[Tlhingan-hol] nuq bop bom: 'ay' wa'vatlh chorghmaH Soch: bIQ HeHmey rar ravHom
Qov
robyn at flyingstart.ca
Sat May 12 05:33:27 PDT 2012
Mahoun ate a Klingon-style dinner Essim prepared for him and accepted
her family history.
187: bIQ HeHmey rar ravHom
po vemDI' 'eSSIm MahounvaD tIr ngogh naH je Suq. nIQ luSoptaHvIS.
Mahoun nIQ SopchoH 'eSSIm nIQ, 'ach taj QInDaq narghwI'mey DuQta'
'eSSIm 'ej Sopta', beppa' Mahoun. SoptaHvIS, jaj Qu' QIj 'eSSIm.
wa'Hu' SISqu'mo', ngong yotlh nuDnIS 'eSSIm. qen pochta' 'ej
SoDchoHbe'pu' 'e' 'olnIS. HoqHomvetlhvaD tlhejqang Mahoun. luch
yIrta'DI' 'eSSIm, tlheD.
vengHomDaq yItmeH He SoDbe'meH bIQ, yavDaq QemjIqmey luchenmoHu'pu'
'ej QemjIqmey Qutlh qatlhDa'mey chong. lutlh pat. pagh rar
qatlhDa'mey. lam'e' letqu'moHpu'bogh qul bIH neH, 'ach Hhevo' bIQ
mejmoH 'ej yav Qutlh. qatlhDa'mey leghDI' Mahoun jatlh, "tIlegh! jav
Dopmey!" MahounvaD tlhaQ ngoDvetlh, 'a yajbe' 'eSSIm.
ngemDaq ghoStaHvIS, MahounvaD yan mach nob 'eSSIm 'ej jatlh,
"Ha'DIbaH qu' Daleghchugh, mInDu'Daq QIn yIQeqtaH. DuchoplaHpa'
DuQ'eghnIS Ha'DIbaH, vaj DuchoplaHbe'."
napqu' mIw 'ach bIt Mahoun. jatlh, "SaHchugh cha' chay' jIvang?"
jatlh 'eSSIm, "SumwI' yIQeq. latlh vIHoH jIH." bIttaH Mahoun. nuch
ghaHmo' parmaqqayDaj loQ tuH 'eSSIm 'ach chaq ghojlaH. yIttaHvIS
bejtaHbogh Ha'DIbaHmey tu' 'eSSIm 'ach Mahoun ghuHmoHbe'mo' 'eSSIm,
qaS pagh. tugh bIQtIq HeH luSIchpu'. latlh HeH SIchmeH, bIQtIq HeHmey
rartaHbogh ravHomDaq yItnIS. Sor Hap 'ay'mey rarbogh tlheghmey 'oH.
bIQtIq HeHmey jojDaq HuStaH ravHom Qutlhbogh tlheghmey. 'uchmeH
yItwI', ravHom Don latlh tlheghmey. cha' 'ujmey juch ravHom 'ej jav
'uj'a' 'aD. bIQtIqDaq jenmo' bIQ, DaHjaj ravHom botlh, bIQtIq je chev
loS 'uj neH. jaQ bIQ. bIQ bIng yav leghlaHbe' 'eSSIm.
ravHom gho'vIp Mahoun 'e' pIH 'eSSIm 'ach muj. SIbI' 'oHDaq yItchoH.
bIQtIq Ho'meH botlhDaq yev. tlha'meH ravHom gho'taHvIS 'eSSIm,
volchaHDaj yuv vay'. tlhe''eghDI' nachDaj Dop qIp vay' 'ej pumchoH
'eSSIm. ravHom Dop tlhegh 'uchchoH 'e' nID 'ach SamlaHbe' ghopDaj.
jach 'eSSIm bIQtIqDaq pumtaHvIS, ghIq bIQ 'elDI', nuj SoQmoH. SIbI'
bIQDaq ghIrchoH. Hurgh bIQ. tlham Hutlhbogh Duj rur. lurghmey
ngu'laHchu'be' 'eSSIm. toS 'e' lunID 'eSSIm ghopDu', 'ach bIQtIq HeH
SamlaHbe' 'ej bIQ jaQ toSlaHbe'.
----
SKI: Mahoun and Essim walk through the town, and through the woods to
the river, where Essim gets chucked off a bridge by unseen assailants.
----
The amount of work one has to go through to describe a bridge in this
language is almost exhausting. Did you get it from the title alone?
More information about the Tlhingan-hol
mailing list