[Tlhingan-hol] nuq bop bom: 'ay' wa'vatlh vaghmaH cha': <maghwI' puqbe'>

[ghunchu'wI' 'utlh]

QIt lut vIlaDqa'.

On Sun, Feb 12, 2012 at 1:19 PM, Qov <robyn at flyingstart.ca> wrote:
> jatlh Mahoun, "jIchun! Dujmaj lujon neH. pagh vISov! Duj ravmey vISay'moH
> neH!" munrup 'eSSIm 'ach lImbe'choH maHun. chIch tlhuH 'ej ba'choH. Hem
> 'eSSIm.

'eSSIm HemmoH'a' nov? SaHqu'ba'.

> jatlh Qugh, "Do'Ha' bIghHa' rav DaSay'moHbe'ta'. lammo', DIrlIj ngejlu'. DaH
> bIpIvtaH'a'? nInuQ'a' DeSDu'? 'oy''a'? ngejlu'qa''a'?"

batlh Qu'Daj ta' Qel.

> "tlhIngan DIr ngeb 'oH.
> lajHa' porghlIj 'e' vIpIH. Qo'noS DapawDI' DuQorgh'a' latlh Qel?"
>
> jatlh Mahoun, "ghobe'. Qo'noSDaq SaqDI' muHIjbogh Duj, SIbI' vItlhabmoHlu'."

'a ghorgh Mahoun rotlhmoHlaw'bogh jan SIQpu'?

> "yaSpu'wI' DaQorgh'a' je? not vIleghqa'."
>
> may'Duj Qaw'bogh Qugh'e' Del Qel[133].

DunuQchugh Qugh pong, chaq lot'e' DellaH.

> QuS naQ yajbe'law' QI' 'ach cha'
> 'avwI'pu' chotta' qama' 'ej boQba'ta' vay'. maghwI'pu' nejtaHvIS beq, Hegh
> nuv puS. Sub moj wa' yu'wI' Qup. wa' maghwI' Sam 'ej DISmeH joy'lI'.

<-lI'> vIparHa'. It stands out only because the sense of purpose
wouldn't be as simple to express in English.

> jorbeHbogh peng jornebmey So'ta' SorghwI'. latlh QuSwI' pong luHta' joy'wI'
> 'ach QuSwI'vetlh joy'lu'pa' HoH'egh. ngoqmey 'angbe'meH vangta'. 'op
> jorbeHbe'moH beq 'ach Hoch Qobbe'moHlaHpa' Duj Qaw'. Heghpu' wa' SanID nuv.

Do'Ha'.

> Duj Qaw'lu'pa' yaS puS neH toD yu'wI'vetlh Qup. jatlh Qugh, "yu'wI' po'qu'
> ghaH 'ej val."

Why not {po'qu' yu'wI' 'e' val}?

> "luwelmo' yaSpu' toDta'bogh, chep 'ej luQanqang nuv law'. wIH
> 'ej juppu'Daj Qanqang. DaH Sa' ghaH. mutoDta' 'ej vItoy'taH."

loQ qImyal QIj.

> "tugh tlhIngan
> yejquv muv net pIH." lut Sovchu' 'eSSIm. 'ay'mey noppu' Qel 'ach mujbe'.

lutvamDaq be' laj yejquv. tIgh pIm ghajlaw' bov pIm.

> mIS Mahoun. jatlh, "mutoDta''a' yu'wI'?"
>
> jatlh Qel, "Dujon may'Duj *lotlhwI'* 'ach jorpa' may'Duj, ngaq Duj *naQjej
> yoH*Daq DaQaylu'. *lotlhwI'*Daq Hegh Hoch qama'."

Do'Ha'taH.

> 'IQlaw' Mahoun. jatlh, "bIQ vItlhutlhnIS."[134] Hu' 'ej pa' mej. chaq
> Heghpu'mo' Hoch yaSpu'Daj SaQnIS.

ngo' De' 'ach 'IQmoHlaHchu' lut ngo' 'e' vISov.

> Qubqu'law' Qel. vay' Sov. ghaH retlhDaq ba'choH 'eSSIm 'ej peghmey vIttlhegh
> jatlh. jatlh Qel, "vavlI' ghaHpu', qar'a'?"
>
> "HIja'," jatlh 'eSSIm. tlhup. tuH.[135]

motlh qaq vIt.

> jatlh Qel, "Heghpa', potlh munobta'."
>
> 'eSSIm nachDaq DIng qechmey. nuq nobta'? ghajtaH'a' Qugh? loSlI' 'eSSIm.

loS je laDwI'vam. ghaytan cha'leS lut 'ay'Hom veb vIlbuSlaH.

-- ghunchu'wI'