[Tlhingan-hol] nuq bob bom: 'ay' wa'vatlh chorghmaH vagh: muSchuq

[ghunchu'wI' 'utlh]

On Thu, May 10, 2012 at 1:39 PM, Qov <robyn at flyingstart.ca> wrote:
> qatlh QIchvetlh lo' Mahoun? chay' Sov? DawI' po' ghaH. Qotmaghngan rurqu'.
> "HIvaqQo'! qamuS!" jatlh 'eSSIm.

jatlhtaHvIS pe'vIl rav mupqu' qamDaj 'e' vIleghlaw'.

> DoH Mahoun. chuq noH 'eSSIm. ghonDoq
> lelchugh 'ej jopchugh 'eSSIm, Mahoun DuQlaHchu'. 'ach ghonDoq lelbe'. Mahoun
> qIp neH 'ach Mahoun QID neHbe'.

ghuS'eghlaw'.

> jatlhqa' Mahoun. yep ghoghDaj. jatlh, "qamuStaH je, mangwI'. Hoch jaj, jaj
> Hoch. qepmeywIj vIqImHa', qalegh vIneHqu'mo'."

mang muS. ta'lIj vIlegh 'ej mIS qID vIghov. majQa'.

> jot'eghmoH 'e' nID 'eSSIm. jatlh, "QIchvetlh yIlo'Qo'."
> "qatlh?" jatlh Mahoun. "Dalo' SoH. vItIv. parHa'law' jatwIj."

ngoD Daj vItu'. Qotmagh QIch vIwaHtaHvIS, roD pImbe' jat. pIm wuSDu'
ghIch je. rut loQ pIm jat 'o'.

> jatlh 'eSSIm, "jIQeHmo' 'ej loQ jIchechmo' mong--bong jIjatlhHa'. vavwI' Sep
> QIch 'oH."
>
> jatlh Mahoun, "vavlI' Darur DaneHbe''a'?"

rur neHbe''a'? rurbe' neH'a'?

> jangbe' 'eSSIm. Soj jab 'ej nay'mey QIjchoH. qIm Mahoun 'ej vutmeH laHDaj
> naD.

ghaH Dun law' jIH Dun puS. jISoprupDI', jIjaqbe'.

> jatlh Mahoun, "DaHjaj malopnIS. vajar HoD mu'mey vIqelta' 'ej Hoch
> luQIj. qaStaHvIS wej DIS tlhIngan bIghHa'Daq jIHlaw'taH. chaq pa'
> jIjatlhHa'DI' vIqIplu'pu'mo' tlhIngan Hol vIghojchu'. DaH Hujbe'mo' ghu',
> jIbel. pagh vIpegh 'e' DaSovmo' bIleSlaH."

vIlaj 'e' vInID. ngeDbe' lajwIj.

> ngaSwI'vo' bal tlhap Mahoun 'ej
> raSDaq lan. nov Hol lo'mo per laDlaHbe' 'eSSIm.
>
> jatlh 'eSSIm, "HIq 'oH? HIq Datlhutlhbej'a'?" reH bIQ tlhutlhpu' Mahoun, HIq
> tlhutlhtaHvIS 'eSSIm.
>
> jatlh Mahoun. "HIja'. yelwIyyItngan HojHa'moHmo' HIq. motlh vItlhutlhbe'.
> bong peghHa'laH qoj nawlaH chechwI'.

<naw> vIyajbe'. <Saw> DaghItlhta' DaneH'a'?

> HIqmo' Hub'eghlaHbe'. ghaytan SoHvaD
> pujqu' HIqvam, 'ach malopmeH wa' HIvje' yItlhutlh. loj peghmey 'oS."

<loj peghmey 'oS> DatI'nIS qar'a'?

> bal woH
> Mahoun 'ej poSchoHmoH.
>
> Mahoun pumta' 'ej pumqa'ta' 'eSSIm. joy'wI' ghaHbe' 'eSSIm'e' 'e' HarDI'
> Mahoun, 'eSSIm quv voqta'.

voqta'ghach bajtaHlaw' 'eSSIm.

> jatlh 'eSSIm, "yIloS. ratlh wa' pegh." MahounvaD
> qorDu'Daj qun ja' 'eSSIm. Hung yaS ghaHpu' 'eSSIm vav'e'. may'DujDaq Hung
> tamey law' leHtaH 'ej voqchu'taH tlhIngan wo' 'ach wo'vetlh maghta'.
> may'Dujvetlh Qaw'ta'. wa' SanID tlhInganpu' matlh HoHta'. 'urmangDajmo'
> quvHa'choHpu' 'eSSIm qorDu' 'e' QIj 'eSSIm. ngoDmey neH jatlh 'eSSIm.

ngoDmey jatlh 'eSSIm juja' 'e' vItu'.

> maghwI'Hey Hubbe'chu'. 'IjtaHvIS, Mahoun qab laDlaHchu'be' 'eSSIm. jatlh,
> "Mahoun, bIQeH'a'?"

tlhIngan tIgh Sovlaw' Mahoun, vaj ghaytan mISbe'. QeH 'e' vIHon.
Quchbe'nIS 'ach QuchHa'nISbe'. va, DelmeH mu' vISamlaHbe'. chaq qech
Hutlh tlhIngan Hol. qab laDlaHbe' 'eSSIm 'e' vIlajchu', jIlughchugh.

-- ghunchu'wI'