[Tlhingan-hol] nuq bop bom: 'ay' cha'vatlh cha'maH cha': 'omwI'pu'
Qov
robyn at flyingstart.ca
Mon Jun 25 11:36:32 PDT 2012
vajar said that he will die before he is captured, and that it is a
good day to die.
222: 'omwI'pu'
jatlh ya 'ay' Sogh, "bIHeghpa' Hegh je neghma' Qup." lojmItDaq
Sumbogh mang Qorgh vajar 'e' bej'a' yaS? jatlh Sogh, "qaSov, vajar
HoD. qImyalvaD qapojmeH QonoSmeylIj vIHaDta'. bIpujchugh, tlhoy' mang
Qup DaSaHmo' bIpuj. maSuvtaHvIS, ngIq negh SaHbe'chu' qImyal Sa' 'e'
yIqaw. nuHmeyDaj chaH neH."
vajar Delchu'bogh ngoDvetlh'e' tu'be'pu' vajar 'ej QonoSmeyDajDaq
tu'pu' Sogh. yaSpu' val ra' qImyal Sa' 'e' qawnIS je vajar. jatlh,
"ghIj qet jaghmeyjaj, Sogh." jangbe' yaS.
chobmeyDaq moD ghom. Do'law' chaH. tachDaq chaHbe'taH 'e' Sovba' Hung
'ach naDev DachtaH 'omwI'pu'. motlh Dat chaw'mey 'olbogh 'avwI'pu' ghom vay'.
'avwI' nejDI' narghta'bogh qama' reH 'avwI' Sambej. pay' chob lubot
loS 'avwI'pu'. HeD 'e' qelchoHDI' vajar chaH 'emDaq ghogh Qoylu'.
jatlh, "pemev!" luDechlu'. loQ pIm cha' 'avwI'pu' HIpmey.
jatlh ghutar, "Hu'tegh! qImyal QaS le' ghaH.[261] matlhchu'.
QongtaHvIS Sa' lu'av." 'ej DaH QeHlaw' chaH.
"ghaH!" jatlh wa' 'avwI' le'. moch ghaHlaw'. vajar SIqmeH wanchoH
DeSDaj naQ. nISwI' beHmey qeQlI' latlhpu'. 'avwI' bejqu'taHvIS vajar,
Hung HotlhwI' Sum tu'. vajar Hegh qonchu'. betleHDaj pep vajar. vaQ
tonSawvetlh 'ej nISwI' tIH 'ommeH loQ yoD DalaH je betleH. loQ vajar
waQ latlhpu'. wej vangbejpu'mo' 'avwI'pu', bachbe'taH je qIQwI'pu'.
chaq Sonmo' 'avwI'pu'vam'e' HIvqangbe' *veS* beq.
jatlh vajar, "qImyalvaD tuqopqa' 'e' bongIl'a'? not jIHeS. De' le'
vIpegh 'e' maq petaQvetlh 'ach not De'vetlh vIghaj. reH wo'vaD Hoch
De' vIjonta'bogh vIlI'. wa'logh qama' SuD vI'avpu'mo' maghwI' jIH 'e'
Harlaw'. tlhIngan wo' HoD matlh jIH, 'ach tojtaH 'ej neptaH 'ej beq
ghongtaH 'ej HeSmey vItoghlaHbe'bogh ta'taH be'vetlh maw'. naDev
quvwIj vIHubrup 'ej juHoHmeH nISwI' tIHmey bobachchugh tlhIH quvHa'
law' ghaH quvHa' rap!" lubejlI' 'ej luQoylI' Hung HotlhwI'mey jIHbogh
Hung yaSpu' law''e' 'e' tul vajar, DuvtaHvIS.
---
SKI: vajar proclaims his honour and innocence to a group of guards
that confronts him and the party.
----
[261] Still can't quite believe I'm supposed to use ghaH for two guys
just because troops is grammatically singular. Grumble.
More information about the Tlhingan-hol
mailing list