[Tlhingan-hol] nuq bop bom: 'ay' cha'vatlh: toDmeH Qu'
Qov
robyn at flyingstart.ca
Mon May 28 14:46:55 PDT 2012
Essim obeyed her childhood lessons and put loyalty to the Empire
first, revealing Mahoun's location to High Councilmember Qa'bar.
200: toDmeH Qu'
mon Qa'bar. jatlh, "Mahoun DaQanlI'mo' choquvmoH. chay' DatoD 'e'
DaHech?" Mahoun nab QIj 'eSSIm. jatlh Qa'bar, "loS jaj loSnISbe'.
DalelmeH nuq DapoQ?"
yabDajDaq 'aH yIrta'mo' 'eSSIm SIbI' per. nom lam bo'Degh, wovmoHwI',
tlhegh, Sutmey je yIr Qa'bar. Mahoun Daq ngu' 'eSSIm 'ej ghorDaq Qol.
yavDaq 'eSSIm, DIS DIn je So'taHmo' Duj So'wI', DIn poSmoHmeH bo'Dagh
lo'laH 'eSSIm. lam, botbogh naghmey je teqta'DI', 'och 'el. "maHun!"
jatlh. jangchugh Mahoun Qoybe' 'eSSIm. wovmoHwI' chu' 'ej 'ochDaq
ghoSchoH. Mahoun pong jachqa' 'ach jangbe'taH. langHa'choHDI' 'och,
torchoH ghIq QamchoH 'eSSIm. Dat wovmoHwI' Qeq. DIn 'eS SoDlu'bogh
nuDmeH 'uS lo'. Dach Mahoun. DIS HeHmey nuDchoH 'eSSIm. Qargh tu'lu'.
chaq veghlaH Mahoun, 'ach qatlh? pay' ngoD tlhoj 'eSSIm: loj Mahoun
'e' Har Qa'bar luneH Mahoun quchwI'pu'. Samta'chugh QaS, Sambe'pu'
'e' maqba'. Mahoun lujoy'taHvIS tlhInganpu', lunejtaHmo' Qa'bar
'eSSIm je, poH lunatlh neH.
"chaloy!" jatlh 'eSSIm 'ej yavDaq ba'choH. DIS mejpu'mo' 'eSSIm,
loDnalDaj chu' HoHta'.
"tujoy," jatlh Mahoun ghogh. DIS 'aqroSDaq ghaHtaH. So'eghmeH, vagh
DIS nagh 'etlhmey jojDaq ghoD'eghta'. "qaghI--qajotHa'moH 'e'
vIHechbe'. DISDaq Hujmo' ghoghlIj QIblIj je qaghovbe'. nuqDaq
wovmoHwI' DaSuqpu'?"
"munoj Qa'bar, yejquv DevwI'. chay' DatoSlaH rIQtaHvIS ghoplIj?" jatlh 'eSSIm.
"jItoSmeH 'ej naDev jIpol'eghmeH 'uSDu'wIj DubwIj je vIlo'.[286] DaH
jIghIrlI'," jatlh Mahoun. boQ 'eSSIm. tuQ'eghmoHmeH Mahoun boQ je.
'och luveghtaHvIS 'eSSIm tlha' Mahoun. DeSqIvDu'Daq qIvDu'Daq je ghoS
'ej tugh nargh. SaHtaH *Hov matlh*. Duj pIrmuSDaq tIn tlhIngan wo'
Degh. jach Mahoun 'ej 'och 'elqa' 'e' nID.
"leS! mev! nuQaHlI'," jatlh 'eSSIm. "DaH wISo'lu'pu'. nuleghlaH pagh
'ej nuHotlhlaH pagh."
jatlh Mahoun, "vaj bIjatlhDI' <munoj Qa'bar yejquv DevwI'>, bIqIDbe''a'?"
jatlh 'eSSIm, "qID 'oHbe'. bIQolrup'a'?"
'ochDaq So'eghchu' Mahoun. jatlh, "ghobe' jay'. Qa'bar DevwI'vaD chonob'a'?"
jatlh 'eSSIm, "ghobe', pIm ghu'. bIyajbe'. DuSovlaw'. DuQan neH."
Mahoun yongHa'moH 'e' nID 'eSSIm. 'om Mahoun 'ach wa' ghop
lo'laHbe'mo' DoHqu'laHbe'. DeSDaj QaQ 'uchqu'choH 'eSSIm 'ej 'ochvo'
Mahoun luH. wewchoH muD qattaHvIS jol.
---
SKI: Essim leads Mahoun out of the cave and the two are beamed aboard
the Loyal Star despite Mahoun's objections.
---
[286] It's a great climbing technique. Called chimneying. If you have
something solid in front and behind you, you can climb up no hands
holding a cup of coffee and a laptop and then sit there braced with
very little continued effort, like it's your office.
More information about the Tlhingan-hol
mailing list