[Tlhingan-hol] nuq bop bom: 'ay' wa'vatlh HutmaH wej: Dejpu'

[Qov]

While wriggling through a tunnel deep in the cave, Essim gets the 
breath knocked out of her.

194
Dejpu'

qaStaHvIS vagh lup tlhuHlaHbe' 'eSSIm 'ach lImbe'. ghu' chovlI'. loQ 
Dejlaw'pu' 'och. tlhabtaH 'eSSIm volchaHDu' DeSDu' je. QIt pur. 
'oy'be'. 'uSDu'DajDaq lam tu'lu' 'ach 'uyqu'be' 'ej vIHmoHlaH. 
rIQbe'law' 'eSSIm. DImo' 'IvtIHDu'DajvaD Qey 'och. noghchoH. 
tlhab'eghmoH Duv. Qap mIw. 'eSSIm vonlu'be'. 'ach cheghlaH'a'? 'eSSIm 
tlhopDaq 'och teb lam. waQ. tlhe''eghmeH 'eSSIm, 'aqroSDaq DubDaj yuv 
'ej ghaH bIng 'uSDu' SIHmoH. DaH tortaH, va'nuchDu'Daq ba'taHvIS 'ej 
HotchuqtaHvIS DeSqIvDu' qIvDu' je. DaH qamDu' Daq nach Daq je tamnIS. 
Do' vaD 'eSSIm.[214] 'ach vIHtaHvIS, nachDajDaj pumchoH lam 
naghHommey je. Dujmo' nach Qan 'ach Dejqa'be' 'och. tlhab 'eSSIm 
nach. tlhabqu'. loQ ba'choH. ba'laHchu'. SuS tu'.

mInDu'Daj poSmoH. ngem HurghDaq tortaH. DISvo' narghpu'. ghoStaHvIS 
loQ SaltaHmo' 'och, ghor SIchpu'. QutlhtaHbogh naghmey, aqroS je 
yuvDI' 'eSSIm Dejpu' yav. bIQ bIng ghoSnISqa'be'mo' Quch 'eSSIm, 'ach 
DaH ghorDaq SaHtaHmo' lutu'laH noch, nejwI'pu' je. DIS 'elqa'meH 
'eSSIm, 'ochvo' lam naghmey je teqnIS. pojmeH QamchoH 'eSSIm. lam 
teqmeH naQ nejchoH.

ghIq ghoghmey Hop Qoy. mu'mey QoylaHbe' 'ach tlhIngan Hol ghov. 
Mahoun lunejlI'. Mahoun luSambe'nIS. 'och 'elqa' 'e' nIDchugh 'eSSIm, 
Mahoun ghu' QobmoH. Sormey bIngDaq loQ yav wovmoH DungluQ jul. SaH 
'och net leghlaHbe'. ghegh neH yav. yav tun So'meH nom pormey, 
Heghpu'bogh Sor Hap je lo' 'eSSIm. ghIq ghoghmeyvo' 'ochvo' je 
qetchoH. ghaytan tatmeymo' lughochlaHbe'taH nochmey, 'ach yav 
ghItlhpu'bogh DaSmey luleghlaH nejwI'pu'. mungDaj So'meH ghomey maw' 
ghoStaH 'eSSIm. chIch Sormey ngeQ 'ej ngImbogh lam yIQchu' gho'.

qettaHvIS nablI'. tugh 'eSSIm lutu'. yIntaH 'eSSIm 'e' luSovchoHDI', 
yInlaHtaH Mahoun 'e' luqelchoH. lujoy' tlhInganpu' 'e' Hajchu' Mahoun 
'ej DaH 'eSSImmo' lujoy' luneH. Mahoun QannIS 'eSSIm. maghwI' 
ghaHpu'mo' 'eSSIm vav'e', 'eSSIm'e' voqbe' Sa'. ghoqwI' ghaHbe' 
Mahoun'e' 'e' Sovchu' 'eSSIm 'ach Sa' ponlaHbe' mu'meyDaj. Farsajii luloSnIS.
---
SKI: Essim accidentally leaves the cave and cannot attempt to return 
without endangering Mahoun.
---
[214] For best results, picture me lying on my belly on the floor in 
front of the couch, trying out what 'eSSIm is doing as I type it, to 
make sure it's physically possible. Do' jIvaD.