'e' Sovbe'.

> jatlh Mahoun, "peghwIj Daja''a'?"
>
> jatlh 'eSSIm, "ghobe', chaloy. pagh vIja'. chaq Hub'eghmeH nepmo' DupIHmoH
> vajar."

DortaHvIS 'ay'vam, qojDaq HuStaH ghotpu'maj. chong!

-- ghunchu'wI'