[Tlhingan-hol] ja'chuq / what's up?

[Rohan Fenwick - QeS 'utlh]

ghItlhpu' De'vID, jatlh:
> toH, qaStaH nuq jay'?

qaStaHvIS DaHjaj lunungbogh cha' Hogh'e' Qu'mey law' vItaghpu' jIH.

(SaghuHmoHchu': chaq 'op nuv jotHa'moH ghItlhvam 'ay'.)

tagh ghojmoHmeH DIS bID chu' 'ej DISvam jIghojqa'moH. qaStaHvIS bIDvam,
'ampaSwIj ghojwI'vaD HeS QeD vIghojmoH. nugh ngo' tej jIHtaH 'ach HeS
QeDvaD lI'qu' je mIwmey'e' Qu'mey'e' je DIlo'bogh. ghojmeH Qu'vamvaD
"The Archaeology of Death and Crime Scenes" ponglu'. HomDu' ghovmeH 'ej
ngu'meH mIwmey, molmey HaDmeH mIwmey, HeS De' nuDmeH mIwmey je vIghojmoH.
jIHvaD Dajbej Qu'. (ben law', QeS lagh jIpong'eghtaHvIS, Morska HolHom
vIlo'DI' "Crime Ensign" mupongpu' SuStel, MorskaDaq <QeS> qa'meH <HeS>
jatlhlu'mo'... lughqu'choHlaw'pu'.)

latlh Qu' vIghaj: 'ampaS ghItlh'a'wIj vIrInmoHlI'qu'. DISvam jar javDIch
jar SochDIch ghap vIrInmoHpu' 'e' vItulqu', jar chorghDIch turIqya'Daq
jIvum net chaw'mo'.

qaStaHvIS 'op jar Do'Ha' tlhIngan Hol vIbuSqu'laHbe'. tugh ghu' choHlu'
'e' vItul. jIHvaD Suverya' Hol vIghojmoH 'e' vIwuq je. qen Suverya' much
<be'pu' muSbogh loDpu'> vIbejpu'. vItIvbejpu'. law' Suverya' luDabbogh
jupwI' ngugh 'e' muqawmoH je, vaj Holchaj vIghoj. jIqaD'eghqa'moHba'. :)

QeS 'utlh

SKI: QeS's missions for this half of the year are to finish his PhD
dissertation, teach forensic archaeology, and try to get them out of the
way by midyear so he can get back to other pursuits.