[Tlhingan-hol] nuq bop bom: 'ay' wa'vatlh chorghmaH: QapmeH HIv

[Qov]

Hota'ro' and vajar are on gharben loS, discussing the potential 
loyalties of various *veS* officers and factions.
----
180: QapmeH HIv

*veS* yaS puS qel vajar, Hota'ro' ghutar je 'ach pagh wuqqu'. 
ghutarvo' QumwI' tlhap vajar 'ej *veS* rI'. jang Sogh. jatlh, 
"SuloSnIS. Quv Huv yIghoS 'ej peloS."  yotlhDaq QamtaH ghom. bejchuq 
'ej loSlI'. 'ej tagha' qo' HuvHa'choHmoH jol. *veS* jolpa' lupawDI' 
jatlh jonwI', "lItHa'! tugh!" 'ej pa' lumejta'pa' pawpu' ghom veb. 
jonwI'. QumwI' tlhap vay' 'ej chob lughoS.

chobDaq qev Hutvagh. Hoy'chuq SuvwI' law' 'ej paw'chuq. joSmey law' 
Qoylu'. rInpu'bogh may' rur 'ach chech HochHom 'ej rIQ SuvwI' puSqu'. 
veDDIrmey chIS qeng HochHom wamwI'pu'. ghoSmoH ghom'a' 'e' luchaw'. 
puSchoHDI' ghom'a', 'avwI'vaD jatlh vajar, "SuchwI' DorwI' wIpoQ," 
'ach buSHa' 'avwI'.

vajar SupmoH ghogh. "vajar HoD!" jatlh. be'tlhar ghaH. betleH qeng 
je. "qaghuHmoHta'. qatlh Sucheghta'?" jatlh be'tlhar.

jatlh vajar, "may'meyDajvo' Haw'be' tlhIngan."

jatlh be'tlhar, "may'raj 'oHbe'."

jatlh vajar, "nIteb Qob qaD jup 'e' chaw'be' SuvwI'."  vIH be'tlhar 
wuS 'ach Quch'a'?  Sovbe' vajar.

nachDaj tlhe'moH be'tlhar 'ej jatlh, "mang!" qImchoH nuv puS. wa' 
Hung 'avwI' wIv be'tlhar. ghaHvaD jatlh, "ghochchajDaq nuvpu'vam 
tIDor." tlheD be'tlhar.

lob 'avwI'. betleHmey veDDIr je roQmeH pa'chaj lujaH, ghIq SeSpa'Daq 
ba'taH, ghIq tach machDaq Dor latlh 'avwI'. tachDaq law' HaStamey. 
wamwI'pu' SuvwI'pu' 'ovwIpu' je muchtaH.[188] *veS* ghu' luqImbe' 
tlhutlhtaHvIS.

chobDaq may' wabmey Qoymo' QamchoH 'ej tach lojmIt lughoS. qaDchuqtaH 
cha' SuvwI'. betleHmey yantaH. Dop chobDaq ngab chang'eng ghIq nargh. 
choltaHvIS ghobwI'pu' be'tlhar ghov vajar. loD ghovbe'. jatlh ghutar, 
"HungpIn ghaH." chobDaq vajar luyuv bejwI'pu'.

DIS QujmeyDaq[269] SuvwI' po' law' Hung yaSpu'vam po' rap. jop 'ej 
way'. tlhe''eghtaH may'. cholqa'DI' ghobwI'pu' DoH 'e' nID vajar 'ach 
bot bejwI'pu' chu'. DaH be'tlhar Dub neH leghlaH vajar. betleH levDI' 
'ej ngolDI' vIHtaH SomrawDu'. DoH be'tlhar 'ej  betleH yantaHvIS, 
vajarDaq pum bIQ'e' puvmoHbogh DeSDu'Daj. HungpIn woch law' be'tlhar 
woch puS 'ach nom vIHlaH be'tlhar 'ej HoSghajqu' volchaHDu'Daj. 
HungpIn DoHmoH 'ej Dop chobHom 'el 'e' raD. Suvqu'. Dop chobHom 'el 
je be'tlhar. tlhuHtaHvIS SuvwI'pu' 'ej mupchuqDI' 'etlhmey QoylaH 
'ach tam qamDu'Daj.
---
SKI: vajar and crew return from the surface and witness a betleH duel 
between be'tlhar and the chief of security.
---
[188] Klingon sports bar? Geez, vajar was right in 'ay' wa': he 
really does need a hobby.
[269] The Year Games - a John M. Ford thing. Some kind of Klingon Olympics.
---
Tomorrow: the end of the duel and the end of the 'ay''a'.  And what's 
next?  I can hardly wait!  I haven't read the next 'ay''a' in a 
while. I think it's a good one.